تراثنا

اعزائي اداري واعضاء
((شبكة الشدادين الرسميـــــه))
اسعد الله صباحكم /مسائكم بكل خير
اضع بين انظاركم هذه القصيده المتواضعه ((تـــــــــــــراثنـــــا))
أأمل ان تحوز على رضاكم والسلام عليكم

سريت بالهاجس ليالي كثيره=وغربت بالدنيا وشرقت بالحال
اوميت اجاذب للبصر والبصيره=وادور المخراج قدام مدخال
والوقت يبغاله حزام وذخيره=ويبغى يمين أيمين ماتعرف اشمال
فيه الطوال تسد عنها القصيره=وفيه القصار احيان تمتد لطوال
ولاهو مريحنا بشره وخيره=وكلآ محصل قسم في الوقت شغال
وايامنا هي والليالي مسيره=كم نازل الليله وبالصبح رحال
وحنا بيسر الوقت ولا عسيره=بين الرجاء والياس بافعال واقوال
والمشكله ضغط وتزاحم سريره=كلف على المجهود والفكر باشكال
والمصلحه فازت وصارت جديره=بتمام مايرضي ومايحرق البال
وتراثنا ماعاد حتى نعيره=اي اهتمام يترجم القول باعمال
وحاضر بلا ماضي سوالف مثيره=وما من وراها جيل يعتز باجيال
تاريخنا حافل مأثر منيره=واسلامنا يعز من ذل في الحال
وعيوننا شافت وردت حسيره=والياس خيم وادبرت بعض الامال
بعض الكسور تفيد فيها الجبيره=والا بعضها يخلف الله على الفال
لاصار ماننقد وننكر نكيره=معناه خالط كل معروف بطال
وكلآ بدا همه يقرر مصيره=ونستاهل الذله على باطل الحال
واللي يرى نفسه بنفسه كبيره=والله ليصغر يوم قدام الأجال
ماعمرها كبرت نفوس صغيره=وماعمرها صغرت كبارٍ بالافضال
اليوم كلآ بالمظاهر نظيره=على المخابر بلطت حسن الازوال
شكلآ على مضمون جات الشعيره=هو شكلها من غير مضمون فعال
ياعنك شمس الشرق واضحى سفيره=كيف الغروب اجتاحها عرض واطوال
والدم دافي في عروق الجزيره=والموت حافي يحترم روس الابطال
وياعنك ياشرآ كرهنا نظيره=ينبيك عن قل العقل ضمن الاشكال

صح لساااانكـ..وماافيك حيله
ولا تحرمنا جديدك
ربي يسعدك
...

الله الله
عليك ياجزل البيان
صح السانك
مليون ومايكفون
لك جزيل الشكر

صح لسآنك ملايييييين

قصيده في قمة الجمال بمفرداتها ومعانيها

بيض الله وجهك ياجزل البيان

صح لسانك اخوي جزل البيان


والف شكر لك

...

وايامنا هي والليالى عسيره
كم نازل الليله وبالصبح رحال
وحنا بيسر الوقت ولاعسيره
بين الرجا والياس بافعال واقوال
جزل البيان اتحفتنا بقصيده من العيار الثقيل ومن الدرر اللى ندرة ومن الحكم اللى الجميع في حاجه اليها لقلتها في هالزمن ابدعت فيها ابداع بلا حدود وامتعتنا وصح لسانك مليارات ومليارات عدد كل حرف والله يعطيك العافيه
تقبل تحياتي,,,,

فعلاً قمة الشعر تحط لرحالها هنا
عشت ياصاحبي

مبدع يا شاعرنا الكبير
جزل البيان

كيف لا يكون للقصيدة روعة وجمالاً
وخاصة عندما يتحدث عن تراثنا؟

سلمت وسلم غاليك

		المشاركة الأصلية بواسطة : العربية للعود اقتباس
	صح لساااانكـ..وماافيك حيله ولا تحرمنا جديدك ربي يسعدك ...

العربيه للعود
شكرا للاطراء العذب والراقي
تحياتي
وصادق الود

		المشاركة الأصلية بواسطة : بدر المشيطي اقتباس
	الله الله عليك ياجزل البيان صح السانك مليون ومايكفون لك جزيل الشكر

اخوي/بدر المشيطي
صح بدنك يالغالي
لاخلى ولاعدم
تحياتي لشخصك الكريم