قصيدة لأحد شعراء الشدادين..

بسم الله الرحمن الرحيم

السلام عليكم ورحمة الله وبركاته....

أخواني الأعزاء
من المعروف أن قبيلة الشدادين تزخر بعد كبير من الشعراء الأفذاذ الذين سجلوا للتاريخ قصائد تكتب بماء الذهب وفي جميع أغراض الشعر المتعددة

ففي الحكمة يقول الشاعر دابان بن حمد الشدادي:

يالله ياللي نمد الضيف من مده = لو لا عطى ربنا ما كان مدّانا
أن طاب حظ الفتى جاء له على وده = سوى له الله ويقول العبد سوّانا

ويقول أيضاً:

عزي لقوم ٍ طقها في عصاها = وطق العصى مما يخل العود

وفي الفخر يقول الشاعر سفر بن حديّد الشدادي:

ارس يا عد ٍ هله نزّلوا فوقه = قرروا مشروبه الاد شدادي

ويقول أيضاً الشاعر نايش بن مطلق الروم الشدادي:

قله ترانا في الوزر من تياسير= نرعى على الحدان مشحى الجماعة
ونحمى جبا عد ٍ عليه الدواوير = كم واحد ٍ صدر كسير ٍ كراعه
ويوم اللقا جينا عليهن بياطير = وفعولنا في حيدهن الفجاعه

وفي الرثاء هناك الكثير من شعراء الشدادين لهم قصائد في رثاء أبناء عمهم
فهذا الشاعر شارع بن مطلق الشدادي يرثي الأمير عجير ابن مهرس ويقول:

يا ونتي بين الضلوع المغاليق = ونة ٍ كسير ٍ ساري العظم يشعاه
عليك يا شيخ ٍ تسد الأراويق = وأليا بدا روق ٍ علينا زبناه

وهذا الشاعر سفر بن جازع الشدادي يرثي الأمير شرار ابن مهرس ويقول:

أخو فاحه غدت به سمر الليالي = شيخ ٍ وزومات المظاهير تتليه
أميرنا راع الفعول الطوالي = عيد الركاب اللي من البعد تلفيه

وفي الغزل يقول الشاعر نوار بن لافي الشدادي:

تضيّحي يا عين أربس تشوفين = وأرب يزمي من ظعنهم رعيه
قالت ما أشوف ألا الخلا والمعاصير = والدار من يم الحبيّب خليه

ويقول الشاعر مشعل بن دابان الشدادي:

واهني خلي ما تكابع مطاياه = ما شاف ردتنا لهن من عفيفي
عهدي بهم في الصيف يوم أنتثر ماه = واليوم هذي يا ورود الخريفي

وكما ذكرت أعلاه في جميع أغراض الشعر تجد للشعراء الشدادين قصيدة يشار لها بالبنان....
أما قصيدتنا هذي فهي للشاعر المرحوم عايض بن شجاع بن سالم الشدادي
ومناسبتها عندما كان يقود سيارته فلما أضاءة الإشارة حمراء توقف حسب تعليمات المرور والسلامة ولكن جاء أحد السائقين فقطع الإشارة وكاد أن يعرض حياة الأخرين للهلاك فقال شاعرنا عايض بن شجاع هذه القصيدة:

بغيت أنصح رفيقي للمواقف والنصيحة ذوق = يجنب واحد ٍ ماله جمل عنده ولا ناقه
ترى من يطلب الحقين للعالم عليه حقوق = وترى العربان لو طال المدى للحق لحّاقه
ردي العرف صدره ما يخليه الزعل والضوق = ولو طابت سنينه بالرخا ما طابت أشواقه
عجايب كيف معتق ما يبرق في خطا معتوق = تحاموا وأصبحوا قدم الملا بالشين سبّاقه
لقينا بابهم من يم بيبان السنع مغلوق = يخلون السنع والشين جايينه على فاقه
تعبنا مع رجال ٍ ما تعرف العذب والمطروق = يضيع الطيب معهم والردى مرغوب وشفاقه

وفي الختام تقبلوا تحيات أخوكم ابن مهرس

لا هنت يالامير على الموضوع والجهود

الراااائعه بارك الله فيك وبيض الله وجهك

الله يسلمك يا بان مهرس ويبارك فيك

عز الله ما قصرت بيض الله وجهك

يحق لنا أن نفخر بآبائنا وأجدادنا

رحم الله الميت منهم وأطال في عمر الحيين

عبدالله و السلطان
حياكم الله يالغالين

ففي الحكمة يقول الشاعر دابان بن حمد الشدادي:

يالله ياللي نمد الضيـف مـن مـده=
أن طاب حظ الفتى جاء له على وده=

والله .. انك صدقت يادابان بن حمد ... تغمدك الله بواسع رحمته

ويقول أيضاً:

عزي لقوم ٍ طقها في عصاها= وطق العصى مما يخل العود

حكم ... من ... شاعر .... حكيم ... كيف لا وهي

من راس الشاعر ... دابان بن حمد ....

والسيل من جبل ..... دابان بن حمد الهيم .... بيت الشعر

ونسل الشعراء المبدعون

شكرا ... عزيز بن مهرس ... والله يعطيك العافيه يالنشمي

بيض الله وجهك ياأبن مهرس
تسلم يالغالي

بيض الله وجهك يا بن مهرس ولا هنت يالغالي على الموضوع ,,

حياكم الله يالربع

جزاك الله خيرا

حياك الله يالذيب