الغلا الممنوع

		المشاركة الأصلية بواسطة : تركي الشدادي اقتباس
	الغـلا نبـتٍ لبـذر العواطـف والشعـور=فالقلوب اللـي سحـاب الوصـال يعلهـااا فوق غصن الود يشبه صدى سجع الطيور=لجل عين الفاتنـه مـن هواجـس خلهـا من فياض العشق عانق شذى عطر الزهور=مزنـة ناشـف عـروق الغـرام تبلـهـا لجل من خده بداجـي ظـلام الليـل نـور=ورمشها للقلب حـدب السيـوف يسلهـا جادل تفرض على هاجس الشعر الحظـور=الهنـوف اللـي صـروح الغـلا تحتهـا فوق بحر الشوق بنات فكري لـه جسـور=بالغلا توصل وانا ماقـدرت اوصـل لهـا

ابيات مختاره
من مدونتي
الخاصه
همسة غلا
التي كان لها من شعري
حصة الاسد تحتوي
قصائدي القصيره التي
لا تتجاوز6 ابيات لايتم
طرحها بموضوع مستقل
لفسح المجال امام
اخواني الشعراء

		المشاركة الأصلية بواسطة : بدر الشدادي اقتباس
	السلام عليكم ورحمه الله وبركاته مدونه رائعه بلاشك بكل المقاييس واسمح لي اكون احد متابعينك اخي تركي الشدادي ملحوظه: تركي كلمة (غلا) ممنوعه يابعدي وانت ماشالله مستهلكه بمتصفحك لذالك اتمنى ماتكتبها مره ثانيه لني بصراحه اخجل اسوي تحرير لك ولرجال شرواك اعذب الود

حيا الله مشرفنا الغالي
ومتابعتك تشرفني وتشكر عليها
بخصوص الملحوظه اعجبتني كثيرا
استغرب قرار المنع الجديد دون معرفة
مبرراته علقت عليه بكم بيت آمل

ان تحوز على رضاك

والرد لا يطول

ههههههه
بقي ان اقول
بصراحه دروسك
استاذ بدر حلوه اوي
ههههههه
امزح وامون
ولا يخفى عليك ذلك

يابدر لا للظنون المهلكه=مرحبا ياللي تردون السلام
من يدبلج فالغلا لا يعلكه =يمنع التشويش في فهم الكلام
الغلا له في خيالي مملكه=نهر ٍ اعذب من وبل مزن الغمام
في دجى الليل البهيم باأحلكه= نزف حرفي ينجلي عنه الظلام
ماصرفنا منه ما لا نملكه= خط سيره حسب دستور ونظام
كل قاف وله مداره وفلكه=وكل غالي وسط قلبي له مقام
للوكيل المعتمد مستهلكه= مانصدرهن ليا وردن حيام
الطريق الملتوي به ماسلكه=والرفيق اوجهه بالاحترام
وان عصاني في طريق التهلكه=ماالتفت صوبه ولااعطيه اهتمام

الغلا ممنوع توي ادري

صح إلسانك ملايييين ياتركي

والنعم بابدر وفيك وبيض الله وجهك

تركي الشدادي حياك الله ,,

صح الله لسانك ولاهنت ابيات جزله بمعنى الجزاله ماشاء الله تبارك الله ,,

لك كل التقدير وكل الاحترام وخالص المتابعه .

من فياض العشق عانق شذي عطر الزهور
مزنة ناشف عروق الغرام تبلها
الله واكبر على جمال التصوير ياتركي وعلى مافي هالقصيده من عذوبه ومن معاني راقيه كتبتها باحساس راقي تمنيتها طالت وطالت وطالت وتبى الصحيح وبدون مجامله والله مبدع ولك لون متميز وصور خاصه فيك صح لسانك مليارات واكثر والله يعطيك الف عافيه
تقبل تحياتي,,,,

هلا بك يا أبو عبدالله
والله يحييك
أبدعت كعادتك بيض الله وجهك
وصح لسانك ملايين

ماشاء الله عليك

يالشاعر

,,,,,,,,,,,,,,

لا هنت أخوي و أستاذي تركي

بصراحة حيل أعجبتني أبياتك و الله ما انتبهت لروحي إلا و أنا جاريت أبياتك بخربشتين بسيطة ^_^

محكمة بنك الشعور مرَسٍمَة * تنويه ياللي ما تبي ندب و ملام
حدد رصيدك من معاني تصرفه * تمرير يعني من بغى يمشي النظام

ما شاء الله عليك ربي يحفظك و يحميك

~

ما أجملها من أبيات
أسعدني الوقوف هنا كثيرا
حروفك كانت مليئة بالأحساس الذي لا يشبهه احساس ..
كلمــآت الشكــر تقف عآجزهـ أمآم روعــة حروفكـ ..
فحروفك أخذتنــي معهآ .. وأسرنــي شعرك المتمــيز ..
تقبل مروري المتواضع
بين سطورك الرائعة
موودتــي لكـ ::

		المشاركة الأصلية بواسطة : مزنة اقتباس
	الغلا ممنوع توي ادري صح إلسانك ملايييين ياتركي والنعم بابدر وفيك وبيض الله وجهك

حياك مزنه
طبعا ًاول قراء
الموضوع القرار مفاجئ
صح بدنك لاهنتـي

		المشاركة الأصلية بواسطة : خالد العبيريد اقتباس
	تركي الشدادي حياك الله ,, صح الله لسانك ولاهنت ابيات جزله بمعنى الجزاله ماشاء الله تبارك الله ,, لك كل التقدير وكل الاحترام وخالص المتابعه .

هلا وغلا اخوي خالد صح بدنك
يالغالي شاكر لك عذب مرورك
واطرائك الرائع لاعدمتك