ياهلا باللي لفا من بعـد مـا مـر عـام.

السلام عليكم ورحمة الله وبركاته

يالله المطلوب يالواحد الفرد السلام=ياعظيم الشان سبحان الرب الجليل
ابتدي باسمه واوّصفّ تراتيل الكلام=تحت نوره نهتدي والتقى ابلغ دليل
ياهلا باللي لفا من بعد ما مر عام=شعّت الأنوار بقدوم هالشهر الفضيل
كل عام وانتم بخير وافراح وسلام=وامة الاسلام ترقى على راس الطويل
ياعسى نبلغ ثوابه ونفرح بالصيام=وآخره عتقٍ من النار والاجر الجزيل
أخوة الاسلام مادمت في هذا المقام=منبر الاشعار جمٍ , الى حرك يسيل
باتجرأ واهدي النصح لاخوانٍ كرام=من محبتهم ,,و عيوبي ترى ماهي قليل
الصيام اقبل علينا ألا شدّوّا الحزام=الله الله في العباده والتزود بالحصيل
التلاوه والدعاء والتهجد والقيام=شرع من يرجو جنانٍ بها ظلٍ ظليل
احذروا من ضيعة الوقت في شوف الحرام=في قنوات التعري وأجســـــــامٍ تميل
انظروا كم واحد بين الاخوال وعمام=صام في عامٍ مضى ثم وافاه الرحيل
كم تمنى لو يعود امن المقابر والظلام=ويعبد الله طول وقته ولكن!!!مستحيل
وياهل التوحيد ذبّوا التفكك والخصام=وادعو الله ينصر الدين وهو نعم الوكيل
في العراق وفي سوريا ذلونا اللئام=راحت الامه ضحايا جريحٍ أو قتيل
وباقي الاعداء يسعون فينا الانقسام=حتى صار المسلم اليوم مكسور وذليل
ادعوا الله يكشف الكرب ويزول الجهام=ويهلك بقدرته من كان للاعداء عميل

تحياتي
اخوكم
مخاوي الطيب

مخاوي
صح لسانك وبيض الله وجهك
شاعر جزل وفالك التوفيق

إنتقاء رائع ..
تسلم يمينك أخوي ؛ مشكور ..


,’

		المشاركة الأصلية بواسطة : خيال الشدادين اقتباس
	مخاوي صح لسانك وبيض الله وجهك شاعر جزل وفالك التوفيق

شكرا على مرورك الطيب اخوي خيال الشدادين والله يعطيك العافيه

		المشاركة الأصلية بواسطة : نــوف ! اقتباس
	إنتقاء رائع .. تسلم يمينك أخوي ؛ مشكور .. ,’

جزاك الله خير يا اختى وشكرا على مرورك الطيب

رائعة جداً من اختياراتك
أخي العزيز
مخاوي الطيب

لا هنت ولا هان غاليك

		المشاركة الأصلية بواسطة : السلطان اقتباس
	رائعة جداً من اختياراتك أخي العزيز مخاوي الطيب لا هنت ولا هان غاليك

شرف لي طال عمرك مرورك تسلم والله يعطيك العافيه