صاحبي البرينيسي .. أقلط

السلام عليكم ورحمة الله وبركاته..

كل عام وأنتم بخير

أستلم يابن العم:

سلام الله سلام إسلام ندخل به مع البيبان = على عز ومعزة يوم غيري يطمر الطاقه
ليا شفت البرينيسي يشيل العود أبو دخان = أقول الله يحيي صاحبي وانحر له الناقه

الله الله يا أبو زايد

الله يحييك يا ولد العم واقلط يا ذيبان

والبرينيسي موجود وفي الخدمة وما يقصر

وإن شاء الله نستمتع بمحاورتكما

وعليكم السلام ورحمة الله وبركاته00
مبروك عليكم الشهر وكل عام وأنتم بخير

هلا يا مرحبا في حلة الظفران والشجعان = رجال أيمانهم دايم على الجزلات سباقه
ترى نيراننا حية ونذخرها لذي عدوان = ولكن أنت من ربعي ومن عربان صداقه

الله الله

وألا يا ليل يا ليل السعد يا فلان يا ابن فلان = تهوش وتنثني والخيل في الميدان لحّاقه
أنا القاضي وأنا من فعلكم راضي وأنا زعلان = وأنا ما ابغاك تشعلها ترى العربان برّاقه

صح إلسانك يا فيصل

وصح إلسان البرينيسي


وبيض الله وجيهكم

السلطان
بندر النايف

حياكم الله ولاهنتوا على المرور

يافيصل ياولد زايد ألا ياطير ابن برمان = لنا الأفعال والسمعة تجي قاطعة ٍ الساقه
وش اللي مزعلك ياهالحكيم أورد لنا برهان = لأجل نرضيك ونبرد كبود ٍ حيل حراقه

ترى ربعك عطوك السيف أبو حدين وبنت حصان = ولكن يا ولد حذراك بيتك تفتق ارواقه
وأنا ما ابغا رفيق ٍ في البلد ماله ولا عنوان = ليا منا رسلنا له رسايل ضاعت اوراقه

زمان ٍ راح يوم أن الوغى شبت لها نيران = ثنينا دونها يوم أن بعض الناس بواقه
أنا موجود يا فيصل يميني تكرم الضيفان = ولاني مثل ناس ٍ لا لفاها الضيف دراقه
****=****
(("مداعبه خفيفه لتلطيف الجو"))=لأن الناقه سرت 00
أنا موجود يافيصل يميني تكرم الضيفان= ((ولامنك لفيت اقلط وأنا بأنحر لك "الناقه"))

السلطان
بندر النايف

حياكم الله ولاهنتوا على المرور