رسالة الى ارهابي

مـجـمـوع الأوسـمـة · توقيع : حجازية الهوى

أي دين وأي عقل وأي شرع وأي مله=حللت لك دم اخوي ودم أخوك ودم أهلنّا
هات لي آية تبيح الدم ولمثلك تحله=هات لي آية تقول اقتل غريب مئتمنا
هات لي آية تقول اخرج عن الوالي و خله=هات لي آية تقول انك شهيد ياممنّا
كان ما عندك دليل ارجع وتلقى لك أدله=في كتاب الله واعرف مين أنت ومين حنّا
في كتاب الله عكس إلي فعلته نستدله=فعلك مخالف لشرع الله بكتاب وسنّا
في كتاب الله حرام الانتحار بأي عله=وفيه أمر بطاعة الله والرسول ومن حكمنّا
وان تنازعنا بشي..في كتاب الله حله=أن نرده للإله وللرسالة غصب عنّا
وكانها بالسنةالعطره فهي والله مله=جب أحاديثك وفكر.. وفي أسانيدك تأنا
والغريبة تأخذ بضعف الأحاديث وتجله=وسألك هل اسند الشيخين..فحناامتثلنّا
النبي جاره يهودي أمنًه ما حدٍ يذله=ما سفك دمه ولا أنكر.. في حقوقه ما تونّا
والنتيجة اسلم الكافر وردد في محله=الشهادة.. واعترف إن ألسماحه في عملنّا
والنبي أوصى بطاعة والي ألامه وظله=لو يكون من العبيد ولو على شعبه تجنّا
ما سمعت الكلمة إلي قالها في خطبة له=فالوداع وكل ما قاله حبيب الله فعلنّا
حرم دمانا علينا والحرام انته تحله=حرم النفس الكريمة وأنت بفعالك تهنّا
حرم تراب البلد والبيت ترحاله وحله=وأنت تفسد باسم هذا الدين وتخرب وطنّا
يا خساره يا شباب ضاع ما هو في محله=يا خسارة دمعةأمك ضاع ماكانت تمنّا
غرروبك يا صغير السن عدوان وشله=غرروبك واكذبوا في كل ما قالوه عنّا
والمصيبة كل ما قالوه أفكار مضله=كلهامن فلسفة صهيون ماهي من سنّا
ليه روحك تستهين بها وسيفك لي تسله=ليه سمم فكركم ياكبادنا وبكم طعنّا
اقتنع وإما اقتنعت الموت لك أهون مذله=دام هذا البيت شامخ ودام هذاالشعب أملنّا
نحمد الله كل عضوا ما يخاف الله نشله=زوبعة فنجال والإرهاب له سيف يسنّا
أي دين وأي عقل وأي شرع وأي مله=اشهدوا يا ناس هذا الآدمي ما هوب منّا

الشاعر /سعود السبيعي