اصدق كلام

تدري بغلاك لكن البعد مكتوب= حان الرحيل و الشوق بالحيل باقي
ماغيرزولك داخل القلب محبوب =وماغير زولك حاسس (ن) باشتياقي
راح العمر واللي بقي غير محسوب=شاب الشعر واليوم موعد فراقي
ادري انا ماعدت بالحيل مرغوب= ادري وليتك ما تزيد احتراقي
من كل اهاتي انا صرت مغلوب=والحزن يهوى ياخلايق عناقي
الصمت اصبح بعد ما رحت مطلوب=والعمر باعد فرحتي بالتلاقي
بانت مع الايام اخطاء وعيوب=واصدق كلام ما عاد بالعمر باقي

علي الهيثمي
صح لسانك وبيض الله وجهك
شاعر ونستمتع بقراءة شعرك.

هلا بك يا شاعرنا العذب المتميز
والله يحييك ويبيض وجهك
كفيت ووفيت وما قصرت
وصح لسانك

قدمت دررًا بلون مميز وفكر راقٍ وطرح أرقى
أبدعت شاعرنا ، واتحفتنا بقصيدك الراقية
بارك الله فيك ، وفي فيض شعرك .