اخرقصيده في الاسهم

--------------------------------------------------------------------------------

السلام عليكم ورحمة الله




اللهم فرج كرب المكروبين و اقض الدين عن المدينين ياكريم

سوق(ن) يجيب الهم و الضغط مابيه = لاكن ظروف الوقت تحكم علينا
يا سوقنا وش ما حصل وش مغبيه = دحدر و ليته د حدره بالهوينا
نار ابهشيم وريح شر امتقفيه = اكل حصيلة عمرنا او ما درينا
واللي حصل في سوقنا وش انسميه = واللي يجيب العلم قله يجينا
هذا زمان الصمت كثرت بلاويه = ولحدن يفسر ما جرا او يدينا
حب الوطن بالدم يمشي مجاريه = لحد(ن) يجي ذا اليوم يزايد علينا
القلب بيدن الهوامير تشويه = هم ما دروا انا زمان استوينا
الله من جسم برا الهم راعيه = والله من زولن قضى العمر دينا
يا حامي(ن) بيته و معلي مبانيه = ندخلك عن منهو نوا الشر فينا
امواعد اعيالي لهم بيت و ابنيه = ودار الزمان و ابيتنا ما بنينا
حلمن زرعته فيهم اسنين و اسقيه = و الزرع مات ووعدنا ما وفينا
الصبر زبن المبتلى و الفرج فيه = و شكوى لغير الله نقص(ن) بدينا
يا كيف ربك للمخاليق تشكيه = و كل ما حصل مكتوب لو ما بغينا
هذي اذنوب النفس و هذي معاصيه= و الا الولي ما يوم يجني علينا
يا اخوي بالمله لنا رب ندعيه= و لغير الولي ما يوم نرفع ايدينا
يالله حاسب من تسبب و جازيه = وارحم اضعوف(ن) ضاع كده اسنينا
وبالشعر ارفه عن اقليبي و اسليه = وشكواي لله حلها مو بدينا

آآآآآآآميين يـــــــارب ،،


صـــح لسان شـــــــاعرهــا ،، ولاهنــت عالــــنقل ،،


يعطيكـ العـــافيه ،،

الله يفرج كربتهم ان شاء الله

تسلم يمينك يا بو اثير ويعطيك العافيه

صح لسان الشاعر ومشكور على النقل

الله يعين المسلمين الله يعين

صح لسان الشاعر


والله يفرج كرب كل مسلمـ


مشكور على النقل أخوي ..!!

قصيدة عبرت عن مافي داخلي..
حلم البيت تبدد والراتب موزع على الديانه
والله ينصرنا على الحراميه..

قصيدة عبرت عن مافي داخلي..
حلم البيت تبدد والراتب موزع على الديانه
والله ينصرنا على الحراميه..