قصة وقصيدة فتاة طلع حبيبها أخوها من الرضاعة

قصة وقصيدة فتاه طلع حبيبها اخوها من الرضاع

بسم الله الرحمن الرحيم

هذه القصيده تعبر عن قصه واقعيه القصه عباره عن شاب وفتاه احبوا بعض لدرجة الجنون....واتفقوا على الزواج....وعندما تقدم لها اكتشفوا انهم اخوان بالرضاعه وانهم محرمين على بعض...فعدت الفتاه " فجر " هذه القصيده تشكي حالها......وإليكم القصيده:

الله من حالٍ تكدر شرابها=ونفسٍ من الحرمان جاها صوابها
همٍ يوديني وهجسٍ يجيبني=وعينٍ تهل الدمع من حر ما بها
اسهر واخفي حسرتي في ضمايري=خايفه من دموعي لا يندرابها
وانا سبب ما صاب نفسي وحالي=شيٍ جرح نفسي وزاد التهابها
انثر العبرات من حر مابي=من واهسٍ وسط الحشى قد لجابها
بفراق من يملك فوادي من الملا=نفسه اشتقيت بها ونفسي اشتقابها
على الوفا حطيت يمناي بيده=روحه حلالٍ لي وروحي يهنابها
وعلمت ناسي والجماعه بقصتي=وبينت مجرى قصتي ومن مشى بها
وجاني الجواب اللي يزلزل كياني=وياليت منهو قالها ما حكى بها
قالوا اخوك من الرضاعه تريضي=هذي الحقيقه ولا يحق اجتنابها
وحسيت كن القلب زاد التياعه=ونفسي من الحرمان ضاق الفضا بها
ان قلت انا بنساه هذي مصيبه=يا كيف بنسى من حياتي اعتنى بها
مادري ألوم الوقت باللي جرالي=واحمله ما صاب نفسي وصطابها
والا ألوم النفس وأكتم مصيبتي=واعيش في دنيا قليل الرجا بها
ما بين خط الياس واشعاع الرجا=سمرت في دنيا قليل الرجا بها
يا نفس كفي واستكفي من العنا=خلي الليالي ليا تعذر حسابها
خلي قليل الحظ يشقي ويشتقي=وشلي بدنيا يوم حظي غدابها
دنيا التعاسه صارت اليوم دنيتي=دنيا السعاده سدت اليوم بابها
الهم والحرمان والضيق والشقا=ودنيا تركز في فؤادي احرابها
لا صار من حبيت اصبح اخويه=دنيا القهر والضيم وش ينبغابها
ترجمت مأساتي وحظي وبلوتي=وطويت مبدأ قصتي ومنتهابها
دفنت حبي بين طيات القهر=ثم زدت فوقه من رمايل ترابها

ياااااااااااااااااااالله قهر
من جد شي محزن للغاية

يعطيك العافية أستمعت بالقصة حيييييييل يسلمو

شكرا عسوله على المرور
الراقي الذي انار متصفحي

ياااااااااامسكينه والله تحزن

حب لحد الجنون وينتهي بهالسهوله

مفروض يكون عندهم خبر وهم صغار


صح لسان الشاعره


والله يعطيك العافيه يابو عيد

^
^

من جد صدمه


تسلم أخوي على القصيده ^ ^

الله يقويها على صدمتها

موقف لا تحسد عليه


مشكور أخوي على القصه الحزينه

موضوع رائع

وتقديم اروع ياجوكر الشرائع

سلمت وسلمت يدينك

موقف صصصصعب جداً الله يعين ماهي غريبة صدمات الدنيااا


صح لسانها والله يثبتها عند صدمتها ويعوضها بخير منه

شكراً لك لاهنت

قصه محزنة
يعطيك العافيه جوكر اشرائع


تحيــــــــاتي

الله يكون في عونهم
ومثل هذه القصص تحدث كثيراً
وخاصة في الزمن القديم
أما الآن فإنها ندرت لندرة أسبابها
حفظك الله