مجاراة للشاعر حمود الدلبحي

السلطان صح
بدنك
ومشكور
على
المرور

ابن هميجان صح لسااانك

ابداااااااااااااع وصح لسان الشاعر الكبير عبدالمعين والشاعر زيد الدلبحي

الرهاوي

صح بدنك

والاروع مرورك

		المشاركة الأصلية بواسطة : صالح بن هميجان اقتباس
	السلام عليكم ورحمة الله وبركاته اخواني اعضاء ومشرفين منتدى الشدادين هذه قصيدة للشاعر عبدالمعين الثعلي واعذورني لعدم حفظي للقصيدة كاملة ولا احفظ سوى مطلعها ويقول فيه : ياعد لو انك مخيف (ن) وردناك = ولا قط جانا في اللزوم ارتباكا وجاراه الشاعر حمود بن زايد الدلبحي بهذه القصيده ياقلب دوبك والقوافي تحداك = دوبك ولابه قافيه يصعب علاكا عبد المعين اللي بيوته على ياك = قافه لذيذ وذقت منه الهلاكا وياقاف لو انك بسوق جلبناك = كل (ن) يبي قربك وكل (ن) يباكا وياعد لو انك مخيف(ن) وردناك = ولا قط جانا في اللزوم ارتباكا وطبعا انا جاريتهم لاعجابي في مجاراة الدلبحي مع العلم اني لم اسمع قصيدة الشاعر عبدالمعين يالدلبحي هيضتني في مجاراك = لعبد المعين بقافيتكم علاكا انا اشهد انك للتماثيل حباك = عسر المعاني في الشعر ماخفاكا وانا اشهد انه خاسرن من تحداك= نجم(ن) سطع طفى هذاه وهذاكا هيضتني ياحمود في حلو معناك =وذكرتني تاج الحسن والملاكا غرو(ن) موصلني ليا حد الادراك = منه العيون القشر قامت تباكا ياما نصحته قلت لا تسمع عداك = لا تسمع اللي بالنمايم تحاكا ناس(ن) تبي تبعد خطايه عن خطاك = والمشكله يازين تعرف غلاكا غلاك عندي مايعادل بالاملاك= لو جمعوا املاك هذا وذاكا وجدي على من حط كفه بيمناك = وجد السجين اللي عطوه انفكاكا وبعد وصوله قالوا الناس عزاك = الله يحسن يالسنافي عزاكا امك توفت قبرها عانه هناك = واسباب موتتها توجد علاكا ياما طوال الليل قامت تحراك= وكان امنيتها بس لحظة لقاكا انا وجودي مثل هذا بلاماك = وبموت والله يالغضي في رجاكا وانا اشهد ان الله يازين سواك = وياحظ من دايم عيونه تراكا نصف الجمال اليوسفي في محياك = الله عطى يوسف منه ثم عطاكا واستغفر الله كانها كلمت اشراك = الله وحيد ولا مع الله شراكا بس الجمال اللي اشوفه تغشاك = حرام ماشفته بشخص(ن) سواكا الريم لو تاخذ من الوصف حلياك = بدري عليها ماتجي مستواكا ولو الحمامه قلدت فيك ممشاك = مصيرها تتعب وتترك خطاك ولو النحل يذوق من حالي شفاك = يترك بساتينه وينزل حماكا ولو بوصفك من هامتك لين ماطاك = يصعب علي اوصلّك منتهاكا الخشم سيف الهند بيدين الاتراك = والعين عين اللي نصب له شباكا وردف(ن) نبا على جليستك علاك= وشعر(ن) كما ليل الدجى من وراكا واللول والمرجان يلمع على فاك= يشع نور اليا تبسم شفاكا والخصر شبر ان كان يازين زدناك = والعنق كنه عنق ريم الدكاكا الغره اللي ضاويه فوق عيناك = يسعد مساء الغره ويسعد مساكا ضميان وابغى رشفتن بس من ماك = وعروق قلبي يابسه عند ماكا حنّي على الماضي وعودي لذكراك = عودي على صالح ترى مانساكا وتذكري وقت(ن) مضى كنت وياك = اقطف ورود الحب واقول هاكا ولا قلت لك ياجعلني من فداياك = قلتي ترى عذبتني في هواكا وقلتي ولو ان بيوم قلبي بيعصاك= قلت اقطع الشريان قبل يعصاكا واليومه الحاسد قدر فيك واغواك = وقلبي عن الحساد ياما نهاكا وكان التغلي بس يازين دعواك = تغل يالغالي وحقق مناكا وان كانها الفرقى عسى الله يبلاك = بمصيبة(ن) يازين تمحق حلاكا حتى ابوك ليا نظر فيك هباك = بهبوة(ن) توصلك حد الهلاكا ويالله اللي كلنا نتبع رضاك = الطف بقلب(ن) مابغى الا رضاكا وسلامتكم

أبو متعب صح لسانك أنا أشهد وصح لسان

عبدالمعين الثعلي

وصح لسان حمود الدلبحي

اللي شوقوك للمجاراه

ولكن كلمة حق أشهد أنك أبدعت يابو متعب

وفي أعتقادي إنك تفوقت عليهم في مجاراتك وإبداعك

وانا من يوم سمعتها منك ذاك الليل وانا

مشغول بالي فيها وأبحث عنها وماحصلتها غير اليوم

عسى الله يحفظك ولايحرمنا من إبداعك يالغالي

وتقبل تقدير واحترامي !!!!!!!