أسباب ترك الأعضاء المنتدي

أبو نوره وراك جاي تمشي 200 ريلاكس يا ولد عمي ما دام أحنا نمشي صح وعلى وضح النقاء ما عليك من الدنافيس الحاقده


أخوي وافي موضوع بطل تشكر عليه بس أسمح لي أعلق على الموضوع ويمكن أزحف برا شوي عنه

أخواني أحنا هنا هدفنا واحد والكل عارفه ومن أراد الشر لمنتدانا.. أحد الامرين يا أن المخرب حصل له مشكله مع أحد المراقبين أو الاداريين أو سلطان عبدالله بنفسه ولا مريض نفسين وهذا ما عليه شرهه

أخواني و خاصه أبنا هذه القبيلة وبدون قصور في الاخوان الي مشاركين معنا
قبل تفكر في أي عمل تخريب لمنتدا قبيلتك بسبب مشكله والا سوء فهم تذكر أن هـ المنتدى
موب محصور لشخص معين .. طالع في أعلا الصفحه الرئيسيه وأقراء الاسم المكتوب
أقسم بجلال الله لو فيك ذرت نخوه أنك ما تفكر بها الشيء .. ياخون ويا عيال عمي ويا عصابت
راسي والله أن منتديات قبلية كثيره حاسدتنا على النجاح الي أحنا فيه .. لانا من أرقى المنتديات
والحمد لله في كل شيء في المصداقيه والتنظيم تحت أدارة عادله ..


الخطاء وارد في كل لحظة لكن لا تعالج الخطاء با الخطاء
حصل لك مشكله هنا في هـ المنتدى مع أي شخص حاول تحلها
والادارة صدقوني ما راح تقصر أبد

وأوجه كلامي للي حصل بينهم وبين سلطان بن عبدالله موسس هـ الصرح الشامخ
مشكله والا خلاف .. أخي الكريم سلطان بن عبدالله موب ملك منزل ما يخطي ولا يزل
أنا يا شاهر قد حصل بيني وبينه سوء تفاهم والحمد لله أنحل وهـ الامر طبيعي ولو أستمر الخلاف
أحطه في قامة التجاهل ولا عاد يكون بيني وبينه علاقة وأنتها الموضوع لان هـ المنتدى للجميع
وخاص للقبيلة وموب منتدى خاص لـ سلطان بن عبدالله ..بختصار الكل هنا غايته وحده والي هي
خدمة هـ القبيلة وأضهار تاريخها في عالم الشبكة العنكبوتيه
يعني خل مشكلتك الشخصيه بعيده عن هـ المنتدى وعن الجميع

وقبل تفكر في زلة سلطان بن عبدالله فكر أيضاً في التعب الي تعبه طول هـ الخمس سنوات
والتضحيه والخساير الي خسرها لخدمة قبيلته .!!



أشكر أخواني الاداريين والمراقبين والمشرفين والاعضاء من أبنا هذه القبيلة
أو من محبينها بقيادة مؤسس هذا الكيان سلطان بن عبدالله على هذه الجهود والتكاتف
لنجاح هذا المنتدى الذي يحمل أسم غالي على قلوبنا

مثل ما ذكر أخوي أبو نوره الايام المقبلة راح يكون هناك مفأجات سارة للمنتدى وللاعضاء
وراح يسير المنتدى بنجاحات وتقدم بجهود أبنائه المخلصين


والا الي يدور الشر والتخريب أقوله
( النار وراك والقبر قدامك ) :icon_mrgr

أخوي وافي أنا أسف طلعت عن مسار الموضوع

لي عوده

		المشاركة الأصلية بواسطة : شمعة الدنيا اقتباس
	يؤ جبتها على الجرح بعض الأسباب التي ذكرتها أخي هي السبب الأوّل

شكر لك شمعة الدنيا
والواحد دائما يكون حذر في بداياته

		المشاركة الأصلية بواسطة : إلزابيث اقتباس
	مشكوووووووووووور عالموضوع نايس انا من وجهة نظري ان ترك الأعضاء للمنتدي لسببين الأول مثل مذكرت سايقا إنه"تعرض الكاتب للتجريح من قبل عضو اخر ولم تقم الادارة بواجبها في انصاف المخطأ عليه او إنه تفرغ لحياته الجديده يعني إنه ما كان متزوج او متزوجه وهذا السبب خاصة البنات إنهم اذا اقبلو على هذه الحياه ليس لهم وقت لدخول النت من اصله..دمت بود

شاكر مرورك اختي الزابيث
واضافه جيدة
تفرغ الاعضاء مهم جدا والا من يقرا المواضيع
ويضع المشاركات

		المشاركة الأصلية بواسطة : بندر النايف اقتباس
	الي بدايته صح ولوجه الله لا يمكن أن يندم ,, أنتم بس صفوا النية وخلوها خالصة لوجة الله الكريم وأجعلوا الفائده هي أهتمامكم الأول .. شكرا لك وافي ,, ,,,

هلا بك بندر والنوايا خبايا
فمن جعلها لله سر بها اول واخر
واهم شي هي الفائدة زي ماقلت

		المشاركة الأصلية بواسطة : $ قصاص المتون $ اقتباس
	1 ــ نية دخول العضو للمنتدى . بعضهم يدخل لشي محدد << ومتى ما اخذه ديور وطلع .. يعني اللي يسجل عشان ياخذ برنامج او شي تقني << واذا اخذ مبتغاه طلع < وهذا بالعادة ما يطول .. وبعضهم يبي سالفه أو قصيدة او قصة << وممكن مع مرور الوقت اذا شاف القصص الحلوة يستمر ويشارك ويصير له أثر .... وبعضهم والعياذ بالله >> وهذا خطير ومنتشر << يدخل منتدى لغرض الإيقاع بالبنات << وهذا مشهور ولا احد ينكره .. (( مجرد يدخل بالمنتدى ويحط صورة رمزية لرخمتاً وجهه يلق ويحط بتوقيعه كم بيت << يبين للبنات إنه هاك الرجال اللي ما جا زينه << وعلى طول اتجاهه لمنتدى الضحك والألعاب << وها ها ها وهي هي هي ويسلموا وولكموا واهديك ورده واهديك قرص بسمن ..!!!! << ثم تبدى مغامرة الرطله الين يطرح أحد الفرائس << ثم يودع المنتدى عقبها << ولا يمنعه اذا كانت الإداره نايمة يكرر الامر مع فريسه أخرى << وهذلا بالعاده وجودهم بالمنتدى زي عدمه << ويحبون يخربون على اي عضو ينصح ... 2 ــ بالنسبة للمنتديات القبلية .. اي منتدى قبيلة في بداياته يكون نشيط ويكون وضع قصص القبيله واشعارها متوهج والنقد والأخذ متواصل والأشعار من كل حدب وهبة الريح .. لكن لوحظ على جميع المنتديات القبلية أنها بعد فترة من الزمن << تموت أقسامها لتعوض مباشره باقسام أخرى .. وربما شيئاً فشيئاً يتحول لمنتدى غير واضح الملامح كأول عصوره .. وهنا صراحة كل عضو عنده غيره على قبيلته << لا شاف منتداهم تحول لمجموعات من البنات و الشباب والصور الرمزية المخجلة <<< أقولها وبكل صراحة .. عطى الباب << لانه مايقدر يدخل على قسم تاريخ القبيلة ويقرا نشيد الاولين ومراجلهم << وشوي لا دخل قسم ثاني لقى له هرجتاً عوجا يا من بنت أو ولد !!!! أنا نهار هنه دخلتلي موضوع لابن مهرس عن فرسان الشدادين .. المهم خلصت ورحت لموضوعاً اليا فيه واحدتاً كاتبه (( الحمد لله اعترف لي بحبه اخيراً )) << أنا ولد شداد ولده ؟.!!!!!! يعني هذي ماتخلي الواحد يكره منتدى ربعه ؟؟ صدقني تخلي الواحد يهاجر بعد .. المهم انا طولت علاك بالرد لكن بغيت ابين لك شي يمكن اكون مصيباً فيه ..

هلا بك قصاص المتون جبتها صح
وهناك مشرفين يرسلون رسائل قصائد للبنات في المنتدي حتى منتديات القبيله ماتسلم
ولكن وش الهدف
علشانها بنت او الردود الباردة المبطنه مثل يالغلا لكلا الجنسين كيف الكلام هذا
وش تقول عنهم هذولا

الله يسلمكم كل اللي رديتوا ..

لكن زي ماقلت لكم هذا اللي انا احس انه ممكن يسبب ذهاب الأعضاء من هنا ..


وفيه شي ثاني بعد .


لكن هو تعتبرونه شي مايذكر ، وانا اقول الا يذكر ..

اللي هو مادية العضو .!!!!!

حنا عيال عم ونبا نتواصل ويصير بيننا شي يذكر عند العرب ..

لكن احيان الواحد ماديته ما تيزي لذا الامور << يعني يفصل النت عنده والا يروح كمبيوتره والا تبهذله الاتصالات ...


وانا اقوله صاز ..

انا اليا دخلت هالحين بسرعه اشوف اللي ابيه قبل يفصل علي << ومن عقب العصر << لعاد تدور قصاص المتون << شي يدبل كبد الرجال من الاتصالات والمودم بعد مروح << ويالله صلاح العطا هههه

وانا الظاهر من العام مسجل هنيا لكن فصل النت المتكرر يمنعني من المشاركه الدايمه ..

ولا هنت ياوافي من جديد ..

وفيه اسباب واسباب << بس اخلي للي عقبي كل واحد يقول ماعنده ..

		المشاركة الأصلية بواسطة : فاقدة أبوها اقتباس
	قصاص المتون قص الله متن عدوك وبيض الله وجهك انشهد انك جبتها صح

شاكر لك اختي فاقدة ابوها
علي التعليق

		المشاركة الأصلية بواسطة : السلطان اقتباس
	اللي ودي أضيفه إن منتدانا هذا لن يسقط بإذن الله وسيستمر بتوفيقه مهما تمنى بعض أصحاب القلوب المريضة ومهما حاولوا الاصطياد في الماء العكر مشكلة المرضى عندنا إنهم يتركون ( كل ) ما قدمناه خلال الخمس سنوات الماضية من جهد وتعب ومشاركات وتطوير ورقي ويبدأ مثل ( الذباب ) يتتبع فقط السقطات ويتشمم الأخطاء وكأنه يريدنا ملائكة لا نخطئ ولا نزل وليس لدينا أي عيوب هذا غير معقول وغير مقبول أبداً فكل عمل فيه من الأخطاء ما الله به عليم ولو لم نعمل لما أخطأنا ،،، فالذي لا يخطئ هو الذي لا يعمل ودورنا هنا كإدارة ومشرفين أن نقوم بتعديل الخطأ وتقويم السلوك وتعديل المسارات ونواصل بقية أعمالنا ,,,

هلا بك السلطان ولا تلتفت للخلف القافله تسير ونحن مستمرون وال,,,,,,,,,,,تنبح
المنتدي اذا لم يعجبهم يعجب غيرهم والاهم انه منتدي يمثل القبيله ويجب ان ندافع عنه

		المشاركة الأصلية بواسطة : السلطان اقتباس
	بالأمس ولأول مرة أذكر هذا الشيء قمت بحجز مساحة لا نهائية لنا على موقع شركة كندية كموقع ثاني لنا نحتاجه في الكثير من الأعمال التي سترى النور قريباً جداً بإذن الله وسيكون هناك خطوات رائدة للأمام بحول الله وقوته لمنتديات الشدادين

جميل ان يحضى موضوعي بهذا الاعلان المفرح والله يوفقك لما تقوم به


لا أحب الخوض في ما أقوم بعمله لكن هناك من الناس من يأت ويجبرك
على الكلام بما يقوم به من تصيد للأخطاء

وللأسف الشديد لم نجد من هذا الشخص ذكراً لما تعبنا فيه
ولو سألته يا ( فلان ) وش قدمت أنت لمنتدى ربعك؟
تلقاه ( يدربي ) رأسه ما عنده حتى كلمتين على بعض
يقدر يصيغها صياغة صحيحة ...!!!

عيب والله نجي بس فلان سوى وفلانة زلت وهذا قال وهذاك قال
ونطلع من المنتدى بدون ما نقدم فائدة وحدة لمنتدى قبيلتنا ...!!!

أنا عارف إن فيه الكثيرين من المرضى بسواد القلوب شفاهم الله
يسنترون في المنتدى يومياً وبالساعات عشان بس
يدورون خطأ فلان وفلانة
يا عيباه بس تكون هذي تفاكير الرجال ...!!
ويا عيباه يا ربعنا تكون هذي هي نفعتنا منكم ...!!
لا خير ولا كفيّا شر

لكن حسبي الله ونعم الوكيل

ومنتدانا أبشركم جايه من المشاريع ما لا تتصورون أبداً
وما ودي أكشف عن شيء حتى أنهيه بإذن الله
وأبشروا بالخير يا أعضاء منتدانا المخلصين

واللي في كبده سم
عز الله بيموت وسمه في كبده

[/quote]

الحمد لله هذ ماتوصل له المنتدي وهو شرف له ولمن قام عليه والاخطاء في كل منتدي ولكن من يتدارك الخطاء ويصححه الاقله ونحن منهم ان شاء الله

		المشاركة الأصلية بواسطة : تركي الشدادي اقتباس
	نتمنى لمنتدانا كل الخير ولاعضاءه ومرتاديه مايرضيهم بإذن الله نحن هنا يدا ًواحده نحب الخير ونكره الشر وإدارتنا ومشرفينا وجميع الاعضاء على مايرام والله يوفق الجميع ويعطيكم العافيه

هلا بك اخوي تركي الشدادي
والحمدلله حنا بخير

		المشاركة الأصلية بواسطة : شوق شداد اقتباس
	موضوع رآئع يآوآفي ويستحق آلمنآقشه وجميع آلآسبآب آللي ذكرتهآ صحيحه مآقصرت يآوآفي.. وعندي سبب حبيت آضيفه وآذكرته آليزآبيث بس بتعمّق فيه آكثر يمكن حنآ يآلبنآت تعذرونّآ في سبب وآحد لترك آلمنتدى مهمآ كآنت مشآركآتي وجهودي وموآضيعي في آلمنتدى بيجي يوم وآتركه غصبٍ عني مو برضآي لآتنسون آنه بيجي لهآ يوم ويجيهآ نصيبهآ وتتزوج وقتهآ يمكن زوجهآ مآيرضى آنهآ تخش منتديآت في هآلحآله مآفي يدهآ حيله لو آتركتكم بس يكفي آنهآ تركت خلفهآ آثر وذكرى طيّبه لمنتدى قبيلتهآ ,,

هلا بك شوق شداد
والبنت اذا تزوجت مهوب معناته تموت الله يحيها في اي وقت لاصارت اتشرف اهلها وقبيلتها ماعندها خزى تخفيه عن زوجها والظروف كلنا عندنا ضروف ومشاغل ولكن هناك وقت لمنتدى