الفريق اهلاوي

اخواني وخواتي
اعضاء وزوار
منتدى الشدادين
اقدم لكم هذه القصيده
راجيا ان تنال استحسانكم

لا رحت للمغرب ولاني ناوي=هنا هنا بالديره المرضيه
لاني مخربها ولاني غاوي=وامشي على هوني شوي شويه
ان درهم المقفين جيتك ضاوي=مع النشاما والرجال الحيه
اشابه المتحضر الديراوي=والدين والدنيا على ما هيه
اسري واهيجن والفريق اهلاوي=والبس عقال وغتره وطاقيه
فالبر اسيير عند ذيب عاوي=اخير من لبنان وانطاكيه
القنص فن لي وانا له هاوي=وحزامي البلجيك والجنبيه
يسر عيني شوف غصن راوي=لا ربعت في الديرة المرويه
والجيب جيب ودربنا صحراوي=ينهج دروب مارقاها زيه
والليل هادي والقمر به ضاوي=يضوي على الريضان فالبريه

الله الله
حي الله ابو فهد
صح لسانك واعتلى شانك لاعدمناك

صح السانك ولاهان شانك


شكري وتقديري

صح لسانك
ياسلام عليك
قصيدة جزلة اعجبتني كثير

يكفي البيت ذا عن مية قصيدة

القنص فن لي وانا له هاوي=وحزامي البلجيك والجنبيه

تستاهل التميز +التنبيه

اخي العزيز
ابوحمد
اسعدتني زيارتك
ياراعي الوبر
تحياتي

اهلا بك
ياشذى عطرالخزامى
اسعدني مرورك
شاكر ومقدر
تحياتي

الاخت
الشيهانه
يبدو لي انك تمارسين القنص
مانتي هينه
شاكر مرورك واهتمامك وشعورك
تحياتي

كفو والله يا شاعرنا
السفير والشاعر

مبدع ورائع كالعادة
لا هنت وصح لسانك يا بعدي

اخي وصديقي وعزيزي السلطان
حياك الله من ممشاك الى ملفاك
نورت صفحاتي نور الله دربك
قصايدي متواضعه
والبركه فيكم
سرني وجودك بيننا
فاهلا وسهلا ومرحبا يالنشمي
تحياتي