معاناة يتيم

مساء الخير اتمنى ترتقي لذئقتكم

البارحه كني يتيم ٍ ومظلوم=بين أربعة جدران نفسه حرمها
في دار عمه يالربع صار محروم=نفس ٍ صغيره ضيقو في نسمها
عمه لامن شافه يسبه ولايروم=والعمه القشرى سرح في غنمها
أمه توفت بعد ما صارله يوم=وأبوه ميت مادرى عن وحمها
يسمع وراعين ٍ تصوت مع القوم=مامه يامامه وانقهر ما زهمها
ضاقت به الدنياء ولا هو بملزوم=عزاه يادمعه بصدره كتمها
سن الطفوله وأنتهى همه هموم=من بعدما شاف البكار وسمها
قلبه تولع في بنيه ومصدوم=وين الكلام اللي تقوله بفمها
ياعنك همه قدم عينه ومردوم=من يوم قالت فرصتك وغتنمها
أنته فقير ٍ ياولد مالك أكموم=ترى الحباري مانت ماكل لحمها
أنا زواجي بعد بكره ومعزوم=أنته وعمك لو نفسك ظلمها
ينظربها والدمع من عينه يعوم=من قبل لاتمشي مشى ثم لزمها
ثم قال يازين الخلايق خذ علوم=ماينفع النفس الحزينه ندمها
الله يباركلك وأنا بقدر أقوم=شافت عيوني ناس باعت ذممها
في دار عمي يالغلاء كنت محروم=نفسي صغيره ضيقو في نسمها
ياهل الشعر مابه حقيقه ترى زوم=تصوير شاعر والصور من فهمها

صح السانك
تمنيت انك طولت في تصوير
دمت مبدع

ينظر بها والدمع من عينه يعوم
من قبل لايمشي مشي ثم لزمها
صحيت وصح لسانك مليارات يالحربي قصيده رايعه واسلوب شاعرها متميز والله يعطيك الف عافيه
تقبل تحياتي,,,

يا هلا والله يا بن سليمان
تصوير هم شاعر في قالب قصة حزينة جداً
يتم
وقهر
وفراق
أدخلتي جو القصيدة وأرويت الذائقة
صح إلسانك مدد بلا عدد

ودمت بود يا الطيب

شاعر متمكن
فالك التوفيق
من رب العالمين