|
||||||||||||||||||
تحدي لبعض شعراء وشاعرات المنتدى
السلام عليكم ورحمة الله وبركاته اليوم وانا طفشان وجالس مع نفسي قلت يارجال خلني افكر لي بموضوع يشغل المنتدى والاعضاء شوي لكن للاسف مالقيت موضوع يشغل الاعضاء كلهم فقلت خلني اشغل بعض الشعراء والاخوان اللي لهم مسيره في الشعر ولاني ما امون على اكثر الاسماء هنا اختصرت بعض الاسماء اللي احس اني امون عليهم ولا راح يزعلون مني وقسيت عليهم بالابيات شوي والمصطلاحات ولكن صدقوني ان المعاني حلوه كلها رغم قسوة الابيات واعتبرها تحدي واتمنى من كل من ذكر اسمه انه ينسخ الابيات الموجهه له ويرد عليها هالمره اخترت بعض الاسامي والباقين حقهم فالباقي ماراح انساهم قسمهم جايهم جايهم الرحال عزيز شاعر ياعرب حيل ممتاز=وفي كل يوم إيزيد فن امتيازه ماهوب متكبر ولاهوب منحاز=عدى الحواجز ..ثم تم اجتيازه مايطرق ابواب الردى والتلعواز=عزيز مايترك فعول اعتزازه يفهم غموض القاف ويحل الالغاز=وفي هرجةٍ الرديان ماله عوازه ياصاحبي للعلم مليون مركاز=بين العيون اصبح محل ارتكازه ماودنا نسكب على الشعله القاز=ماودنا نكثر علوم الخوازه مافاز يالرحال مافاز مافاز=اللي لجل لميس جهز جوازه ولا ناز يالرحال ماناز ماناز=اللي على اللواحات زاد ارتيازه الوضع يالرحال صامت وهزاز=والله يعين اللي ينوش اهتزازه شوف المشايخ بعد مامات ابن باز=يفتون فتوىٍ مالها اي عازه يمكن بعد بكره يفوزون بانجاز=ويحللون الروش ولا القزازه وعزيز شاعر ياعرب حيل ممتاز=لكن جاء فيروس دمر جهازه واعي واعي رجل عاقل ولا كان مربوش=لكن تالي الوقت خسرت جيوشه اضن واعي داخل السوق مغشوش=ضيع طريقه ثم ضاعت قروشه يمشي وسط دربٍ بالاشواك مفروش=والناس صارت تاكيه وسط كوشه غفى بفية حوش حتى رضا الحوش=وانا احسبٍ محدٍ يفكر ينوشه لكن واعي صار يفزع مع الطوش=وفي كل ٍ يومٍ ينضرب وسط هوشه ولاخلصت الهوشه بدى واعي إيكوش=وان عودوا له نتفوا له رموشه من بعد ماشفته لبس ثوب منقوش=وربى مع الايام ياناس شوشه لين سده صار فالوقت مفتوش=وافكاره امست هالكه ومخروشه وانا من اللي شفت بالحيل مدهوش=ماكنت اضن الناس هذي حروشه لكن ياواعي غدى الكنز ملطوش=من بعد ماجيبك تلاشت قروشه عبد العزيز مسلط القاف ياعبدالعزيز استوى ..خذ=ابيات شعرٍ جبتها بالبراعه ابسالك وشلون يالشاعر الفذ=تنجى من الطوفان في ربع ساعه ماعاد لك فالقاف يالقرم منفذ=اغرقت بالطاروق كل الجماعه ناموا بديرة كلها يافتى قذ=كل يحكحك جبهته وسط راعه مشعل الشدادي يامشعل اسمع بدعتي واخذ منتوج=كم واحدٍ لا جيت سجل خروجه وان كنت شاعر تبدع القاف واتموج=اقرب ترى المعنى يماري بفوجه انا مشيد لي عمارات وبروج=في ديرةٍ فيها الوجيه امحروجه نعم..صحيح العلم وابليس مسروج=نعم..صحيح البحر يلطم بموجه وان كان تبغى علم صادق ومنهوج=مبروك زايد مايجي مثل خوجه ترف خلوا ترف ياجماعه تقرب شويه=به قصةٍ ودي اعرفها واناقشها تقدم هنيا مدام السالفه حيه=وانا بصف الحروف بفن وانقشها وابسالك كيف اشد الجام ريميه=المهره اللي تمادت في مطارشها ياترفة مطير اخاف امن الحراميه=تسرق فرس خافقي وانا معيشها بحر القوافي ان كان يابحر القوافي من كلامي تدهشا=اخاف اقول السالفه وتطيح يالقرم امغشي لكن بخليها تربع ياصحيبي فالحشا=لان صدرك صار من حقده وغيضه محتشي واسالك عن قصة سهام وبنت عمتها رشا=وراك يابحر القوافي من بعدهن مرتشي وانته صغير سن ترقد يافتى قبل العشا=خلك على هونك وهد الوضع حتى تنتشي شوق شداد ياهل المعاني نادوا الشاعره شوق=اجتاحها الطوفان مع من سبقها السالفه ماهيب كبسه ومرقوق=ولاهيب كوره من ركلها لحقها السالفه تصقع على الراس من فوق=وعقول ناسٍ ربنا قد فرقها بالله كيف التاجر اليا هبط سوق؟=السلعه اللي تنعرض له تنقها خلو صدوركم وسيعه لاتصيرون حجازيين مره واللي يزعل ولا شي ويبيني اشيل الابيات الموجهه له يكلمني واشيلها تحياتي الغربي
|
26 Oct 2010, 04:28 PM | [ 2 ] | ||||||||
|
رد: تحدي لبعض شعراء وشواعير المنتدى
بإنتظار الشعراء والشويعرات متابعه عساكم على القوة |
||||||||
|
|||||||||
26 Oct 2010, 05:19 PM | [ 3 ] | ||||||||
شاعر
|
رد: تحدي لبعض شعراء وشواعير المنتدى
هههههههههههههههههه كنك خابرٍ جهازي صايبه فيروس يطفي فالساعة عشرين مره لكن حقيقه أبداع جميع القصايد لوحديتني على قافيةٍ صعبه ومعجزه لكن أبشر بعزك الليله إن شاء الله والرد واصلك وصح الله لسانك مليون |
||||||||
|
|||||||||
26 Oct 2010, 07:08 PM | [ 4 ] | |||||||
عضوة متميزة
|
رد: تحدي لبعض شعراء وشواعير المنتدى
الغربي خلك طفشان كل يوم مادم بتطلع لنا إبداع دمت بخير |
|||||||
|
||||||||
26 Oct 2010, 07:25 PM | [ 5 ] | ||||||||
عضو متميز
|
رد: تحدي لبعض شعراء وشواعير المنتدى
شكرا اخي الكريم الغربي شاعر ولد شاعر ابيض وجه وبأنتضار الشعراء والشاعرات دمت بخير |
||||||||
|
|||||||||
26 Oct 2010, 07:38 PM | [ 6 ] | ||||||||
|
رد: تحدي لبعض شعراء وشواعير المنتدى
مرحبا يالغربي وحي ماجبت جايك يبعدي |
||||||||
|
|||||||||
26 Oct 2010, 09:22 PM | [ 7 ] | ||||||||
عضو مرشح للإشراف
|
رد: تحدي لبعض شعراء وشواعير المنتدى
يا هلا وغلا والله فيك يا الغربي انتظرني جااايك الرد |
||||||||
|
|||||||||
26 Oct 2010, 09:51 PM | [ 8 ] | |||||||
عضوة متميزة
|
رد: تحدي لبعض شعراء وشواعير المنتدى
والله الطفش ماقصرمعاك يالغربي طلع لنا الأبداع اللي مانمله ابد صح لسانك ويستاهلون وبنتظارهم |
|||||||
|
||||||||
26 Oct 2010, 09:54 PM | [ 9 ] | ||||||||
عضو مرشح للإشراف
|
رد: تحدي لبعض شعراء وشواعير المنتدى
[QUOTE=الغربي;800430]عبد العزيز مسلط القاف ياعبدالعزيز استوى ..خذ=ابيات شعرٍ جبتها بالبراعه ابسالك وشلون يالشاعر الفذ=تنجى من الطوفان في ربع ساعه ماعاد لك فالقاف يالقرم منفذ=اغرقت بالطاروق كل الجماعه ناموا بديرة كلها يافتى قذ=كل يحكحك جبهته وسط راعه يامهندس الابيات عودة تشحذ=وانت الذي تصنع خصومك صناعه غرقت والغرقان ماجاه منقذ=وفي ذبحة الشعار عندي شجاعه انكان ماذقت البيوت بتلذذ=كاس المعاني جاك صاعه بصاعه اشرب ولاتكثر من الشرب وتشذ=نلقاك بكرة مع جديد الرضاعه انا جنود القاف مني تنبذ=ويازينهم لو قلت جبو كراعه |
||||||||
26 Oct 2010, 10:27 PM | [ 10 ] | ||||||||
شاعر
|
رد: تحدي لبعض شعراء وشواعير المنتدى
حياااااااك الله ياعبد العزيز وبيض الله وجهك وانتظر بقية الشعراء استلم كانك على نار القوافي تحنذ=والله مالي من سناها طماعه لكن نصيحه من قريني تعوذ=وليا امرتك قول سمعٍ وطاعه يالشاعر البطران شذيتها شذ=واخلفت هقوتنا عناد ولكاعه ابعد عن الفولاذ لاتنتفولذ=الهاجس المجنون زاد اندفاعه |
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
تحدي لبعض شعراء وشاعرات المنتدى الجزء الثاني | عيد الشدادي | المواهب والمحاولات الشعرية | 36 | 23 Feb 2012 10:09 PM |
دعوه لجميع شعراء المنتدى.. | عيد الشدادي | بحور القوافي | 28 | 23 Aug 2010 11:47 PM |
طلب من شعراء المنتدى الكرام... | جوري | بحور القوافي | 12 | 18 Sep 2005 11:58 PM |
|