هــــات الــعلم ..!!!

بــــيــن دمعـــــاتي وقــــلبٍ منـــــجرح بســـباب خله = ليلة الـــبـــارح سقـــــاني لــــيلها كــــايد عذابه
بين كـــيف ! وبــــين ليه؟! وبـــــين يمــــكن أولعله =تاهت افــــكاري وانا اسأل وين ابلقــــاله اجابه
الســـــؤال اللي يــــراود خاطـــــــــري وازريت ادله = للـطريــــق اللي يــدل الفــــكـــر ويــنــوّخ ركابه
هو نساني ؟ هو جــــفــــــاني ؟ او كـــره حبي ومله = واعــــذابي كــــان غـيري عن نظر عيني غدابه
ويـــــاعـــسى ماجاه مني ياخــــــطــــــا او كان زله =كــــيف ؟ لا لا ما أظــن ! وليه ما أرسلّي عتابه
طـالــــــت الحـــيره وغاص الفـكر في اللي فات كله =انبـــش المـــاضـــي وادوّر عـذرٍ إيــــبرر غيابه
وانكسر عــــزمي على طـــــــرفٍ غزير الدمع هله = والتوى فكري على غــــيـــــبوبتي من زود مابه
لحظـــــةٍ فيها رحــــــمني الـــوقت من شوقي وغله = واغلق اجفان السهر عن داجي الحزن وضبابه
ماصحيت إلا بصـــــرخـــة ضــــايقٍ في النفس حله = قلت : وش هالصوت قال الله يجـــازيها الصبابه
يالـــــــزمان اللي وطـــــى عكف الشوارب بالمذله = كيف لجـــل الحب رجـــــّالٍ يضــــــيــــقٍ به ثيابه
يـــابدوي والخــــلق حــــولك عد نجــــــمات مطله = ليمتى وانته تبــــوج البـــــيد وتـــــــنادي سرابه
قلت هات الــــعــــــلم قــــــال العــــلم لازم تـــمتثله =والعــــــهد من بـــــيــــننا اللـيله نبي نكتب كتابه
قلت ســـــم ابـــشر وقال : العــــــلم صافي لا تزله = الهــــــــوى ياكثر من راحـــــوا على دربه نهابه
ميـــــر قـــــلبك لا عــــــشـــق مدِّه لقــلبٍ ما يقٍ له =لا تحـــــطه في يـــــدين اللي تفـــــــنن في مصابه
بعــــدهــــا يا حــــــيـــلة الله عـــــقدةٍ من دون حله = غـــلـطةٍ عزي لمن هو ما ضربـــها في حــسابه
وعـز نفسك والغرام اللي يـــــذل الــــــنـــفس خله = لا تــــوانى إلضعف قلب العشق لو يدمي صوابه
الــــولـــــد خطـــــوات عمره تـنحــفــظ داخل سجله = كيـــــف لا قالوا تبع له مقـــــفــــــيه بأول شبابه
يا بدوي لــو فيه شمس إمن امس بانت مسفهله = وانت مشقي يا ولد نفسك بتــــــنســــــيق الكتابه
انــــتــــبه للـــــوقت فـــي ذا الوقـــــت والله ثم والله = كان ما انت بذيب يا رجّــــــــال تاكـــــــلك الذيابه
قلت يااهل العــــشق دام الخـــــل يرضــــى ذل خله =بشـــــّروا عـــــــزي بعــــــزّه والهوى قفلت بابه

وسلامتكم
بدوي فاهم

يا بدوي لو فيه شمس إمن امس بانت مسفهله
وانت مشقي يا ولد نفسـك بتنسيـق الكتابـه
(يابدوي ماهي غريبة قصايدك الاهله
الي لها في دروب من يشعر صبابه
ماشاء الله بدوي علومك دوم نجوم

		المشاركة الأصلية بواسطة : ساري اقتباس
	يا بدوي لو فيه شمس إمن امس بانت مسفهله وانت مشقي يا ولد نفسـك بتنسيـق الكتابـه (يابدوي ماهي غريبة قصايدك الاهله الي لها في دروب من يشعر صبابه ماشاء الله بدوي علومك دوم نجوم

لباك يا ساري وشرف كبير كبير مرورك وتعليقك

لاهنت يا الغالي

الولد خطوات عمـره تنحفـظ داخـل سجلـه=كيف لا قالوا تبع لـه مقفيـه بـأول شبابـه

صح لسانك صح لسانك اذا حضر القصيد بطل الكلام

بدوي فاهم والله انك جزل وقصيدتك جزله

لابد من العووووده للتمتع بفرائد وعيون الشعر

		المشاركة الأصلية بواسطة : الرهاوي اقتباس
	الولد خطوات عمـره تنحفـظ داخـل سجلـه=كيف لا قالوا تبع لـه مقفيـه بـأول شبابـه صح لسانك صح لسانك اذا حضر القصيد بطل الكلام بدوي فاهم والله انك جزل وقصيدتك جزله لابد من العووووده للتمتع بفرائد وعيون الشعر

يا بعدي يا الرهاوي

الجزل والله حضورك وشخصك الكريم

لاهنت يا شاعرنا وصح بدنك مليوووون

صح لسانك أخوي بدوي فاهم

وش هذه القصيدة الرائعه تسلم عليها

		المشاركة الأصلية بواسطة : البرنس اقتباس
	صح لسانك أخوي بدوي فاهم وش هذه القصيدة الرائعه تسلم عليها

صح بدنك يا الغالي

روعة حضورك تغني عن روعة الشعر


تحياتي لك

صح لسانكـ يا ذيبان

مشكور على القصيدهـ

بدوي فاهم
من اول بيت لاخر بيت
والقصيده في تناغم وسلاسه والموضوع مترابط
لانها فقط من نظم بدوي فاهم
رائعه بماتعنيه الكلمه
صح لسانك

		المشاركة الأصلية بواسطة : سيف الشدادين اقتباس
	صح لسانكـ يا ذيبان مشكور على القصيدهـ

صح بدنك يا الغالي

شاكر لك كثير كثير يا بعد تسبدي