متعب الحال والويل

اعزائي اسرتي الغاليه
(شبكة الشدادين الرسميه)
اسعد الله صباحكم/ومسائكم بكل خير
الى اصحاب الامول الذين تسول لهم انفسهم ان يجتاحون الرجال وحقوقهم باموالهم
اقول لهم عليهم ان يتاكدوا انهم يلعبون بالنار
بين انظاركم هذه القصيده أأمل ان تحوز عل رضاكم والسلام عليكم

المال لايغريك يا ابو الزهاله=كم غرت الثروه وباحت محاصيل
ان كان تسمع مستحيل استحاله=طوالك اقصر من طوال المناشيل
ان فرط ابن اللاش وارخص حلاله=ماكل وادي سال جاك بمداقيل
اقصر حبالك مايبيلك وكاله=ماقدمك الا متعب الحال والويل
ان كنت تحسبها بنفسك بساله=فهي رخامه منك باقل تمثيل
وبين الليالي معطبات ودلاله=وبين الاماني مهلكات ومجاهيل
كلآ على قدره يحدد مجاله=وكلآ على حجمه يقيس المداهيل
الوقت نفس الوقت ماجا بداله=ساعه دقيقه ثانيه دون تعديل
الناس فيها يالنشاما عداله=احدٍ يقديها والاخر يبي الميل
ماكل من يغوى الدلايل جهاله=البعض يعرفها ويهوى المعاديل
بعض الرجال يكب درب السهاله=ويدور الضيقه بكل المناويل
واهل الشكاله وينك اهل الشكاله=باقي عيال البوم في كل تشكيل
واللي طمع حق العرب لو بداله=ممكن يجيب الفيد خسران بالحيل
مدام من دونه عقول وجهاله=من دونها يقصر مدى بارد الحيل
لكن طبيعة من يزور سباله=حياته ارخص من مقام الرياجيل
مايدفع الطماع غير الهباله=ولا مورى في حقوق الحلاحيل
واللاش دايم مايفكر بقاله=ابعد مدى افكاره مع القال والقيل
لاوين بيمده فضول الخباله=العالم الله في صحيح المعاقيل
اللي بلا حجه قريب انفعاله=واليا انفعل ضاعت عليه التهاويل
وبشراك يامتعب حياتك نذاله=بالذل والرخصا وضيق المداخيل
والله لتبطي ماتمتع بحاله=ترضيك وسلوم الفتى تذبح الفيل
بعيد مثلك يستبيح الاصاله=دامت اساسك مايجمل تفاصيل
هذي الحقيقه جتك مني رساله=واللي بعدها من لهيب المراسيل

جزل البيان
صح السانك
وانا اقول باقي في الدنيا الرجال الحلاحيل
يعني لاتفقد الامل ياخي
وقصيدتك بصراحه عجزة وصفها
مدري قصيده هجاء لشخص اسمه متعب
مادري
مار دمت مبدع
صح السانك
تحياتي المشيطي

بشراك يامتعب حياتك نذاله
بالذل والرخصا وضيق المداخيل
صح لسانك مليارات ومليارات حكمه من راس حكيم جزاله من راعي الجزاله الرسمي صدقت في ماقلت وابدعت في القصيده ابداع كبير والله يعطيك الف عافيه
تقبل تحياتي,,,,,

قصيدة نارية قوية اللهجة من شاعر قوية حروفة
وقلبة شجاع ’,

والطيب موجود يا صاحبي بس لابد نتعب على ما نلاقيه ,.

رائع جداً

وصح إلسانك

		المشاركة الأصلية بواسطة : بدر المشيطي اقتباس
	جزل البيان صح السانك وانا اقول باقي في الدنيا الرجال الحلاحيل يعني لاتفقد الامل ياخي وقصيدتك بصراحه عجزة وصفها مدري قصيده هجاء لشخص اسمه متعب مادري مار دمت مبدع صح السانك تحياتي المشيطي

اخوي/بدر المشيطي
مرورك يسعني دئما
ولاهنت ولاهان غاليك يابن العم
وقصيدتي انذار لاصحاب الثروات الطغاه
شكرا لك وتفضل
بقبول فائق
الاحترام

		المشاركة الأصلية بواسطة : فهد بن رزيق اقتباس
	بشراك يامتعب حياتك نذاله بالذل والرخصا وضيق المداخيل صح لسانك مليارات ومليارات حكمه من راس حكيم جزاله من راعي الجزاله الرسمي صدقت في ماقلت وابدعت في القصيده ابداع كبير والله يعطيك الف عافيه تقبل تحياتي,,,,,

ابو رزيق
شكرا للاطراء
اسعدن مرورك
وفقك الله ورعاك
تحياتي

		المشاركة الأصلية بواسطة : بندر النايف اقتباس
	قصيدة نارية قوية اللهجة من شاعر قوية حروفة وقلبة شجاع ’, والطيب موجود يا صاحبي بس لابد نتعب على ما نلاقيه ,. رائع جداً وصح إلسانك

اخوي/بدر النايف
يشرفني مرورك وصحبتك
ولاهنت ولاهان غاليك ياعزيزي
تحياتي لك من الاعماق
وصادق الود

		المشاركة الأصلية بواسطة : صقر المراجل اقتباس
	صح لسانك فعلا رسالة حبرها النار وورقها الغضب في اطار من التوبيخ نص ممتع استمتعت بالغضب الجزل القصيدة ككل رائعة ولكن في بيت شدني جماليته المنبثقة والله لتبطي ماتمتع بحاله=ترضيك وسلوم الفتى تذبح الفيل لن اقول سوا انب عشت المتعة رغم انو حصل عندي لبس في البداية بسبب كلمة متعب جزل البيان: كلك شعر كلك احساس كلك ابداع دمت بود

اخوي/صقر المراجل
انت اسم على مسمى
والله يابن عمي انك ترفع الراس
ومرورك دئما مميز ويسعدني
لاهنت يالغالي ولاهان غاليك
تحياتي لك من الاعماق
وتفضل
بقبول فائق
الاحترام

حياك الله يا أبو فهد
ولا هنت يا الذيب
على طيب الحضور وجمال التواصل
وصح لسانك ملايين

		المشاركة الأصلية بواسطة : السلطان اقتباس
	حياك الله يا أبو فهد ولا هنت يا الذيب على طيب الحضور وجمال التواصل وصح لسانك ملايين

اخوي/(السلطان)
مرورك دئما مميز ويسعدني
لاهنت يالغالي ولاهان غاليك
تحياتي لك وصادق
الـــــــــــــــــــــــــــــــود