يا عيد

رداً على قصيدة الغربي ،،على هذا الرابط:
http://www.shdadeen.com/vbq/showthread.php?t=25044

يا عيد / فزيت للقاف وضحك سني=ورحبت با للي تتالت يمي ضعونه
ترحيبٍ أبيض / ماهو كحلي ولا بني=حليبٍ عربا على مثلك يسوقونه
كلمات الاعجاب / من شرواك سدني=عن من يخفي جفاه ويظهر سنونه
ومادام طلبت شوري/ فاستمع مني=ترى الثقه دين والذمات مديونه
الشعر ياعيد /يشبه حمسة البني=واحد يجيده وعشره مايديرونه
يحتاج ركدة خبير / وفكر متأني=كييف / يعرف عباره ويعرف لونه
قصيدته / دلة ٍ فنجالها دني=في كف شبلٍ / بني عمه يحبونه
ليا ساقها للمعومس/ لازم يثني=ويقول زيدوا لي الكيف/ ويزيدونه
ماهو ربيب الكلام / ودقة الشني=اللي مهابيل خلق الله يغنونه
صحيح كلٍ يجر القاف ويغني=لكن للشعر هامانه وفرعونه
شرد القصايد / عصت عن هن أبن هني=اللي يثارون بالشعر ويثيرونه
ياسبقهم يوم مفرود الشعر حني=واللي يعافونه النخبه يخمونه
حصيلهم / "عد وأغلط" مار ماشحني=أهل الجزالة مع الدرب يتعدونه
العَجل / صيده / هزيلة حال/ وموني=واللي يبا القايده / يمشي على هونه
ويامكثرين القصايد/ سجلوا عني:= "حطابة الليل بئس اللي يحطبونه"
وانته / وريث القصيد الراقي الفني=ابوك خمسين شاعر مايردونه
أعجبني اللي سمعته منك لكني=أبيك ترقى سنام الشعر ومتونه
والا لحونك ليا غنيت شدني=قصايدك كلها جزله / و "موزونه"
رغم أن توك شباب وباول السني=أغلى ثمين الشعر/ دفعت عربونه

أبن سليمان

صح لسانك اخوي
قصيدة غاية في الروعه
يعطيك العافيه لاهنت

صح لسانك ياسعود

لاهنت

صح لسانك ياسعود وبيض الله وجهك

على الرد الجزل والقصيده الجزله

وشهاتك وسام على صدري وافتخر به يابو عبد العزيز

وماعليك زود يالغالي

تقبل مروري وتحياتي الغربي

صح لسانك ياسعود

		المشاركة الأصلية بواسطة : نور الهدى اقتباس
	صح لسانك اخوي قصيدة غاية في الروعه يعطيك العافيه لاهنت

نور الهدى

صحت ابدانك والروعه في مرورك

الله الله يا أبو عبدالعزيز

عز الله كفيت ووفيت ورديت على الغربي وما قصرت

كثير هم الشعراء

لكن الشاعر بدون ربعه وعيال عمه ما يسوى شيء

ومن شذ عنهم وتركهم بيجي يوم ويتخلون عنه

وبعدها ما راح يفيده شعره بشيء لو إنه أشعر الناس

لا هنت ياا مشرفنا العزيز وعسى الله يسهل الأمور .

صح لسانك ابو سعود ولا هنت

صح لسانك اخوي سعود سليمان

قصيدة جميلة ورائعة

بارك الله فيك .

صح لسانك ولا هنت على هذا الأبداع

جزله من جزل

تقديري لك