|
||||||||||||||||||
شيخة القصيد
السلام عليكم ورحمة الله وبركاته : آمل أن تحوز على إعجابكم وترضي ذائقتكم وأرجو من مشرفي القسم تنسيقها لأني حاولت ولم أوفق أبو حسام ( شيخة القصيد ) دعونا نرى سبب تسميتها بهذاالإسم: من البارحة بالقلب هجـس ٍ وتعبـار= هجس ٍ وهاجـوس ٍ تعاقـب نكيفـه الصبر مفتاح الفـرج هـو والافكـار= من لاصبر تصبـح حوالـه كسيفـه يالله يالمطلـوب يــاوال الاقــدار=انـت الـذي مـدات جـودك لطيفـه يالله يالمعبـود عـاون هـل الكـار= تحـل شــدات عليـهـم كليـفـه اللـي مجالسهـم بهـا بـن وبهـار=ونجـر ٍ يصـوت للمسيـر رجيفـه ومكارم ٍ للضيـف عجـلات وكبـار=ومفطحـات فـي صحـون نظيـفـه تقليطهـم للضيـف قعـدان وبكـار=وحيل الغنم وقـت السنيـن الحفيفـه اكرام ضيـف البيـت حـق وتعبـار=والكـل منـا يفتخـر فيـه ضيـفـه يا مزنةٍ غـرّا مـن الوسـم مبـدار=اللـي جذبنـي مـن بعيـدٍ رفيـفـه هلت من القبلـه هماليـل الأمطـار=من سيلها الـوادي غدالـه وحيفـه تمطر من الهدرا اليـا خشـم سنـار=وتسقـي ديـار محقبـه والحتيـفـه وتضفي على كل المفالـي والاقطـار=وتصبح بهـا خـدان ربعـي مريفـه عقب الحيا فاحت بها ريـح الازهـار=وتعاقـب النـوار مـثـل القطيـفـه وترعا بها العرا وتبنـي لهـا طـار=عقب الضعـف راحـت ردوم منيفـه اذوادنـا مايرتعـن دمـنـة الــدار=ولا يرعـن الا بالفيـاض النظيـفـه يرعـن بعبـدالله وجبـر ٍ وجـبـار=خيالـة يــوم المـلاقـا عنيـفـه ترعى بها الوضحا من الذود معطـار=غبوقـة الخطـار عجـلٍ عطيـفـه يبنـي عليهـا بنيـة اللُّبْـن لجـدار=عقب الضعـف راحـت ردومٍ منيفـه اذوادنـا يرعـن بنـا سـر وجهـار=من دونهن نروي الغلـب والرديفـه ترعى بضف الغوش بقصاف الاعمار=تقطف زهر مرباعهـا مـع مصيفـه ما هي سوالف مسرد ٍ عقب ما نـار=اللي هرب واطـراف رمحـه نظيفـه إن سوهجوا عنها قليليـن الابصـار=من دونها نروي السيـوف الرهيفـه ان سوهجوا عنها معاميس الابصـار=حنـا نـرد اللـي يبيـهـا نكيـفـه خطو الولد مثـل البليهـي اليـا ثـار=زود ٍ على حمله نقـل حمـل أليفـه بشدا هديب الشـام شيّـال الاقطـار=واليـا كبـر حملـه تـزاود زفيفـه وخطو الولد مثل النداوي اليـا طـار=صيده من الجـزلات ماهـي ضعيفـه ترجي العشا من مخلبه وقع وطيـار=حسه على صيد الخـلا لـه وحيفـه وخطو الولد يصبر على موتـة النـار=صفـر علـى عـود تضبـه كتيفـه وخطو الولد يامال قصـاف الاعمـار=لانافـع ٍ نفسـه ولا منـه خيـفـه ورجل ٍ بلا ربعه على الغبـن صبـار=يمنى بـلا يسـرى تراهـا ضعيفـه واليا بخصته ماسـوى ربـع دينـار=مع العـرب يشبـه خطـاة الهديفـه حنا فريـق ولا نغبـي سنـا النـار=مـا ننـزل الا بالـديـار المخيـفـه ودار ٍ به الحقـران ماهـي لنـا دار=حتيش لو صـارت خصـاب مريفـه وحنا لك الله مـن بعيديـن الاخبـار=والنفس ما نلحـق هواهـا حسيفـه حلويـن للصاحـب وللخصـم قهـار=وعدونـا لـو هـو بعيـد نخيـفـه حنا كما المشخص عن الصرف ما بار=بالوزن يرجـح والمصـاري خفيفـه وتلقـى منازلنـا رفيعـات واخيـار=والرجل عن دوس القصايـر حفيفـه لابد مـا نسجلهـا تواريـخ واذكـار=وتبقى لدسميـن الشـوارب وظيفـه الا ومـع ذلـك لـك الله لنـا كـار=عن جارنـا ماقـط نخفـي الطريفـه نرفا خمال الجار لو هـو بنـا بـار=ونضحك حجاجـه بالعلـوم اللطيفـه ولا نبدي الخافي لاصـار مـا صـار=وندمح خمال الجار لـو بـان حيفـه ونرفا خماله رفيـه العـش بالغـار=ونودع له النفـس القويـه ضعيفـه والجار له قيمـة وحشمـة واعتبـار=وجارتنـا عـن كـل عايـز عفيفـه ما زارهن مـن يبغـي الحيـف زوار=الا ولا عنـهـن نــدس الغريـفـه نبيـه إليـا بـدل الــدار بـديـار=وكـل بجيرانـه يـعـد الوصيـفـه نكرم سبـال الضيـف حـقٍ وتعْبـار=لا من ولـد العفـن شـح برغيفـه أحد ٍ علـى جـاره بختـري ونـوار=و احدٍ على جـاره صفـاتٍ محيفـه وصلاة ربي عد ماخضـر الاشجـار=على الرسول اللي علومـه شريفـه قالها الشاعرمقحم النجدي الصقري العنزي منذ اكثر من تسعين عام
|
02 Jan 2009, 07:53 PM | [ 2 ] | |||||||
شاعر
|
ورجل ٍ بلا ربعه على الغبـن صبـار=يمنى بـلا يسـرى تراهـا ضعيفـه واليا بخصته ماسـوى ربـع دينـار=مع العـرب يشبـه خطـاة الهديفـه أحد ٍ علـى جـاره بختـري ونـوار=و احدٍ على جـاره صفـاتٍ محيفـه بيض الله وجهك والله يرحم قائلها ابيات متداوله ومشهوره والحمد لله انا عرفنا من له والقصيده كامله بس البيت الأول احذف من لانه تكسر البيت نبيـه إليـا بـدل الــدار بـديـار=وكـل بجيرانـه يـعـد الوصيـفـه وصدر البيت يمكن ناقصه كلمه اشوفه ثقيل ؟؟ شكر على النقل ولا هنت يالغااالي |
|||||||
|
||||||||
02 Jan 2009, 07:53 PM | [ 3 ] | ||||||||
عضوة متميزة
|
صح لسان الشاعر وسلمت يمناك يالريان وواضح من القصيده انها قديمه لان نطقها يصعب علي تقبل مروري |
||||||||
|
|||||||||
02 Jan 2009, 08:12 PM | [ 4 ] | ||||||||
عضو متميز
|
قصيدة غرّا واضحة ومشهورة .. رحمة الله على من قالها .. وسلمت يدين ناقلها .. تحياتي الريان |
||||||||
|
|||||||||
02 Jan 2009, 08:26 PM | [ 5 ] | ||||||||
مؤسس شبكة الشدادين
|
عز الله إنها شيخة القصيد يا أبو حسام جمعت الحكمة والجزالة وقوة المعنى فاستحق هذه الشيخة صح لسان الشاعر العنزي ولا هنت يا أبو حسام على طيب الاختيار |
||||||||
|
|||||||||
02 Jan 2009, 11:20 PM | [ 6 ] | ||||||||
شاعر
|
قصيده تحمل من النصايح والحكم والجزاله الشي الكثير صح لسان شاعرها وسلمت يدينك يابو حسام على النقل والاختيار الرائع مودتي |
||||||||
02 Jan 2009, 11:24 PM | [ 7 ] | |||||||
جود القلم
|
يعطيك العافيه على نقل تلك القصيده الوافيه وصح لسان شاعرها
|
|||||||
|
||||||||
04 Jan 2009, 04:50 AM | [ 8 ] | ||||||
|
اخوي
الريان فعلا قصيدة تحمل من المعاني والحكم الكثير صح لسان الشاعر وسلمت يمينك على هالنقل القيم ودمت |
||||||
04 Jan 2009, 07:36 AM | [ 9 ] | ||||||||
كلامه يقوطر عسل
|
قصيدة جميلة وتحمل من المعاني والحكم أبو حسام نقل موفق تسلم أيدك وذوقك في الاختيار ,,, يعطيك العافيه |
||||||||
|
|||||||||
06 Jan 2009, 06:23 PM | [ 10 ] | ||||||||||||||||||||||||||||||||||||||||||||||||||||||||||||||||||||||||||||||||||||||||
نائب المشرف العام
|
الله يرحم أموات المسلمين
لما فيها من حكم ونخوة ورجولةوفروسية
أما الشعر وأوزانه فليس لي به دراية وراسب مع مرتبة الشرف الأولى في الأوزان والعروض عندما كان يعلمها لنا الزول أيام تحصيلنا الجامعي أما إن كان فيها زيادة أو حذف فهي بالتأكيد ممن كتبها ونشرها
وشكراً على هذا المرور العطر الذي تعطر به متصفحي دمت بحفظ الرحمن أبو حسام |
||||||||||||||||||||||||||||||||||||||||||||||||||||||||||||||||||||||||||||||||||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
شوارد القصيد | عايش الحارثي | بحور القوافي | 21 | 06 Nov 2010 12:48 AM |
تعال يا سهم القصيد | الرحال | المحاورة والألغاز الشعرية | 23 | 21 Jan 2009 04:50 PM |
شيخة القصيد لمصلح بن عياد | ولد شالي | بحور القوافي | 18 | 17 Dec 2007 04:14 AM |
طفح كيل القصيد | هاجس الذكرى | قصائد مختارة | 16 | 21 Aug 2006 06:53 PM |
أدوات الموضوع | |
|