وأنا ليا عدت الانساب ( الشاعر فواز بن حنيف)

بسم الله الرحمن الرحيم

أخواني الكرام إليكم هذه القصيدة الرائعة للشاعر فواز بن حنيف ابن مهرس الشدادي
قايلها في أخوه قاعد الوهاب الروقي العتيبي وإليكم القصيدة:

البارحه دق بي هنداب = خطر ٍ على الرجل لا صابه
دليل عطني قلم وكتاب = وأنا زبونه وكتّابه
سلام يا قاعد الوهّاب = يا مثبت حدود وهّابه
يالشبل يالحر يالمعطاب = يامتعب ٍ من تهقوابه
مبداه في عالي المرقاب = ومالي من الصيد مخلابه
ضرس ليا عض ضرس وناب = أقوى من طويق واهضابه
حلحيل حلال للانشاب = وعداه تخشاه وتهابه
ياليت نجم ٍ طلع ما غاب = وليت السبع خلّف اذيابه
ولا ياولد من يفك الباب = طول الدهر فاتح ٍ بابه
وحجاج يضحك وحسن ألباب = والكيف والطيب يعدابه
وجلوبت الشاوي الجلاب = شراه من عند جلابه
شراه بأغلى الثمن ما هاب = جابه للضيفه وهلابه
رحب وعاداته الترحاب = يا جعلني ما أسمع اغيابه
وعيال عمك ذرا وحجاب = تلطم على العد شرّابه
درعك ليا من كل ٍ غاب = ضد السهوم وتذرابه
وأنا ليا عدت الانساب = أنا أحمد الله من لابه
من لابة ٍ توكد المضراب = في السلم والحرب حرّابه
حرّث هل الموقف الغصّاب = ما نعطي الحق طلابه
بحد النمش نقطع الارقاب = ويموت من ربعي اسبابه
حريبنا ينطل الاسلاب = من خوفنا ينطل اسلابه
ودخيلنا بعالي المرقاب = سنة ولا احد يتهمقابه
وستين يوم وادق حساب = وثلاثة ٍ عند هرّابه
والضيف ياخذ ثلاث اوجاب = في البيت وانكرّم اشنابه
بيت ٍ تقل مجزرة قصّاب = وانكرّمه وانتحفوابه
وقصيرنا في ذرا وحجاب = في اللازمة نحسب اقرابه
والبارحه دق بي هنداب = خطر ٍ على الرجل لاصابه

وسلامتكم

سالم وغانم أخوي أبونايف

وصح لسان الشاعر وسلمت يمينك على هذا النقل

وأبو عبدالله جزل وصاحب قصيد جزل

ونتمنى أن تزودنا باالمزيد

وانت سالم وغانم يابن مهرس..
الله يحييك ولا يحرمنا مشاركتك

بيض الله وجهك يابن مهرس

وصح لسان فواز ابو حنيف

الشكر موصول

القصيدة هذي على الوزن الخفيف وتشبه الكسرات

الله يبيض وجهك يا فواز ويرفع قدرك بين ربعك وأصحابك

وأنت يا ابن مهرس ما قصرت وتواجدك المستمر معنا زادنا

حباً لكل ما تقوم بنثره في صفحات هذا المنتدى

صح لسان شاعرنا ابو عبدالله

ومشكور اخوي ابن مهرس على نقل القصيدة

تحياتي

صح لسان الشاعر فووووواز ابن حنيف الشاعر

المبدع والمتمكن دايماً اشكرك اخي ابن مهرس

حياكم الله يالغالين

صح لسان الشاعر فواز

ومشكور يابن مهرس على ما نفلته لنا من روائع الشاعر فواز

صح لسان الشاعر فواز

ومشكور يابن مهرس على نقل القصيده