مجاراة للشاعر متعب بن فراج الشدادي

يا معشر الشعار هاض الشعر والمعنى عميق = اعمق من اعماق البحور اللي تموج امواجها
وانا ليا اهتميت صار الشعر الي مثل الصديق = اشكي له همومي ووكـل للولـيّ افراجهـا
همي رفيقٍ رافقه همه وهمـه لـي رفيـق = نفسي ليا منه زعل تزعـل وزاد ازعاجهـا
رفيقي اللي له ثلاث سنين في الغبه غريـق = دخل بغبـات البحـور ولا لقـي مخراجهـا
غرقان في بحور الحزن ويدور لحلمه طريق = ويقول ياوجدي على من منهجـي منهاجهـا
يا من يطلعني من بحورٍ بها الخاطر يضيـق = واكيد هذي ساعة الوقفـه وانـا محتاجهـا
محتاج وقفتكم معي ياللي لكم مجـدٍ عريـق = لين الليالـي بعـد ظلمتهـا يبيـن سراجهـا
اما بميقافٍ يجمـل كـل ذو وجـهٍ طليـق = ولا قضيتنـا حفظناهـا بوسـط ادراجـهـا

---

سر ياقلم وأكتب على الفرخ الرقيق = من هيـض زافـات البحـر هـداجها
كلام ٍ أحلى من طعم ذوب الرحيق = يشفي القلوب اللي صعيب إعلاجها
وإلا الزمرد حر من صاف العقيق = ماطب في سوق الرخيـص أرواجها
من شاعر ٍ هيضه كما ريح العبيق = يختــار من زيــن الـورود أمزاجهـا
ياشاعــر الشعــار يالحـر الطليـق = المعضلــه كــل ٍ وقــع بـإزعـاجهـا
كر النظر مادام في الظلما بـريق = وعيـش السنيـن بحلوها وأحراجها
وأعلم ترى دنياك أدق من الدقيق = بين الرحى يطوي الزمن مزلاجها
اللي يقفـــي عنـك لو إنه شقيــق = يقنعك عن بعض الشموع إسراجها
لاتتبـع المقفــي ولا يمـه تـويـق = دام الوسيعــه ماتضيـق أفجـاجهـا
خـذ مايليــق وخـل شي ٍ مايليق = والمعـرفــه حـث الخطـا لبراجها
وأرقى لها لو هي على قمة طويق = حتى تفـوز إبهـا ضمـن حجاجها
وشد العزم دام إن لك بالعمر ريق = ليـن السنيــن يقــر لك منهاجهـا
وأشتـد بحبـال الـذي حبلـه وثيـق = اللي ليـا ضاقــت أمــر بفراجها

الشـاعـر / فيحـان بن نـاجـي الشـدادي الحـارثـي ( أبـو فـوزي)

صح لسان الشاعر متعب

وصح لسانك ولاهنت يا ابو فوزي

مجاراة رائعة جداً استمتعت بمتابعتها

يعطيك الف عافيـة

صح لسان الشاعر متعب

وصح لسانك ولاهنت يا ابو فوزي

صح لسانك أخوووي أبو فوزي

وبيض الله وجهك على هذه القصيده

وصح لسان الشاعر متعب أبن فراج

مجاراه طيبه ولاهنتو

والله يعطيكم العافيه

كل الشكر يا الغالي

تقبل مروري

صح لسان ابو فراج

وصح لسانك يابو فوزي

على المجاراه الجميله

تحياتي لك الغربي

صح لسانك ولسان متعب

شعراء كبار ونحن متابعين لكم دايماً

ابو فوزي شكراً على هذه المجاراه الجميله

تشرفت بمجاراتك كما تشرفت بمجارات الشعراء

قبلك وعندي ملاحظه بسيطه على القصيده وهي انها

ليست على نفس البحر .......... تحياتي لك .

الله الله يافيحان

رد كايف على رائعة أبو فراج ..

لكنك أخرت علينا الرد ماجيت به في وقته

على العموم صح لسانك مدد وتقبل ودي

شرٍفنِيّ حظوٍرٍكم جميعاً

وبالنسبـه لأخي متعب بن فراج الشدادي /

مجـاراتـي كانـت على المعنـى والقـافيـه وهو المطلــوب وملآحظتكـم قيمـه
وشكراً لكـم وأتمنـى أن تكـون المجـاراهـ أصابـت الهـدف

ابوفوزي

صح لسانك وصح لسان ابوفراج

ولاعدمناكم يا النشاما

تحياتي لكم جميعا