هـش هـ ش يا ابو الهش !!

اليوم جايب لكم درة ثمينة...
للشاعر المرقابي الكبير الدكتور سداح...
أنشاء الله تعجبكم

عيــّا يسـيل السـيل يا بـــارق الغيـــم=والغيـــث بيـن إقفايـــته والرجـــوعي
راحـت مـراويــح السـحاب المــــرازيم=والقـاع يابـس والليـالـــي تـــروعـي
أضمـا وأجــوع ونظــرتي مالهــا تيــم=وأقطــع ضمايـه .. وأتقــّطع بجـــوعي
أنـا دخيــل الله مــن الغبــن والضيــم =ومـن قصـة أحـزاني وطـاري دمـــوعي
يـا طــول ليلـي بيــن شـدّاد ومقيـــم =وهجـس ٍ يـراودنـي علـى كــلّ نــوعي
قــام السهـر يـأخـذ علــيّ المــلازيم =والنــوم علّـقــته علــى راس كـوعي
قلبـي خضـر وهمــوم صــدري مجاهيم=ومـن سـرع دقـّاتـه .. تنافض ضلوعي
مـن يـوم شـفت الذيـب تـومي به الريم=دريـت بـأن الوقــت ماهـــو بطوعي
هـذا زمـــان الخرطمـه والخــراطيم=لكّـن يـا ( ابو الهـشّ ) صـفّ الجموعي
وهشـ هش .. تـراك سـتار كل الأكاديم=تطـرب لحسّــك مرخيـــات السموعي
( محبوبتـك معـزومه مــع المعازيم ) =أرقـص و ولــّع للحضــور الشموعي
لـوّ أن ما فـي روس الأجــواد تنسيم=ما قامت صـدور العــوارف تفـوعي
هيَـم وكـل ٍ يرفـع الصــوت ويهيم=والفـارع اللـي يلتـوي بالفـروعي !
راحت قنـوات الفضــا سيم في سيم=والإشتـراكي يرتـكـي للشيــوعي
لقطه من ال بي سي .. ولقطه من دريم=والبـثّ حامـي مـن خباث الطبوعي
وحنـّا نصيـح وكلبوّنــا مظاليـم=ويـن الضميـر المستريح القنوعي ؟
للدين أصـول وللشـريعه تعاليــم=ولـ ابليس من بين الخلايق ربوعي

لوّ أن ما فـي روس الأجـواد تنسيـم=ما قامت صـدور العـوارف تفوعـي
هيَـم وكـل ٍ يرفـع الصـوت ويهيـم=والفارع اللـي يلتـوي بالفروعـي !
راحت قنوات الفضا سيـم فـي سيـم=والإشتراكـي يرتـكـي للشيـوعـي

والله ما كذب الدكتور سداح يا أبو طارق

أصبحنا في زمن تتلاعب بعقولنا أسخف العقول وأنتنها ....!!!

لا هنت يا أبو طارق وصح لسان الشاعر الدكتور سداح

مشكور ياسعود على النقل المميز

لاهنت يابو طارق وبارك الله فيك

سالم وغانم وحياك وحيا علومك هذا الشي ء الصحيح ماقصرت نقل طيب من شاعر كبير

قصيده جميله

شكرا لك

خطييير سداح

شاعر اثبت وجوده وله بصمه خاصه في كتاباته

تسلم اخوي سعود الله يعطيك العافيه

يسلم الذوق وراعيه
اختيار موفق لشاعر غني عن التعريف

شكراً لك وبانتظار القادم

صح لسان الشاعر ولا هنت على نقل القصيدهـ أخوي ..!

		المشاركة الأصلية بواسطة : السلطان اقتباس
	لوّ أن ما فـي روس الأجـواد تنسيـم=ما قامت صـدور العـوارف تفوعـي هيَـم وكـل ٍ يرفـع الصـوت ويهيـم=والفارع اللـي يلتـوي بالفروعـي ! راحت قنوات الفضا سيـم فـي سيـم=والإشتراكـي يرتـكـي للشيـوعـي والله ما كذب الدكتور سداح يا أبو طارق أصبحنا في زمن تتلاعب بعقولنا أسخف العقول وأنتنها ....!!! لا هنت يا أبو طارق وصح لسان الشاعر الدكتور سداح

السلطان...
زيارتك تسعدني..
ويامرحبا..