عبرتي عبرة يتيم

اعتذر من الجميع عن التنسيق الي ماشي حاله, والاملا الي خلوه علي الله ,واتمنا ان تحوز القصيدة علي رضاكم ولن راحت مراح التنسيق والاملا سامحونا والشكوى لله,,,,

عبرتي عبرة يتيم(ن) هلها في صبح عيد=هلها والله يجازي من على العبره حدوه
عقب شاف الي بسنه لابس الثوب الجديد=ومع مقاليط القبيله قاعد في حجر ابوه
غص غصات الحنين وون ونات الوحيد=وقام يتلمد شفاقه ويتلفت في الوجوه
يتلفت فاقد(ن) له من ثلاث اشهر فقيد=مادري هو وين راح ولن نشد ماعلموه
منه عيد العام عنده مايشا وما يريد=وهاالسنه من ضيق حال اهله في عيده ماكسوه
انكسر خاطره واقفا كسر يابس من جريد=والضعوف من الضعافه كلهم ماعبروه
جاه ماجاني من الي لاقريب ولا بعيد=واحد ياويل منهم مثل رجوايه رجوه
واحد حبه يفت الصخر ويفل الحديد =فت قلبي لين حتي بالاشاعه مالقوه
مالقو منه الدكاتر والاطبه الي وريد=ونتفه من شريان تاجي في مكانه خيطوه
ريم رامه بالمحبه والهوي مده زهيد=بالجفا والصد والهجران يجزي الي هووه
فيه زين وقو عين وكبر وغرور فريد=وبه دلع والله يجازي والدينه دلعوه
دلعوه وجاب في العيد يامحمد حميد=وطاح صاحبك بشركه وبالمحابيل شركوه
احسب اني قبل اشوفه واعرفه صياد صيد=واثرني طير من اول عالسمينه ماطلقوه
طير لافارق وليفه لفه الحزن الشديد=وبات طاويه الضنا والشوق لابعث ابوه
لالتفت يمي بسيف مثل سيف ابن الرشيد=صابني رعده وخوف وشي لن وصفوه
وصف طالب في الدراسه دايم معيد وبليد=في غرفة المرشد ولي امره ومدرسه حشروه
وجد حالي كان مالي عاد في بنكه رصيد =وحسابي الجاري معاه اهل الملامه قفلوه
وراح وهوه له بقلبي اكثر من حساب الوليد=في بنوك سويسرا ونيورك لامن جمدوه
والنهايه كالبدايه عبرتي في صبح عيد=عبرة الي لاتلفت في العرب ماشاف ابوه

صح الله لسانك قصيده رائعه ولي عوده
أرجو من المشرفين تنسيقها بشكل أفضل

مصافحه جميله من شاعر متمكن

صح لسانك ملايين

رغم الظروووف القاهره..

رغم الألم..رغم القسى..رغم الجرووح الموجعه..


ظهرت قصيدتك أخي الشاعر فهد مثقلة بـ الألم

والوجع تساقطت عبراتي وزفرت آهاااات تتلوها آهة يتيمة..

فما أقسى اليُتم..

وما أقسى الحرمان..

وما أقسى الفقد الأبدي..

وآآآآآآآه وينك يُبه هكذا هو حال اليتيم

يفتقد أمان وحنان وحضن أبيه وهو في صباحات

العيد يااااااه كم هو محزن أن تفتقد إحدى غالينك

وتتجرّع مرارة الفقد الموجعه..

فكيف بـ طفل لا يفقه في الحياة سوى معنى

الوطن هو الأب فـ هو الملاذ بعد الله وهو الأمان

وهو وطن بكل ماتحمله تلك الكلمة من معاني

فما أصعب أن تفتقد وطناً قد ترعرعت بين

أحضانه وقد غفوت بين نظراته..

غصات حنين وونات أنين..

قد تشبعت بها أبياتك أخي فهد...

صور بقدر ماكانت مؤلمة بقدر ماعانقت الإبداع

في رسمها...

***

يُبه كسّر مجدايفي إذا ما يوم توفي لك ..

فدااااك إحساسي ونبضي ورعشة عبرة أنفاسي

أنا وش لي من الدنيا سوى عطفك وتدليلك

عسى يومي قبل يومك ياأغلى من سكن ساسي

ياحبي لك ياحبي لك ياحبي لك ياحبي لك

أبكتبها ولونها على صفحات كرّاسي

**
اللهم احفظ والدي ووالديكم

وأسكن بـ الجنة من أخترتهم

وأجبر بخاطر كل يتيم..

**

صح لسانك ملايييين ولاهنت يافهد..

**
أختك // تــــرف مطير..

صح لسانك .......... شاعر متمكن ومبدع

اخوي رحال شكرا على المرور العطروعلى التوصيه
تقبل تحياتي,,,,,,,,,,

فاقده ابوها صح بدنك . واشكرك على تعديل وتنسيق المشاركه والله لايهينك فانا للمعلوميه جميع مشاركاتي السابقه كتبت عن طريق اثنين من اخوياي شجعوني في البدايه وتزهلو ويوم جيت اطلبهم كتابت مشاركتي الاخيره قالو بالحرف الواحد(حنا لامتي عايشين لك)اعتمد على نفسك وتعلم,, الشكوي لله والله يبيض وجيههم يومنهم عرفوني علي اعضاء هذاالمنتدي الشامخ.
وشكر مره اخري اختي العزيزه فاقده ابوها,,,,,,,,,,,,,,,,,

يُبه كسّر مجدايفي إذا ما يوم توفي لك ..

فدااااك إحساسي ونبضي ورعشة عبرة أنفاسي

أنا وش لي من الدنيا سوى عطفك وتدليلك

عسى يومي قبل يومك ياأغلى من سكن ساسي

ياحبي لك ياحبي لك ياحبي لك ياحبي لك

أبكتبها ولونها على صفحات كرّاسي

**
اللهم احفظ والدي ووالديكم

وأسكن بـ الجنة من أخترتهم

وأجبر بخاطر كل يتيم..

**
اخت ترف اشكرك كل الشكر علي هذا الاطرا العطر فاذا كانت القصيده جميله فالاجمل منها ابياتك الرايعه ودعوتك الطيبه 0
شكر مره اخري وتقبلي تحياتي

وافي الشدادين صح بدنك وبيض الله وجهك وافي ومن رجال وافين
تقبل تحياتي,,,,,,,,,,,,,,,,

فهد بن رزيق صح لسانك قصيدة ممتعه
تقبل مروري