رسالة عتب

هذه القصيده

وجهتها لاحد الزملاء حينما حدث خلاف لايوجب الكره

وانما يلزم الابتعاد

واقول فيها:-

هاض الضمير ونثرت دمعها العين= والقلب جاله بالضلوع ارتجافي
وان قلت ياعين الخطا ليش تبكين =ياعين ردي عل ما به خلافي
ردت علي العين وابمنطق(ن)شين= انشد فؤادك يشرح الرد وافي
وتحرك المقرود بين الضلاعين= قال العوافي مير مابه عوافي
ترى البلا كله حكايا الضعيفين= كبار الجسوم اهل النفوس الضعافي
قلت استريح وعوذ ابليس ياشين= يضفي على زلات ربعي لحافي
وانا احمد الله مابعد ضاع لي دين= ولا ني ردي الخال والاصل هافي
من لابة يوم الملاقا شدادين= اهل الخيول المسرجه والشلافي
والحل مابه غير واحد من اثنين= قبل الجدال وقبل بحث الخوافي
اما توافقنا على العسر واللين= والا تفرقنا والانفس نظافي

والمعذره على التاخير وعلى القصور

صح لسانك يا جزاء
قصيده طيبه وجزله
الله يعطيك العافيه

صح لسانك يا جزاء على القصيده الرائعه

احترامي

صح لسانك ياجزاء

صح لسانك اخوي جزاء

قصيده جزله ورااائعه

قلت استريح وعوذ ابليس ياشيـن=يضفي على زلات ربعـي لحافـي
وانا احمد الله مابعد ضاع لي دين=ولا ني ردي الخال والاصل هافـي
من لابـة يـوم الملاقـا شداديـن=اهل الخيول المسرجـه والشلافـي

ومليون نعم يا جزاء
وصح لسانك

صح لسانك يا شاعرنا وقصيدة جزلة

تحياتي لك يا بوسفر

		المشاركة الأصلية بواسطة : جزاء دهيس اقتباس
	اما توافقنا على العسر واللين= والا تفرقنا والانفس نظافي

ابو سفر صح لسانك ملايين..
هذا بيت القصيد فعلا..
أما توافق...وأنسجام..
وأما أبتعاد بأحترام..
لاهنت والله

ونعم ياجزاء وصح لسانك مليوووون

ولك كل الاحترام

صح لسانك وعلا شانك ياجزاء

يالشاعر


معذور عالقصور والغياب محدن بعاذرك علية وأنا أختك