الشاعر اللي.....................؟

	مشاركه من باب التواصل اتمنى ان تنال اعجاب الجميع (الى صاحبي) الشاعر اللي به الهوجاس يزدادي=في كل ليلن هواجيسه يصارعها لوصدرت ساعتين اتجيه ورادي=كن الفتايل وسط صدره يولعها ماتنطفي لو اجر الصوت وانادي= متى على الله توادعني ووادعها ياكاتبي قوم سكر موجة الرادي=حتى تسمع تماثيلي وتطبعها ياحي من هو فهيم ويفهم امرادي=يفهم مراد المعاني من مطالعها العوج لو افعلوها ناسن ابعادي=الد عنها وكني ماأطالعها مير البلا يوم جات العوج تنقادي=من ادنى الاقراب وابلش كيف ارقعها مالي جدا الا ارتجي وصبر افوادي=واندم على ايام عمرن عشتها معها شاركتها في طعام الملح والزادي=ومن قوة الوصل توجعني مواجعها وشاركتها افراحها بأيام الاعيادي=وباجمل تعابير كلماتي اسمعها وانا بلاد المذله ماهي ابلادي=اكب الانذال وافارق مرابعها واعيش مانيب مذلولن وزهادي=والنفس عن مستوا الانذال نرفعها انذال جرح المشاعر عندها عادي=الوقت لو هو على كيفي لسنعها بعض العرب في حياته كنه الغادي=مثل البهيمه يشاركها طبايعها ياكل ويشرب هبيلن حادر الوادي=الناس بيديه ماتمن ودايعها ماجالس امزودين الكيف بقنادي=ماهمه الا هنوفن له يدلعها مايعرف الا مجالس غض الانهادي=القوم لو ناظرت به مايطمعها اطوع النفس تصبر والزم احيادي=لاعاشت ابواقعن ماهوب واقعها يجيك يومن يشرع جوه الهادي=تشريعنا للبيوت اللي نشرعها يوم اتطيب بريح المسك والكادي=وابكي اعيون ماسالت مدامعها ,,,,,,,,,,,,,,,,,,,,,,,,,, شعر ثواب بن زيد الحارثي

		المشاركة الأصلية بواسطة : اقتباس
	مالي جدا الا ارتجي وصبر افـوادي=واندم على ايام عمرن عشتها معهـا شاركتها في طعام الملـح والـزادي=ومن قوة الوصل توجعني مواجعهـا

الندم لا ياتي من يحب ففي اسوأ الظروف تبقى لذة الوصل عالقة في القلب..

		المشاركة الأصلية بواسطة : اقتباس
	ماجالس امزودين الكيـف بقنـادي=ماهمـه الا هنوفـن لـه يدلعـهـا مايعرف الا مجالس غض الانهادي=القوم لو ناظـرت بـه مايطمعهـا

مجالس الرجال لا يتناقض مع دلال الحبيية ومجالستها..
ولنا في رسول الله افضل القدوة..في مجالسة نساؤة في وقت كان الصحابة يطرقون عليه ابواب الحجرات ونزلت الايه الكريمه تعاتب الصحابة على فعلهم ....

صح لسانك ثواب .. والاختلاف في الفكرة لا يفسد جمال القصيده..

صح لسانك ثواب وبيض الله وجهك

على القصيده الجزله

		المشاركة الأصلية بواسطة : اقتباس
	انذال جرح المشاعر عندها عـادي الوقت لو هو علـى كيفـي لسنعهـا

صح لسانك ابو سارة


عندما تصنع القوافى فلها رجال يعرفون كيف يطوعونها


ليست بغريبة عليك يابوسارة

الله يكون في عونك يا أبو سارة

من باعك بعه ومنت ملزومٍ به ورح في حالك

صح لسانك لاهنت

صح لسانك اخوي ثواااب قصيده جزله

من راعي الجزل لاهنت اخوي الغالي

ثواب الحارثي

قصيده رائعه من شاعر مبدع

صح لسانك

تحياتي

من شاعر من عيال العم شدادي الظاهر انك يا بوسارة مروعها
كم واحد ياعرب يصيح وينادي والمشكلة هو سببها لايضيعها

صح لسانك اخوي ثواب قصيدة جميلة جداً