دام العمر ما سمح لي تسمح أقوالي

		المشاركة الأصلية بواسطة : عبدالعزيز مسلط اقتباس
	بالله ياهل الثياب الزرق صبحية=اول نهار المعايد هلت هلالي نلعب سوا واللعابي طاق طاقية=سبحان ربن جمعنا واحسن الفالي البارحه زارني والنوم بعنية=شوق جديد من الذكرى تطرالي الشوق يلدغ بقلبي لدغة الحية=وطعم الموادع حرقني والصبر طالي يالي تمرونها بأوقات عادية=ترى مروري لها مايوصفه بالي انا اذكره يوم انادي عم يابينه=شف الطريق وتبسم تقلب الشالي مير السنين انطوت من شمس لافية=وين انت ياشوق منهو صار لك غالي تكفون ياهل السفر والخطر التية=دلو وليفي معاكم نور وظلالي هي سيدة دارها لو قلت حورية=هي سيدة والسيادة قول وافعالي رحت اتوظف وابنسى كل مافية=وعقب السنه مانسيته خيب امالي ارقب نجوم السما وامد يدية=عل السما تغسل هموم تبدالي في الجيش سهران لاروحه ولاجية=واليا غفل قايد الميدان نختالي بين النسيم وجنوب العود عانية=والتحلية دربنا في كل ترحالي من غير تعطي رتب واصناف دورية=كل استلام احظرة ارجع مع التالي كأن الوظيف وظيفة حب حنية=احظر وله والغياب غياب عن حالي ياحزن قلب(ن) وليفه بالقويعية=بعد المسافة ينكد خاطر سالي عبر القصيد اختصرت دروب رجلية=دام العمر ماسمح لي تسمح اقوالي يابنت انا في هواكم سقت جاهية=رسمت حفل الزفاف وطال موالي العين عين الغزال وروح نجدية=والطف لطف الديار ولطف الاهالي فرت حمر والمراتب جلد مرخية=والقير مايلحق الا حنه العالي كأنك معي يوم اسير لنعيرية=وارجع على سرعته من لبسة عقالي يافلان وسط الحفل كل البشر هية=ومع ضجة الحفل ماله شبه وازوالي من غير لاتشتعل نار الشتا حية=ندفى على جالها من جال لا جالي

:i con30::ico n30::icon3 0:

الله الله الله
أخوي عبد العزيز والله ما أدري وش أقتبس كل بيت يقول الزود عندي
هذا الحب الحقيقي وهذا مايفعل يضهر مشاعر الشاعر
الحقيقي لك شكري وتقديري وصح الله لسانك
وفكرك يامبدع وأرفع لك عقالي
وأقول لله درك
تقبل تحياتي
الرحال