مرثية في فراج بن صالح الشدادي رحمه الله

هذه قصيده للشاعر عبدالرحمن بن فراج بن صالح الحارثي
في رثاء والده فراج بن صالح رحمه الله تعالى:

للحزن في قلبي عمارات وقصور=من يوم غاب الي قتلنا غيابه
ابويه الي كان للبيت اهو النور=ومن بعد موته رافقتنا الكآآبه
والبيت من بعده مثل بيت مهجور=من يوم عنا الموت جاه وغدابه
يابوي كل دمعي على الخد منثور=والحزن في قلبي يزيد بعذابه
ويابوي حالي بعد فرقاك مكسور=ولا يوم من وقته بعمره هنابه
اسكت واقول الحال للناس ميسور=والحزن في قلبي ولحدن درابه
يابوي لو مرت بي سنين وشهور=مالاقي الي من صفاتك يشابه
ويابوي في مدحك فلاني بمعذور=لا هو جديد ولاهو من الغرابه
ويابوي في حزني فانا غصب مجبور=وترجمت احاسيسي بحبر وكتابه
يالي فقدنا في غيابك لنا الشور=الي يحقق في المواقف صوابه
مرحوم يارجلاً على الطيب مشهور=ياخير من كل الاهل والقرابه
مرحوم يالي بالكرم مابك قصور=وماشي على دين النبي والصحابه
وعساك في قبرك من الذنب مغفور=ويرحمك رب البيت منشي السحابه
ووالله لو الحزن بيرد مقدور=لعوي من الاحزان عوي الذيابه
لكن هذا الموت ماشي على الدور=صعباً علينا ذبحته واجتنابه
وياجعل ربي الي به الحال مستور=ينجيك من ناره وشدة عذابه

حياك الله أخي العزيز الشدادي1
ويا هلا بك معنا في منتدى ربعك وعيال عمك

سائلين الله عظيم الرحمة والمغفرة للمرحوم
فراج بن صالح
ونقول للشاعر:
صح لسانك ملايين ولا هنت يا الذيب
على نقل القصيدة لنا

أصدق العبارات ، ماكانت من القلب ، ولا يكون المرء أكثر صدقاً من تعبيره عن الحزن بفقد والديه

البيت قصيدة في هذه المنظومة

فرحم الله فراج بن صالح

وصح لسان الشاعر

وسلمت يمناك أخي على طرحها لنا

يعطيك العافيه يالشدادي ورحم الله فراج بن صالح وأسكنه فسيح جناته ان شاء الله

وصح لسان شاعرها عزا الله إنها من ضمير صادق ومحب ومن خلف شرواك ياعبدالرحمن مامات

دمتم بخير والله يرحم جميع اموات المسلمين

السلطان .، شمس الاصيل،.نايف..يعطيكم الف عافيه ع مروركم..والقصيده كانت رائعه لذلك نقلتها لهذا المنتدى الراقي..

الله يرحمه ويغفر له ويدخله فسيح جناته

صح لسان الشاعر وسلمت يمناك

الله يرحمه وأدخله الله فسيح جناته

وصح لسسسان شاعرها

مششكور أخوي . لآهنت

اخوي رعد الجبوب واختي احساس انثى ..مشكورين ع مروركم..ويعطيكم ربي الف عافيه

الله يرحم المتوفي

وصح لسان الشاعر

يعطيك العافية يالشدادي1

عقد اللولو يعطيك الف عافيه ع مرورك..ودمتي بود