مجاراة الشاعر عيد بن مربح لقصيدتي حالة غريق

http://www.shdadeen.com/vbq/showthre...360#post529360

وهذه مجاراة أبو غريب على النحو التالي

ياركب اللي فوقه الخرج منشور= يزهاه م ن شغل العذارى فنونه
اشعل شناح يديه ماتلمس الزور=فج العضود موسعات ٍمتونه
والفخذ قطماء والاذن رأس كافور=وعينه تقل جمر ٍ هله ينفخونه
ناب الفقار وذيله أشقر ومحشور=مايميزونه غير من يقربونه
والبطن كنه من شواياه ممخور=دايم مهجنة الهجن يدرجونه
وحبل بطانه تسعة أشبار مشبور=مقوس ٍ يعجبك شكله ولونه
يسرح من الخفجي زبد صدره يفور=يشدا غزال ٍ بالسلق يطردونه
عليه عبسي ٍ محنك وممرور=والدرب مايحتاج من يوصفونه
زهيبه بر ٍ مطحن ومصرور=ودهن وتمر من الفصم ينظفونه
والماء بشنه والعصاء عود باكور=وكلاش فيه المحرقات مخزونه
وصبح أربع ٍ مقف ٍ مع الخبت بحدور=قدمه بجده لابة ٍ يحترونه
وعند أبن شداد أجدع الخرج مشكور=وسلم على خشمه بلطف وليونه
مد الجواب وقله الوضع مقدور= من ظن فينا مانخيب ظنونه
مده لقرم ٍ لاتكبر ولاغرور=ريف الضيوف اللي عشاهم بيونه
راعي صحون ٍ وسطها يصبح السور=يضحون تالي زادهم في صحونه
تركي ليامنه هبا كل مثبور=عز القصير وعز من يزهمونه
من لابة ٍ وسط الجزيره لهم دور= الطيب في غالي الثمن يشترونه
حوارث ٍ وافين مافيهم قصور=المجد يأرثهم وهم يأرثونه
واللي مثل شرواه ماعنه مذخور=حق ٍعلي مشاركه في غبونه
مأجور ياريف المساييرمأجور=أبشر بجاهي والسلف والمعونه
ياعاشق ٍفي سكرة الحب مغمور=عضيض غلث ٍ وافيات ٍحتونه
يعول كما تعول خلوج ٍ من الخور=شافت ولدها قدمها يسلخونه
وعقب أروحت دمه على دمه تتدور=ماالله هداهم بالرمل يدفنونه
ويقنب قنيب الذيب في راس عنقور=ذيب ٍ عياله بالعوا يشحذونه
عدا وعود باأشهب الملح منزور= لولاه هف مع الشفاء يذبحونه
والحب سهم ٍ يطعن إناث وذكور=وينتج عنه عله بليا سخونه
ومع الغروب يصيب راعيه حاشور=يقراء آية الكرسي وترقص سكونه
لاشك في سلم العرب شبه محظور=راعيه لو إنه بري يتهمونه
ويصير في نظراتهم تقل مجدور=ماتقل ذاقوا من مذاقه نمونه
قالوا به العشاق كلمات وسطور=صوارم ٍ حوض الدرك ياردونه
والعرض مثل البنك يحتاج ناطور=ولا يحسبون رجال من يهملونه
وحنا بحكم وشرع والكف مقصور=ومن زل سلطات البلد يسجنونه
وأصبر وعادي يبرك الحض ويثور= وإن ثار فك القفل لو يقفلونه
وعليك باللي يطلبه كل معسور= ترى الامر بيديه والكون كونه
ومعك أختصرت الرد من غير مقصور= برد ٍ عسى أهل المعرفه يسمعونه

عيد بن عوض بن مربح الرشيدي

الله الله يا أبو عبدالله
بالعون إنها قصيدة متميزة ودرر فريدة
وما ألوم بن مربح يوم يجاريك
لأنه لا يجارى إلا الكبار
وأنت كبير بشعرك وأخلاقك يا أبو عبدالله
صح لسان بن مربح ولا هنت يا تركي

يابو عبدالله

عيد ابن مربح شاعر غني عن التعريف

ولا كل قصيده بيرد عليها عيد ولا كل شاعر بيجاريه عيد

قصيدتك وافيه وبيرد عليها عيد وعيره

صح لسانك ولسان عيد وبيض الله وجهك

وسجل اعجابي

ياعاشق ٍفي سكرة الحـب مغمـور=عضيـض غلـث ٍ وافيـات ٍحتونـه

يعول كما تعول خلوج ٍ مـن الخـور=شافـت ولدهـا قدمهـا يسلخونـه

وعقب أروحت دمه على دمه تتـدور=مـاالله هداهـم بالرمـل يدفنـونـه

ويقنب قنيب الذيب في راس عنقـور=ذيـب ٍ عيالـه بالعـوا يشحـذونـه

عدا وعود باأشهب الملـح منـزور=لولاه هف مـع الشفـاء يذبحونـه

يا سلالالالالالالالالالالام


يازين ووجده وقصيده



شاعر غني عن التعريف وشرف لاي شاعر مجاراته

نبي قصيدتك يابو عبدالله


واتوقع انها لن تقل ابداعا عن قصيدته


صح االسسسسسسان بن مربح وننتظر قصيدتك ياشاعرنا

		المشاركة الأصلية بواسطة : الرهاوي اقتباس
	ياعاشق ٍفي سكرة الحـب مغمـور=عضيـض غلـث ٍ وافيـات ٍحتونـه يعول كما تعول خلوج ٍ مـن الخـور=شافـت ولدهـا قدمهـا يسلخونـه وعقب أروحت دمه على دمه تتـدور=مـاالله هداهـم بالرمـل يدفنـونـه ويقنب قنيب الذيب في راس عنقـور=ذيـب ٍ عيالـه بالعـوا يشحـذونـه عدا وعود باأشهب الملـح منـزور=لولاه هف مـع الشفـاء يذبحونـه يا سلالالالالالالالالالالام يازين ووجده وقصيده شاعر غني عن التعريف وشرف لاي شاعر مجاراته نبي قصيدتك يابو عبدالله واتوقع انها لن تقل ابداعا عن قصيدته صح االسسسسسسان بن مربح وننتظر قصيدتك ياشاعرنا

قصيدتي ماكل شاعر يقراها لناس خاصين فقط يالرهاوي
ههههههههههههههههههههههههههههههههههههه
قصيدتي الان تجدها أنت وغيرك والله الله في رايكم فيها ما أبغى مجامله
وترى دايم يجيبها أبو غريب في آخر مقابلته التي أجرتها معه قناة الصحراء

صح لسان الشاعر الكبير عيد بن مربح

على المجاراة الجزله والجميله لقصيده شاعرنا المبدع

تركي الشدادي

لاهنت يابو غايب وبيض الله وجهك

		المشاركة الأصلية بواسطة : الغربي اقتباس
	صح لسان الشاعر الكبير عيد بن مربح على المجاراة الجزله والجميله لقصيده شاعرنا المبدع تركي الشدادي لاهنت يابو غايب وبيض الله وجهك

صح بدنك يالبناخي
وبيض الله وجهك

صح لسان ابن مربح وبيض الله وجهه

ولاهنت يابن العم ولاعدمناك

صح اللسان الشاعر وبيض الله وجه
قصيدة وافيه ورد وافي لاهنت يابوغايب

صح لسان الشدادي
= = الرشيدي

واشكركما على تبادل القصايد اللتي تنومس

وترفع الرأس والله يوفقكم