أمس العصر

مصافحه اولى

هذي قصيدتي المتواضعه
لعلها تنال اعجابكم..

امس العصر عديت رؤس المشاريف=اطول جبل يوم ضاق صدري رقيته
وانا احسبن الرجم بيجيـب تخفيـف=واثره عنايا ورحت له ليـن جيتـه
وتسابقن دمـوع عينـي ذواريـف=رجع لي الماضـي وانـا مانسيتـه
رجع لي الذكرى بعرض المواقيـف=واللي خـذا منـي واللـي عطيتـه
هموم تلعب بي سـواة العواصيـف=همـن بيقوانـي وهمـن قويـتـه
لين ان قلبـي دق بيـن المهاديـف=من طلعتي للضلـع قلبـي كويتـه
وقامت تتل القلب مثـل الخواطيـف=وما ينفع المخطـوف ليتـه وليتـه
نزلت من المشراف تعبان ومعيـف=ولو ان دربـه قدمنـا مـا مشيتـه
وقامـوا يعذلونـي نـاسٍ ملاقيـف=واللـي عذلنـي يامحمـد عصيتـه
وانا على الماضي كثير التحاسيـف=ولو ينشـري بالمـال والله شريتـه

أبو عبدالإله

أبو عبدالأله صح الله لسانك وبيض الله وجهك ولي عوده

بيض الله وجهك أخوي أبو عبدالاله ولا هنت
يا الذيب ولا هان غاليك والله يعطيك ألف عافية
كفيت ووفيت وما قصرت
والقصيدة جزلة بجزالة راعيها
وننتظر منك الجديد دائماً

بيض الله وجهك ياابوعبدالاله

لاهنت ولاهان مغليك

صح لسانك اخوي ابو عبد الإله

ننتظر جديدك الله لا يحرمنا منك

وتسـابـقـن دمـــوع عـيـنـي ذواريـــف

رجــع لــي المـاضـي وانـــا مانسـيـتـه

صح لسانكـ ابو عبد الإله

قصيده رائعه بروعة حضوركـ وإحساسكـ

أبو عبدالاله


صح لسانك وعلا شأنك يالذيب

قصيدة في قمة الروعة والأبداع

ينطيك العافية

الرحال
صح بدنك ووجهك ابيض يالقرم
لاخلا ولاعدم
وباانتظار عودتك

السلطان
زاد متصفحي نوراً بقدومك ..
ووجهك ابيض ولاعليك زود
واسعدني انها نالت على رضاكم
شكري واحترامي لمرورك الكريم

ياسر الشدادي
ووجهك ابيض يالقرم
لاعدمتك