غير يا بنات السعودية

مساء الخير
هذي تجربتي الثانيه في التنسيق
ان شاء الله اتوفق

في ليله هاديه والانوار مطفيه=دق جوالي بنغمة راشد اغنيه..
رقم من الخارج رديت بحسن نيه =احسبه خالي دق مشتاق ليا ..
قلت:آلو ..مين بنبرات جديه=قال:آلوو ..أهلين يا بنيه
قلت:نعم وش تبي أخلص عليه=قال:على هونك هدي شويه
قلت:لاتقول غلطان غلطه عفويه=قام يصرف قال: ايه ابي بدريه
قلت:غلطان يا اغبى الكره الارضيه=قال: طيب انتي كويتيه..
ولا من البحرين ولا اماراتيه=قلت : لاهذي ولاذيه..
بكل فخر انا بنت نديه=انا بنت قوي الشخصيه
بنت ملك شامخ افعاله رجوليه=قاطعني قال :لحظه لاتصيري انانيه
بقولك حاجه مهمه وبالحيل ضروريه=تراك مغروره بدرجه خياليه
قلت: يحق لي دامني احلى من الحوريه=قال: يستهزئ تكفين يا روبي... حني عليه
قلت: وجع لاتشبهني بمصريه=ولا نانسي ولا هيفاء الغبيه
قال: شوي شوي يالعناديه=ما سكت و أجبت اجابه إستراتيجيه
قلت: لا ترآآني مو عــآديه=وبعطيك معلومه اضافيه
مرتبه من حروف هجائية=أنا تراني سعــووووديه
يعني بإختصار ما احب الاذيه=قال : بقولك حاجه سريه
انتي لك صفاااااات سحريه=كلامك وصوتك الحلو خلفيه..
وش رايك نسوي قصه غراميه=يعني اتعرف عليك اعلمك الرومنسيه
قلت : اقووول نــــآآم واتغطى ببطانيه=انا ياولد من الذهب ماني مطليه
قال : اف جبتي لي عقده نفسيه=قلت : بس روح شوف المباراه النهائيه
قال:وانت وش فهمك بالأنديه الرياضيه!!=قلت : بفخـر وثقـه انا مشجعـه هـلاليــهـ
قال : شكلك كذا وحده عربجيه=قلت : بلهجه جافيه قــووووويه
قلت انا: شكلي بتكلم بالأنجليزيه=لانه باين عليك ماتفهم لغه عربيه
مالك شي عندي افهم عليه=ارتبك خااف ....وبالنهااااايه قدم كلمه اعتذاريه..
قال : آسف وحياني تحيه=وقااااااااال : من جـد غــير يابنــات السعـوديــــــه

منقول
لاحلى شعب

الله يعطيك العافية
انا حذفت التنسيق الأن

انتظر منك محاولة مرة 2

ماراح انسق لك

الله يسعدك ويسلمك
والله تعبتك معايه
بس انا حابه اتعلم وان شاء الله بتعلم

لا هنتي أختي لايت سبوت
وإن شاء الله من تقدم لتقدم أكبر
والله يحفظك ويرعاك

قصيده غراميه أسرجة خيولها بين رد وبدع بين شاعر وشاعره

تحكمهم الشريعه والخوف من الله لايتعدى حدوده ويخرجون عن تعاليمه

والسبب أن البنت سعوديه ميه على ميه الله يحفظنا بحفظه

سبوت لايت اختيار رائع تسلمين من جد

من جد غييير يا بنات السعودية ..
تسلم الأيادي سبوت لايت .. رائعة فعلا .. !ِِ

		المشاركة الأصلية بواسطة : السلطان اقتباس
	لا هنتي أختي لايت سبوت وإن شاء الله من تقدم لتقدم أكبر والله يحفظك ويرعاك

لاهان غاليك
وآمين يارب والله يسعدك ويوفقك

		المشاركة الأصلية بواسطة : خيال الشدادين اقتباس
	قصيده غراميه أسرجة خيولها بين رد وبدع بين شاعر وشاعره تحكمهم الشريعه والخوف من الله لايتعدى حدوده ويخرجون عن تعاليمه والسبب أن البنت سعوديه ميه على ميه الله يحفظنا بحفظه

واكيد حنا غير وتعلمنا الادب والاخلاق العاليه
والبنت ماتكون بنت ناس الا اذا حافظت على ادبها واخلاقها
شكرا لك اخي خيال

		المشاركة الأصلية بواسطة : عابرة في ديار الغربة اقتباس
	سبوت لايت اختيار رائع تسلمين من جد

هذا من ذوقك غاليتي
اسعدك الله ورعاك