لبى كله

الجديد بين يديكم اتمنى ان تحوز على رضى الجميع

لبى لبى لبى كله=عين وخشم وفم و خاله
يالبى لبى هاالطله=ضعنا من جاله لا جاله
يا زينه يا عالم لله=في عيني يعجز من جاله
(لغزٍ شيب راسي حله)=ويشيّب راس اللي داله!
لو ظفره غيره يحتله=نذرٍ هاالبحر ليصفاله
واحظ اللي جاله خله=والله ياالفرحه تسعاله
لا بس متجمل باالحله=يا حلوه حظ اللي طاله
لو يدفع ماله ثم هله=الاهلي ما يخسر ماله
في مثله لو يخسر كله=كافي هاالدره تبقاله
وياشاكي لا تشكي عله=لو شفته يوم اسدل شاله
من عضو لعضوٍ يحتله=واتضيع وجرحك يبراله
فنجالٍ لك من هاالدله=حتى الشايب يبرى حاله
عاد لسنه مابه خله=يوم الدنيا هي تحلاله
من شافه والله ما مله=من شوفه كلش يصفاله
(ليته طابقني فاالمله=كان اقدم واخطب من خاله)

ارحب يا أبو سلطان
والله يحييك يا شاعرنا
شكراً لتواجدك معنا ولا هنت
وصح لسانك يا بعدي

صح لسانك يا شاعرنا
أبيات تستحق التصفيق لها
لاهنت

شاعر ما فيك حيلة
يا الروقي
لا هنت ولا هان غاليك
وتسلم يمينك

لَآعِدَمَنِآ هـَ الَعَطَآءْ وَلَآَ هَـ الَمْجَهُودَ الَرَائَعْ


كُْلَ مَآتَجَلَبَهْ أًنَآَمِلكْ بًأًذخْ بَاَلَجَّمَآلْ مُتًرّفْ بَ تمًّيِزْ


وُدِيِّ

.




الله الله بَسَّاطَّة فيْ الإسلوُبْ وَ إِختيَار المفرداتْ
مُغدِقُ أنتَ أَيُهّ الروُقيْ فيْ قافيتُكْ للهِ دُركْ وَ صَّح الله بوُحكْ
وَ صافيْ شعوُركْ الزاخِر دوُماً .

هلابك
يــ احمد


صح لسانك
نص جميل
كجمال حضورك وعطائك
دمت
بخير

		المشاركة الأصلية بواسطة : السلطان اقتباس
	ارحب يا أبو سلطان والله يحييك يا شاعرنا شكراً لتواجدك معنا ولا هنت وصح لسانك يا بعدي

البقاء يابو عبدالله والله يرحم والديك والعفو ما سوينا الا الواجب وصح بدنك واشكرك على مرورك العذب

		المشاركة الأصلية بواسطة : ضياء القمر اقتباس
	صح لسانك يا شاعرنا أبيات تستحق التصفيق لها لاهنت

اخت ضياء القمر

صح بدنكي واشكركي على التعليق والمرور المميز

صح لسانك اخوي احمد ,
ابيات على قولتهم وقعت محلها
يعطيك العافيه .