قصيده الشاعر : منصور مظف المريري الحارثي بعنوان انسابنا العجمان

بسم الله الرحمن الرحيم

قصيده للشاعر ( منصور مظف الحارثي) بمناسبه زيارة شاعر المليون ( ناصر بن ثويني العجمي) لخواله بني الحارث .

القصيده: انسابنا العجمان

بـسـم الله أبـدابـه عـظـيـم الشــان = الـواحـد المـتعالـي الــمنــــان




سـبحـان وجـهـه مـابديـت إلا بـه = ومن هو بدابه زان حظه زان


من بعدها يامرحبا ترحيبه = محفوفة(ن) باللولو والمرجان


ومعطره بالمسك والكمبودي = ويفوح منها ريحة الريحان


من روس بالحارث هل العزاوي = وموجهه لأنسابنا العجمان


أنسابنا أهل الطيب وأهل النخوه = وأهل الوفاء من ماضي الأزمان


لا مالفاهم واحد(ن) متعني = أنشهد إنهم فرحة الضيفان


ولامانصاهم واحد(ن) يطلبونه = طلابة(ن) والا معه ديان


قامت عمايمهم تطوح فزعه = وأنشهد إنه عايش بأمان


كسابة النوماس مالعصر الأول = يوم إن قصب الروس في الميدان


وكسابة المجد التليد الخالد = على ظهور الخيل في الصمان


من فعلهم في الترك له شواهد = راكان من هو ماعرف راكان


راكان بن حثلين فارس قومه = وشيخ(ن) يمجد لاذكروا الشيخان


والفوز مانستغربه ياناصر = ورث ورثته من على الجدان


تستاهل البيرق وهو يزها بك = دامك حكمت الوزن والقيفان


هذي عوايد كل واحد يامي = ماخصصت لفلان دون إفلان


وحنا خوالك وأنت منا وفينا = والبيت مايبنا بلا عمدان


والمعذره ربعي بوجب ربعي = لهم معي وقت المواقف شان


ربعي بني الحارث ملاذ الخايف = أهل الكرم ومعشية سرحان


من ترج بيشه لاجنوب الطايف = ومن قيا حتى تجي ميسان


هل فزعة(ن) لامادعاهم داعي = وقت الوغى لاما التقى الفرسان


وهل صملة(ن) لابان من هو الجيد = ولا بان من هو دايم(ن) جبان


وهل وقفة(ن) ياطيبها من وقفه = في المعركه ومقارع الشجعان


جمرة عرب هذا أسمهم وأفخر به = تاج(ن) ثمين اغلى من التيجان


وكل القبايل ماعليهم قاصر = كل (ن) ليا حان اللزوم إيبان


واليوم في أمن وأمان ونعمه = ونعيش في إستقرار وإطمأنان


والله يعز الدين والله يدومه = ويحفظ لنا بو متعب إكحيلان


اللي جمعنا في نطاق واحد = حتى غدينا كلبونا إخوان


وقبل السلام وقبل ماأختم قولي = به كلمتين نطقها قد حان


نفخر بمثلك ياولـدنا العجمي = وأكبر فخر بإنك من العجمان


وصلاة ربي على النبي الهاشمي = محمد الهادي نسل عدنان

لاهنت ياخوي ابن شايق المريري ويسلم قايل هذي القصيدة
ويسلم ربعنا اللي في الاحساء
بس تنسيق الخط مو واضح وسلالالامتك
اخوكـــــــ
صــــور بلحااارث تــــرج
السعداني المريري

صح لسان الشاعر وبيض الله وجهه ووجهك شكرا
اخووووي

ابن شايق

بيض الله وجهك على نقل القصيدة التي لا يسعني إلا أن اشكرك على نقلها

واشكر عمي منصور على ما خطه قلمه الذهبي

وأنا لا استغرب هذا الأبداع من شاعر بحجم عمي منصور

وليعلم الجميع بأنني احد طلاب هذا الشاعر الكبير

الذي زادني علمآ بالشعر واستفدت منه الكثير والكثير




ابنك / محمد

ونعم والله بشعراء بني الحارث
من كل مكان وقبيلة
فهم بحق
جمرة العرب
ويحق لنا أن نفخر بهم ونحيي تواجدهم
في كل موقف ومناسبة
ألف شكر لكم جميعاً

الله يبيض وجيهكم كلكم على المرور وتسلمون

تحياتي ... ابن شايق المريري

صح لسان القايل والناقل

وبن الحارث كفو ويستاهلون المدح

تحيتي لك

من رووس بنيوس

صح بدنك وماعليك زوود
الله يرفع مقدارك ومشكوور

مشكور اخوي بن شايق على القصيده اكثر من روعه ويستاهلون بلحارث الطيب ونتمنى جديد الشاعر

وسبعــة انعــام بالمـٍــادح والممــدووح
والقصيــدة جــزلــة ووافيــة مـن شــاعرجــزل ووافــــي
وصــح لســـان شـــاعرها وسلمـــت اصابيـــع ناقلهـــا وكاتبهـــا