ظليت لعيون منصور

هم حيرونا إلبعضنا دون ندري=من يوم حنّا صغار في عمر الزهور
مايصير يمر ذكره من دون ذكري=منصور ن لحصه وحصه لمنصور
جمله تضحكني طفله ولا أدري=إملخصه الدنيا في لعب وسرور
أقصى حدود الهم لعبه بحجري=أبثّها سرّي وأحسب لها شعور
تسمع ولا إتجاوب ..أغتاض واجري=وارميها والحاصل إذراع مكسور
ثم أرجع أبكيها ويضيق صدري=واستجدي إرضاها والدمع مهدور
إترد بي الذكرى وأشياء تطري=أتمتم وأضحك جاهل ومعذور
ياهي بريئه حيل أيام صغري=لا أفكر ببكرا ولا أنام مقهور
في يوم ن وليله ودّعت فجري=يوم دارت الدنيا والدنيا إتدور
خط الشوارب وصار رجّال بدري=ذاك الصغير اللي يشقح على السور
وماعدت أنا طفله وبطلت أجري=خطيت لي الكحله وذريت العطور
رجّال يدخل بيتنا وناس تسري=كل واحد منهم ناطر بهالدّور
كثروا خطاطيبي ومنصور يدري=يدري ولا جاني ولاهو إبمجبور
مدري علام أهلي دنّوا بقدري=وكل ماإنخطب قالوا حصه لمنصور
هم حيروني له من قبل لدري=مرت سنين العمر وجفيت مالجور
شاب الشعر يابوي شف شاب شعري=وضليت أنا عانس لعيون منصور

(( قرأتها وأعجبتني ونقلتها لكم)) عسولة

الله يرزقها......
قصة حصه لمنصور قصه دايره عند كثير من العرب

عسوله يعطيك العافيه

تسلمين ياقلبي على المرور الرااااااااااائع

تسلم يدينك عسوله على النقل الذوق

وصح لسان شاعرتها

حياك الله يالغريق أشكرك على التنسيق والمرور

أمقت فكرة فلان لفلانة وهم صغار وبشدّة

في الغالب تكون البنت هي الضحيّة ..

صح لسان القايل ..

ولاعدمنا ذوقك عسولتي



..

صح لسان الشاعر والله يعطيك العافية
ياعسولة قصيدة في غاية الروعه
شكرا

أشكركم جميعاً على طيب المرور...........

راق لي ماصاغ قلمك المبدع
ويعطيك العافيه ع النقل


بصراحه اول مره اسمع عن هالقصه! بس اعجبتني

دمتي بخير

ياااااااااااهلا والله فيك ياقلبي أسعدني مرورك حيييييييل