طعنتني طعنة ومن خنجرٍ حاد

الملف الشخصي للكاتب · توقيع : خيالة الشرفاء

ياجـارحن قلبــي على غيـرميعـاد
هونك ترى جرح المشاعــر غبينه

طعنتني طعنــه ومن خنجرن حـاد
وتركت روحي في ضلوعي حزينه

قضيت ليـلـي بالسهـر والتوجّـــاد
والدمعـه اللـي في عيونـي سجينه

ذرفتها لرضاك والخــــــد شهــــاد
وقدمت روحـــي في يدينك رهينـــه

والحين تطعني على روس الاشهاد
نسيت وقتٍ راح زينـــــه وشينــــه

يا للأسف يا خاين العهــد مـافـــاد
وفـــاي فـي قســوة زمانك ولينـــه

كنت أحسبك وافـي وآثاريك جحــاد
وينك وصدق الحـب والود وينــــه

الحزن في عيني تشوفه ولــــو زاد
ما هـــو لأن القلب زايــــد حنينــه

وماهــو لأن الحب فـي داخـله سـاد
يبكـي عشانه معــك ضيــع سنينـه

سو الذي ودك جفــا هجــر وعنــاد
بــس انتبــه قلبـــي تفكـــر تهينــه

وش عاد لو فارقتني اليوم وش عاد
مـا نيب أول مــن يفــارق ضنينــه

وبنســى مــع الايــام إذا ربنـــا راد
أرحـــل وقلبــي بطلـب الله يعينـــه

أرحـــل وفارقنـي وزودنـي ابعــــاد
وخل الجــروح اللي بجوفي دفينه