آخر 10 مشاركات |
مختارات | خاتم الزواج : هو أغلى خواتم العالم لأنه يكلف صاحبه أقساطاً شهرية طوال حياته |
مواضيع ننصح بقراءتها |
19 Aug 2009, 11:31 PM | [ 201 ] | ||||||||
عضوة متميزة
|
ترجع بالسلامة أخوي السلطان .. ومسائكم كـ طلة قمر ,, وانبثاقة فـجـر .. وياهلابكم .. مافي موضوع جديد على كذا بسولف لكم وش صار بمجلس الحريم اليوم ...:icon_mrgr كنا معزومين عند بنت خالتي المغرب وسوالف وجلسة شويات إلا جتنا وحده من جاراتها مصريه بعد مافصخت عبايتها طبعاً شي طبيعي لابسه بنطلون بس والله كان ساتر وواسع ماما طرطعت وتغيّر وجهها كأنها جالسه على جمر أنا فيني الضحكة أعرفها إذا شافت حركات زي كذا تولع وتتكدر هي ماتدري إنها مصريه << شكلها كانت تسمع إزيك -وشلونتس من صدمة اللبس المهم عادي نغزتها وقلت لها بشويش ياماما عادي عندهم تكفين تحملي لين نطلع وسكتت بعد ماانتبهت إنها مصريه << فديت المعصبين ياحبني لها تقول ماأسمع حكيها ولاأدري وش تقول فجعتني بلبسها الفاصخه:moptop: وسلكت مع السوالف وانسجمت وياها شويات إلا صديقة بنت خالتي جايه وطلعت وياها عشان نستقبلها عند الباب ويوم فصخت عبايتها حسيت بإغماءه بسيطه لا والله إلا سرينا الحلوه لابسه جنز وهي كبر البرميل وجنوب وبلاوي والتونز حقها كت << أبوك يالثقه العمياء ياويل قلبك ياماما الحين بتنجلط لو شافتها هذا وهي كبيرة وبنتها بالمتوسطة ودي أعرف الرخمه وينه عنها مخليها تطلع بهــ اللبس:busted_re معد فيه غيره أنا ودي أصرفها وأخلي ماما تطلع قبل تشوفها وماقدرت ويوم دخلت ويمين بالله ياإن ماما تغيّر وجهها رضت عن المصريه وقامت وقالت : يالله ياتـــرف بنمشي ويحاولون فيها وهي معصبه وقالت مالي قعده بهــ المجلس أجل مافيه حشيمة ماقدّرتوا وجودي لابسات لبس نوم قدامي مافيه لاحياء ولاحشيمة أنا والله استحيت ومقدر أطالع فيكن:moptop: أنا أخذت بعضي وطلعت وأنا ميته ضحك ياحليلك ياماما ماشافت شيء أجل لو لابسه شورت مثل اللي شفتها بالمعهد وش بتسوي .. وطلعنا وكل الطريق وهي تتحسف على روحتها وياشيب عقلي << وألا ياشيب عيني يوم قالوا لي فمان الله:icon_mrgr وعاد اتصلوا على جوالها وأنواع الإعتذار وسامحينا ياخاله والحمدلله هدت بعد ما مسكتها تريقه وأنا أعلم عليها بابا واخواني وكيف سوت وياهم وكيف انقلبت نفسيتها وحرّمت تاخذني لأي مشوار تقول انتي ماعلى فمك ستر لاعاد أشوفك تقولين لأبوك شيء فضحتيني وبس ...... |
||||||||
|
|||||||||
20 Aug 2009, 01:55 AM | [ 202 ] | ||||||||
بيوكيميائية
|
,’ توصل بالسلامه يا السلطان .., .. امك رهييبه ياترف شي طيب إنها تنكر المنكر بكل الطرق اللي تقدر عليها .. أما حكاية البنطلون لا تعليق عليها شوفتك كاتبه استفسار إنو ليه الرجال مو زي الحريم يشوفو الطبخ شي سهل واحنا اللي نستصعبو ..؟! أكيد حيشوفوه سهل لأنو مو طول حياتهم عايشين في المطبخ يعني زي الواحد لمن يجرب شي جديد عليه ينبسط في البداية بس مع الروتين تروح الانبساطه ,’ |
||||||||
|
|||||||||
20 Aug 2009, 11:41 AM | [ 203 ] | ||||||||
عضو متميز
|
يرن الهاتف الخلوي ليخبرنا ( برسالة جديدة بالجوال ) وتصلنا دوماً رسالة تهنئة بحلول شهر رمضان او بيوم العيد مثلاً وفي نهاية الرسالة التوقيع صديقك او محبك فلان واحينا من طول الهجر والغياب وايام البعاد تكتشف ان رقم المرسل غير مسجل بقائمة اسماء جوالك ربما اختفى وانمسح بضغطة طفل يلهو بالجوال او لأي سبب آخر وتسأل نفسك : هل يحق لي بعث رسالة من جوالي لصديق لم اتصل به منذ رمضان الماضي عفواً أقصد بعد رسالتي له العام المنصرم ؟ وهل نكتفي بالرسالة عبر الجوال وهل الرسالة تفي بالغرض ؟ ام ان الاتصال بالصديق في هذه الحالات هو عين الصواب ؟ تصدقون هناك اناس يقدمون التهاني لوالديهم ولأخوانهم واخواتهم عن طريق الرسائل ويدعون انهم في عصر السرعة .. هل انت مع ام ضد هذا التصرف ؟ سلطان قلوب الشدادين طالما لم تطئ قدماك صحراء الربع الخالي فليس لك العذر بعدم التواصل معنا فالنت في كل مكان والاب توب متوفر والمقاهي منتشرة في هذا البلد والتي اصبحت اكثر من المطاعم ..! تعود لنا بالسلامة ولك كل الحب ومبارك عليكم رمضان جميعا . |
||||||||
|
|||||||||
20 Aug 2009, 09:57 PM | [ 204 ] | |||||||||||||||||||||||||||
|
مـرحبـاً بك مـرة آخرى أسـتاذي مطــارد ســراب وأشكرك على طرح هذا التسـاؤل الذي يبحث في طياته عن صـلة الأرحـام والتـواصل بين الأصدقـاء. وأما بالنسبة لرسـائل التهنئة بالمناسبات السعيدة وإن طالت المــدة مثل مناسبة قدوم الشهر الفضيل أو الأعيـاد أو أي مناسبة أخرى فهي وإن كُنت لا أفضلها ولكنها تبقي حبل الوصل بين الأصـدقاء ولكن إذا غير الصديق رقم هاتفه القديم بأخر جديد لأي سبب من الأسباب فأنه ينتج عن ذلك إنقطاع التواصل إلا إذا تمت عن طريق المصادفة في أماكن التسوق مثلاً. أمـا بالنسبة لتهنئة الوالدين والأخـوان فلا بد من التواصل بزيارتهم وتهنئتهم بالمناسبة أياً كان نوعها لأنه من رأيي أن التواصل معهم بالهاتف يُعتبر إجحاف في حقهم إلا إذا كان العُذر بُعد المسـافة أو إرتباط بعمل لا يستطيع تركه إلا بوجود البديـل لحساسية نوع العمل. فهنا يكون البديـل الإتـصال الهاتفي مع الإعتـذار للوالدين والإخوان والأخوات وجميع الأقارب. وحتى إن كنا في عصر السـرعة فالتواصل مع الوالدين والإخوان والإخوات ليس بوجبـة بيتزا تطلبها وقت تشاء بالهاتف لتصلك وقد لا قدر الله يغضب عليك والديك لأنهما يعلمان أن مقدار حُبهم في قلبك قد تضائل إلى حدٍ كثير قد يصل إلى حد عقوق الوالدين لعدم وجود الإحسـان. سـؤالي متى تتخلى عن مسـاعدة صديقك إذا مر في ظروف إقتصادية قاهرة؟ هل تتخلى عنه أم مـاذا؟ وكل عــام وأنتم بخيـر أخوكم أبو ناصر الشدادي |
|||||||||||||||||||||||||||
22 Aug 2009, 06:16 AM | [ 205 ] | ||||||||||||||||||||||||||||
عضوة متميزة
|
صباحُكم / مسائكم نوراس السرور
أهلاً بك أخي مطارد سراب ..
وبالنسبة لي يستحيل أن أستخدم المسجات لصفوة أحبابي .. الجميع أحادثهم عمام وخوال وكل شخص له حق المباركة .. وحتى صاحباتي لايرضيني مسج عابر لازم أسمع أصواتهم المسجات تقتصر على زميلاتي السطحيات والشخصيات العابرة في حياتي كل رقم بقائمتي له النصيب من التهنئه وكلن حسب مكانته عندي .. وبعدي ماخلصتهم اليوم كلمت نصهم والباقين الليلة << قائمة حياتي كلها صخب وازدحام *** مسج خرج من جوالي أرسلته لأكثر إنسانة جرحتني بالحياة مع إني مخاصمتها وتاركتها من فتره لــكن كنت ناويه أكلمها اليوم بحق القرابه وأبين لها إني ماقاطعتها لذاتها بل لتصرفاتها الغير محسوبه سنين أسامح وتزيد بظلمها بس والله ماحقدت عليها لــكن بعدت عشان أطهّر قلبي من تراكمات اللي حصلي بسببها واليوم جا الوقت اللي يصعب علي أتجاهلها ماهانت علي أبارك للكل من دونها .. مسكت الجوال بتصل وسبحان الله جتني شغله ومااتصلت إلا جتني رسالة منها بجد انقهرت لو اتصلت بتقول عشاني أرسلت ذكرت وأنا كنت ناويه قبل لاأشوف رسالتها لــكن الله يفعل مايشاء وخرب مخططي وهذي رسالتها : طل الشهر يالغلا وأدري مزعلك ودي نصالح بعضنا ونرجع أخوان الله يبلغنا نصوم ونواصلك ونروي فؤاد للوصل حيل ظميان تدعي لي بإخلاص ومثله أبادلك عسى رمضانك خير ياأغلى إنسان ...................!! ماجتني قدره على المكالمة وأجلتها بوقت ثاني .. لــكن بعد ساعة أرسلت لها هالمسج : مهما الكلام اللي بقلبي شرحته..!! شهر العبادة غير وإحساسنا غير..!! (سامحت كل اللي جرحني وبحته) "الله يبيحه مابي منه تــبــريـــر " واللي معه قصرت وإلا جرحته أبيه يسامحني على أي تقصير .." وبس .. دامي ماأشوف أحد بالديوانية قلت أسترجع أحداث يومي لوحدي.. |
||||||||||||||||||||||||||||
22 Aug 2009, 04:36 PM | [ 206 ] | ||||||||||||||||||||||||||||||||||||||||||||||||||||||||||||||||||||||||||||||||||||||||
عضو متميز
|
استاذي العزيز أبا ناصر لا اعتقد ان هناك اوقات يمكن ان نتخلى فيها عن اصدقاءنا لأن الصديق وقت الضيق ولكن ربما يخفى ذلك الصديق عنا ظروفه حينها من اين لنا ان نعلم عن مشكلته الإقتصادية ؟! كل عام وانت بخير يا ابا ناصر وشرفتنا بالديوانية وياهلابك . المبدعة ترف كل عام وانتي بخير ورمضان مبارك علينا وعليك .
نعم صحيح وليس كل من في قائمة الأسماء يستحق الإتصال به واتفق معك طبعاً .
لماذا نظلم الطرف الآخر لعلها تقول حينما تقرأ رسالتك بعد التوضيح لها صحيح ان القلوب شواهد ؟! شكرا لتفاعلك الدائم ياترف مع الديوانية وان شاء الله نشاهد بقية الاعضاء الكرام الذين بالتأكيد تأثروا بأجواء وبرامج رمضان اليومية .. وللجميع محبتي. |
||||||||||||||||||||||||||||||||||||||||||||||||||||||||||||||||||||||||||||||||||||||||
26 Aug 2009, 04:15 AM | [ 207 ] | ||||||||
عضو متميز
|
ماشاء الله الديوانيه فاضيه ومافيه احد انا اقول اكيد فقدوني بس الظاهر محد درى عني لان مافيه احد لاهين مع رمضان ابي اشغل النور وافتح الباب وانتظر مالكم عن الديوانيه غناه |
||||||||
|
|||||||||
27 Aug 2009, 03:07 AM | [ 208 ] | ||||||||
عضو متميز
|
ماشاء الله تبارك الله رحت وجيت محد جاء اكيد مأثر عليكم الفطور لاتاكلون واجد خففوا خخخخخخخخخخخخ بالنسبه للرسائل التهنئه ارسل للقائمه للكل ولا اخلي احد والي نساني تذكرة الرساله والي مضيع رقمي يتصل واسمع صوته هذى مناسبه والواحد يترك احقادة ومشاكله بعيد عندي سوال لازم تردون عليه الكل؟؟؟؟ اجتماع القبيله في عيد الفطر الي اي درجه يعجبك وهل ترى انه اجتماع الزامي ؟؟ وهل لو اجتمعنا كل الشدادين في اجتماع نحددة لنا كل عام سينجح؟؟ لانني ارى البعض يأتي وكانه مجبر وماكنه في عيد ياخي فرصه تعيد علي الكل مرة وحدة وتشوف الي ماشفته من زمان ليش ابتعدنا عن عاداتنا وعن القبيله حتى في المناسبات وخاصة العيد |
||||||||
27 Aug 2009, 03:21 AM | [ 209 ] | ||||||||
عضوة متميزة
|
صباح الورد .. حيا الله وافي ومشاء الله عليك حرّكت الديوانيه إحنا مدري وش صابنا مع تغيّر الأوقات والصيام صرنا نضيّع المواضيع ..:moptop: دخلتي غلط وسؤالك للرجاجيل .. بس ماعليه تخيّل إني رجال دام مافيه أحد لازم أرد ...:icon_mrgr ذكرتني بالوالد له خمس سنوات يسوي مخيمات لكل جماعتنا اللي بالرياض والكويت والمجمعة والدمام كان يخليها ثلاثة أيام العيادي والغداء والعشا ومو بالرياض بمسقط رأس قبيلتنا في قريه من قرى سدير ويجتمعون فيها وثاني يوم يكون هو الإجتماع الأكبر يعني الكل يحضر وهالسنه بيكون فيه اجتماع للحريم كانوا رافضين بالبدايه عشان الترتيبات صعبه الرجاجيل ويحضّرون فيه شهر لأن حتى الكهرباء توصيل والماي غير حجز القهوجيين وحوسة الطّباخين لأن القرية مافيها مطبخ يطبخون فيه ذبايحهم لازم يوفرون أغراض الطبخ ومكانه للطباخين والحريم مافيه أمل يطبخون ست ذبايح باليوم فـ يحجزون كل شيء من الرياض بس والله حلو كأنه صالة أفراح في عمق الصحراء << اللي منبسط جماعتنا في القرية يرابطون فيه ليل نهار أول شيء تحس بفرحة اللمة والجمعه وثاني شيء يشوفون ربعهم وجماعتهم اللي كل واحد بديره وهي مره بالسنه مايبون الرجاجيل فيها إلا وجهك ويتمننون بعد ويستثقلونها بجد غريبه .. وهذي رسالة بابا للجماعة << كل سنة يغيّر المضمون وهالسنه كتب لهم : إلى من نُسرّ بلقائهم .. ونتشرف برؤيتهم نهنئكم برمضان ونبشركم بإجتماعنا الخامس في ....؟.... هذا اللي لقطته من جواله وأخذه مني بيكمل الإرسال ... وبس .. أهم شي شاركت وياك بموضوعك وبإذن الله أحد غيري يصحصح ويرد عليك كمان .. |
||||||||
27 Aug 2009, 04:03 AM | [ 210 ] | ||||||||
عضو متميز
|
هههههههههههههههههههههههههههههههههههههههههههههههههه ههههههههههههههه قرقعت بداخلك ياترف الين طلعت انتي من الاستثناء ياترف عارفك ما تقدرين تصومين عن الكلام والله يا وافي من افضل الاشياء بالعيد هالجمعه وحنا يا جماعتنا القريبين نسويها ولله الحمد كل عيد اول كانت بالبر بس الشيبان كبروا و البر يتعبهم الله يحفظهم فصرنا عيد الفطر بالاستراحه و عيد الاضحى بالبر ( على حسب حالة الاجواء ) ولا خليناها استراحه بعد بالعكس لمه و فرحه من احسن الاشياء ووناسه و سعة صدر الله لا يغيرها والي يجي مجمع جماعته و هو لاوي خشته جماعته بغنى عنه و عن اشكاله الله و كبر يا رئيس منظمة الامم المتحده الحين مشاغل العالم صف وراء بعض يبونك تحلها الوظايف وعطلت مالهم حجه الي مايحضرون وبس |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
۞ زفرات العاشقين ۞ | عيد الشدادي | مرافئ البوح | 19 | 21 Sep 2007 11:03 AM |
۞۞ تقـول لـي لبيـه واقـول لـك سـَم ۞۞ | بدوي فاهم | بحور القوافي | 28 | 11 Aug 2006 11:20 AM |
۞۞قصيدتي في صديقي ابو زلف۞۞ | بدوي فاهم | بحور القوافي | 26 | 18 Mar 2006 01:36 AM |
|