يمينك أحشمها عن البخل وتشوم

مـجـمـوع الأوسـمـة · توقيع : بحة خفوق

يمينك أحشمها من البخل وتشوم = وأكرم مثل حاتم ولب العزاوي
ياصاحبي لا صرت في العشق مظلوم=فماني على وصلك شغوفن وهاوي
غيبتك عنى سيف شاهر ومثلوم=قصي على الشاوي كما ذيب عاوي
إذا رضيت أرضا عن الصحب والقوم=وأذا زعلــت أزعل ولا ني سحاوي
حج الهوى على المفارق مثل صوم=عطيب جرح ومالقى له مداوي
موقعك في صدري عزيزن ومخدوم=حشيم يشرف عن ردى كل خاوي
في الصدر وأمنقا من البيع والسوم=نقى الشيوخ ومزبنين الجلاوي
محدن على عشق الرعابيب مرجوم=والرجم للشيطان فرضن سماوي
وأمر السماء وضح وباين ومعلوم=وراعي الهوى قلبه معذب وغاوي
العشق بين الناس له عرف وسلوم=من سار به سموه عاشق وهاوي
والرزق بين الناس لاشك مقسوم=بعض البشر غالي غلى عود جااوي
ويمينك أحشمها عن البخل وتشوم=وأكرم كرم حاتم ولب العزاوي
وأدب لسانك من لغط غير مفهوم=وخلك أديب ومدرسة للنحاوي
نسل الوفي للعهد يوفيه ملزوم=وأبن الشجاع لكل فزعه ضماوي
يفزع مع الفزعه ويدرى عن اللوم=وينطح عقيد القوم ما هو بثاوي
الحر وكره مرتفع مثل شغموم=واللي هوى عالصيد حرن نداوي

عجبتني واتمنى تعجبكم