ودي تزوجنـي كريمتـك يـابـه

آلسلآم عليكم ورحمة آلله وبركآته كيف آلحآل أن شآء آلله بخير هذهـ قصيدهـ شفت موضوع آخوي رمح آلشدآدين ( كيف آتزوج وهذآ وضعنآ ) ، ، ، ، قلت آجيب لهم آلقصيدهـ وآرتآاح ، ، ، سبحان من يرزق بتوع الملاييـن= الرازق اللي ما يخيب الرجـا بـه لي عم عنده معـرضٍ للصواليـن =موت واعرف بس من وين جابـه وإذا سألته قـال بعـت الدكاكيـن=ما يدري إني ما هضمت الإجابـة الشاهد إني رحت له قبـل يوميـن=في قصره العامـر ودقيـت بابـه قال أرحب أرحب عدّد ورد البساتين=يا مرحبا باللـي لفـا يـا هلا بـه قلت البقا عـدّ النفـل والرياحيـن =يا شيخ شمل أهل الكرم والذرابـه قال اسلم الله يحفظك لي من العين=وآمر أوامر حضرتـك مستجابـة قلت الصراحة طالبٍ قرب غاليـن= ودي تزوجنـي كريمتـك يـابـه ثنّى وقال أهليـن والله وسهليـن=والكون ترخص لجل عينك رقابـه لكن ترا عندي شـروط وقوانيـن=قلت اشرط اشرط يا حبيب الغلابـة قال أولاً مهر العروسـة ثمانيـن=غير الرسوم وغير حق العصابـة والثانية عمك يبي منـك سبعيـن=سم الأبـوّة والنسـب والقرابـة وأم العروسة حقها منـك ستيـن=عشانها ست الحسـن والمهابـة وإخوانها كلن يبي منـك خمسيـن=عداً ونقـداً تنـدرج فـي حسابـه وخواتها الخمس عطهن من ثلاثين=عشان تتوثـق عـروق النسابـة وتجيب طقم عيار واحد وعشرين=وخاتم من الماس المصفى ترابـه وأكياس متروسة كعوب وفساتيـن=ألوانهـا وأشكالهـا مـا تشابـه وموتر بسواقـه وفيله بدوريـن=أثاثهـا مـن بطرتـه ينحكـى بـه واحجز لنا قاعة بقصر السلاطيـن=واحجز بهـا رقاصتيـن وربابـه هذي الشروط اللي على بالي الحين=وذكرني اللي ما حسبنـا حسابـه قلت اذكر الله يا عـدو المساكيـن=واستغفـره لا يبتلـيـك بعـذابـه الظاهر إنك منت عارف أنا ميـن =أنا لو أرقى فـوق متـن السحابـه ما جبت حتى نص درزن مواعيـن=واضحك بكيفك واعتبرهـا دعابـة شروطكم هذي شـروط المجانيـن=شروطكم شغـل ابتـزاز ونهابـه شروطكم تقصم ظهـور البعاريـن=شروطكـم همّـن وغـم وكآبـه شروطكم والله سيوف وسكاكيـن=تذبح بنات المجتمع مـع شبابـه وين الرضا والعطف واليسر والليـن=اللي ذكرهـا الله بمحكـم كتابـه وين الصفات اللي أمرنا بها الديـن =وين اختفى نهج النبي والصحابـة يا عم جعل اللي خلقنا من الطيـن=يرد عقلك مـن خطـاه لصوابـه ويجعل نصيبي عند غيرك قل آمين=ويحسن عزا الصابر ويجزل ثوابه قال أنت لو فكرت تفكير صاحيـن=ما شفت في مجمل شروطي غرابه حنا بعصـر العولمـة والمزاييـن =ماهوب عصر الفلسفة والخطابـة الناس تسعى للرتـب والنياشيـن=وأنت اهتمامك بالشعـر والكتابـة والشعر ما ينفعك لو هو دواويـن=ما دام جيبك مثـل بيـت الخرابـة يا بوك لا تسمع كلام المصاخيـن=واسأل مجرب عاش في وسط غابه قلت الله أكبر يا محـرر فلسطيـن =من يسمعك يحسبك ذيـب الذيابـه تراك شايب رأس مالـك رياليـن =والبنت ما تسوى جنـاح الذبابـة قال انقلع مالت على وجهك الشين=لا عاد أشوفـك عندنـا يالزلابـه قلت ابشر أبشر لكن الباب من وين=وأقفيت من عنده على صوت بابـه تحيآتي

رد مقنع لرمح انشاء الله يقتنع

الف شكر لك ابن جبري
يعطيك العافية

		المشاركة الأصلية بواسطة : أبن جبري اقتباس
	تراك شايب رأس مالـك رياليـن ***والبنت ما تسوى جنـاح الذبابـة قال انقلع مالت على وجهك الشين****لا عاد أشوفـك عندنـا يالزلابـه قلت ابشر أبشر لكن الباب من وين**وأقفيت من عنده على صوت بابـه تحيآتي

لاعاد الشاعر زودها هنا
وين قرب النسب ,, وين اللي بالابيات الاولى يطلب القرابه

المهم ابو البنت زودها كثير.. وكسر ظهر الرجال
بس يستاهلون

قبل مهورهم كذا ,, واللحين والله رخيصه وماتعجبنا

مشكور اخوي

شكل أبوها ماوده يزوج اللي تقدّم له وكثّر عليه الطلبات عشان يرفض
وكثير يسوون هالحركه واحد خطب منه ولد أخوه وقاله مهر بنتي مليون
وهو يقول مابي أرده بعجّزه وبيترك البنت بدون مااحرجه بالرفض ~

صح لسان قايلها وتسلم ع النقل ~

ههههههههههههههههههههههههههههه

والله انك كفو
ابدعت بالقصيده يا ابن جبري


دمت بود

أهلأبك يافارس الشدادين ووبيض الله وجهك قصيدة بصراحه في وقتها وتمثل وتجسد معاناة الشاب الذي يرد يكمل نصف دينه ويتزوج بنت الحلال اللي تسعده في حياته وبدون خساير واجد وأباء ألبنات يغلون اسعار المهور وعزالله انه شايب مايسوي نص الريال واي رجل يدور المال ورى بنته او زوجته ماهو رجل ولا ينساق له فنجال الكيف
ابيض وجهه يابن جبري وافي ومن راس وافي
لاهنت ولاهان راسك
اعذب التحايا وارقها لـ سموك الكريم

وش ذا الطلبات أكيد يبالغون
أو مثل ماقالت اختي يبي يطفره
صح لسان قايلها وتسلم يد ناقلها

ما شاء الله عليك

قصيدة في محلها

وإن كانت لاتخلو من المبالغة لكنها تصور الواقع المرير

والله لقعد عزوبي ولا اسوي
هاذي الشروط لو حسبنا هاذي الفلوس
كان طلعة مليوووون بس دنيا هما زود الفلوس
ملاين فوق ملاين

شـروطـكــم هــــذي شــــروط الـمـجـانـيـن

شــروطــكـــم شـــغــــل ابـــتــــزاز ونــهـــابـــه

شـروطـكــم تـقـصــم ظــهـــور الـبـعـاريــن

شـــروطـــكـــم هـــــمّـــــن وغــــــــــم وكـــــآبـــــه

بيض الله وجهك وصح اللسانك

تحياتي

سلمت يا ابن جبري ولا هنت
والله يرزقك ببنت الحلال الطيبة الصالحة
اللي تسعدك وتسعدها