|
|||||||||||||||||
من خلف القضبان لكل شدادي
هذه القصيده صرخه من خلف القضبان الى كل شدادي فيه خير وخاصة اعيان القبيله وعلى راسهم اللواء نقا ابن عايض ابن مهرس من اخونا محمد زياد الحارثي الله يفك أسره ويطلعه بالسلامه لعياله وربعه واهله . الاوله سلام مني يا نقا يابن الامير=اعداد ما خط القلم يابو طلال كتابها يا شيوخنا اهل البيرق المرفوع والسيف الشطير=اللي نهار الكون تثبت بالنحر مضرابها يا عيال ابن مهرس هل التاريخ والمجد الكبير=يا روس قوم ٍ عطر الله قبر شيخ جابها شيخ ٍ له التاريخ سطر بالذهب فوق الحرير=بطولة ٍ كل العرب في صفحته تقرابها والله ما ينضام من ربعه صغير ولا كبير=يسوق نفسه دون ربعه ما يحسب حسابها يا شيوخنا محد يرد السيف في بطن الجفير=لا طاح حد الحضرميه ما بقى الا نصابها والماقف الغصاب ما يحتاج له شار الشوير=مربوط بوجيه الرجال وباللحى واشنابها حكم الله اودعني بسجن وقيد وابواب وخفير=بلوى عسى الله ينجي المسلم ولا يبلابها وزبنتكم يا لابتي وانتم تفكون الاسير=وتجي ليا من صار ابو طلال هو طلابها يطلب لي الاطلاق من عند الملك وإلا الوزير=وتنشر له البيضا بعدها فوق روس هضابها والثانية ربعي مزبنة الدخيل المستجير=مدري علام الربع يا نواف طال غيابها يا لاد شداد العلوم لحال والافعال غير=ومن لا يبرهن كلمته بالفعل وش يبغابها فزعاتكم ماهيب للعرضه ولعب ودق زير=فزعاتكم يوم الحرايب ولعت مشهابها كم روس قوم ٍ جندلتها سيوفكم من شان بير=واقدامكم تاطا ثعابين ٍ تمد رقابها ويوم استتب الامن ما نبغى حصان ولا بعير=خل الفشق في محزمه والجيب من ركابها يركب عليه الطيب اللي ما حسب بعد المسير=ويزبن شيوخ ٍ للمواطن مشرعين ابوابها بالجاهه اللي في مباديهم يشوقون النظير=والا بخيل الجاه خارج حسبتي وحسابها الي على الطيب حقوق ولا ارجي من اللاش خير=والطيب سلعه نادره واللاش ما يحظابها الرفقه اللي ما تجي في الكرب واليوم العسير=تبقى سوات الحرجه اللي تندفن بترابها اشره على اللي رفقته تعني لي الشي الكثير=ولا اشره على بعض الرجال اللي تجر ثيابها لكن اقول السيف ما ينرد في بطن الجفير=ليا طاح حد الحضرمية ما بقى الا نصابها والماقف الغصاب ما يحتاج له شار الشوير=مربوط بوجيه الرجال وباللحى واشنابها سجين الشدادين الشاعر : محمد بن زياد الشدادي
|
15 Apr 2009, 02:09 AM | [ 2 ] | ||||||||
|
صح إلسانه والله يفك أسره ويا ليت تعطينا وش مشكلته وليه مسجون وتواصلنا بأخباره . |
||||||||
|
|||||||||
15 Apr 2009, 06:49 PM | [ 3 ] | |||||||
شاعر
|
الله بفك اسر ابو عزام ويصبرة تحياتي لك ياعناد |
|||||||
|
||||||||
15 Apr 2009, 11:09 PM | [ 4 ] | ||||||
|
الله يفرج كربتك يابو زياد ( ونعم الرجل ) ، ونعم الرجال الى انت منهم ، و المؤمن مبتلى في هذا الدنيا، و انت من لابة قد حمولها و حمولها قدها ، و ان راد الله بعزة و مشيئة ، ينحل موضوعك بأسرع وقت ممكن ، على يدين لابتك الشدادين |
||||||
16 Apr 2009, 03:35 PM | [ 5 ] | ||||||||||||||||||||||||||||
شاعر
|
الله الله الله يا أبو عزام صح الله لسااااااااانك ملايين والله يعينك وإن شاء الله الربع مايقصرون وترجع لنا سالم غانم نعم هذا هو الشعر وهذا الإبداع من شاعر يشاد له بلبنان الله يوفقه ويهون عليه هم السجن مشكور أخوي عناد |
||||||||||||||||||||||||||||
|
|||||||||||||||||||||||||||||
16 Apr 2009, 09:32 PM | [ 6 ] | ||||||
|
الله يفك اسرك يابو زياد: قد قال قبلك هباس ابن سفر ابن حديد: ياونة ونيتها في الحدودي= ونيتها يوم المحابيس غطاس ياونتي ونة كسير العضودي= واللي وعا بي قال يارجل لاباس ونيتها يوم الخلايق رقودي= والنوم مالجلج على عين هباس |
||||||
16 Apr 2009, 09:43 PM | [ 7 ] | |||||||
عضو متميز
|
أسأل المولى عز وجل أن يفك أسر أبو عزام وأن يعيده لأهله سالماً غانماً والآن أتى دور الرجال الذين قريبن من الدولة ولهم صلة بمسؤولين أتمنى أن نشاهد وقفاتهم في هذا الأمر الذي من الواجب أن يقفو فيه دون تردد |
|||||||
|
||||||||
16 Apr 2009, 11:58 PM | [ 8 ] | ||||||
|
صح لساااانك الله يفك اسرة ويفرج كربته... |
||||||
|
|||||||
17 Apr 2009, 12:58 AM | [ 9 ] | |||||||||||||||||||||||||||
عضوة متميزة
|
صح لسان أبو عزام
وفرّج الله كربته ورده لأهله سالم أبيات صادقة عسى أن نرى صداها بالأفعال قريباً . |
|||||||||||||||||||||||||||
|
||||||||||||||||||||||||||||
17 Apr 2009, 01:05 AM | [ 10 ] | ||||||||
مؤسس شبكة الشدادين
|
الله يفك أسرك يا أبو عزام ويعجل بفرجه عليك في أقرب وقت والقصيدة إن شاء الله بتوصل لكبار الشدادين وهم قادرين بإذن الله على التشفع لدى ولاة الأمر من أجل إطلاق سراحك عاجلاً اللهم عجل بفرجك على أبو عزام |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
دام عزي دامني شدادي .. | غريب | عرّف بنفسك لو سمحت | 16 | 07 Aug 2010 10:30 PM |
شدادي كول وصل | شدادي كوووووووووول | الترحيب والتهاني | 18 | 28 Sep 2009 05:42 AM |
شدادي في المنتدى | أخومن طاع ربه | الترحيب والتهاني | 18 | 17 May 2007 01:57 AM |
شدادي | the surgeon | المواهب والمحاولات الشعرية | 8 | 21 Jun 2006 01:13 AM |
ايه شدادي | متعب الشدادي | قصائد وأقوال وشيلات في الشدادين | 27 | 07 Nov 2005 11:26 PM |
أدوات الموضوع | |
|