ياوقت مابقيت في الارض رجال

يا وقت مابقيت في الارض رجال =الا صواديفك بها واجهنه
أحرجت نفسي بين جهال واعقال =ماعاد أميز صاحبي بين هنه
سود الظنون اليوم في الناس تختال =مع كل من طالع بها سود ظنه
وانا بياضي واضح قبل ينقال =ويغرني اللي فيه لطيب حنه
ماني من االي لاضحك ضحكه اهبال =ولاني من اللي لاضحك بان سنه
والآني من االي لاضحك صوته إجلال =ولاني من اللي يفرحه ضحكهنه
الطيب مايصلح معى بعض الأشكال=اللي تواضع طيبنا مايبنه
اقولها لان كلمة الحق تنقال =الطيب ماهو فرض واجب وسنه
الطيب من رجال في كل رجال=ماهو فعل يدخل العبد جنه
ماهو عمل ماينحسب منه مثقال =الا بمن سود الليالي حدنه
الطيب يبقى لرياجيل تمثال =يدخل به الرجال منه ومنه
يكسب به الرجال في بعض الأحوال =في موقف مافيه لرجل منه
كل على الناموس يسعى بالافعال =والمال والي يملكة دون هنه
واللي يُبين نيته قدم الانذال =ماهو معين خير في ماخفنه

صح لسانك
ولاهنت أخوي
كل الشكر والتقدير

.





مَانيْ منْ إِلليء لا ضحّكْ ضِحكّة هبَالْ
وَ لانيْ منْ إلليْ لا ضحّكْ بَانْ سِنّه !


الله عليِكْ بَحرُ واسِع وَ قافيّة جَزلّة موزوُنّة بِحرفنّة وَ إِبداع
للهِ دُركْ وَ صّح الله منطوُقكْ حتىّ تَرضىّ يَ إِبنْ نايِشْ .


حيثُ الغيِمْ توارىْ وَ بِوُشاح التميّز تَتبختّر وَ حيثُ منصّة
التنبيِهاتْ تَستَوُطنْ !

بيض الله وجهك يا شاعرنا أبو نايش
وترفع لك الراية البيضاء على حضورك وابداعك
وتستحق الشكر والتقدير والتميز
وصح لسانك اليوم ودوم

صح لسانك وبيض الله وجهك
لاهنت يعطيك العافيه

ابيات رائعه من شاعر مبدع
ابدعت وامتعت بهذه الرائعه
لله درك

صحت ابدانكم جميع وشكرغ لكم ولمروركم الكريم