شموخ وكبرياء

مدخل

كن كالنخيل عن الاحقادمرتفعا

بالطوب يُرمى فيعطي اطيب الثمر

رشرشي ياسحابه لين سيلك يقر=واختفي ياثريا بعد بان الهلال
وانثني يالغصون المثمره فالشجر=وابركي للحمول الكايده يالجمال
وافهقي يامراسم وانتثر ياحبر=فوق بيض الورق حتى يزين المقال
كان ماجبتها باسلوبي المختصر=ماتجي بالغضب والحقد والانفعال
راس مالي قصيدٍ ناحته من صخر=وعزةٍ جملتني طول كل الليال
لامسكت القلم تضحك ثنايا السطر=وكل سطرٍ يناديني هنيا تعال
وده اني به ابدى لجل يكسب فخر=ويذكرونه هل الابداع في كل حال
ماكتب القصايد لجل بيض وسمر=وافيات الوصوف وكاملات الخصال
كل وحده عن الاخرى تلف النظر=بالحلا والتغنج والدلع والدلال
يوم قطف الورود ويوم رش العطر=زينهم مايحركني جنوب وشمال
اكتب الشعر وابدع فيه باحلى الصور=وارضي اذواق جمهوري بكل الجزال
كل فكره تدور بوسط راسي بكر=تتصف بالشموخ وكبريا الرجال
بي جنون التميز بي نضاجة فكر=تجعل الناس عني يكثرون السوال
اكتب ملاحظاتٍ في خيالي تفر=واترك الناس تبحث في هجير وظلال
ناس تعرف وش اقصد وتفهم اللي يمر=وناس والله ماتدري عن اللي يقال
الوكاد ان لو اني شربت البحر=مايغلق ظمايه لو يطول الجدال
من فهم فاز واللي مافهم ماخسر=صفقي ياكفوف ولوحي بالعقال
فزت بالمركز الاول ودست الخطر=وخابوا اللي بدربي يعرضون الحبال
المهم اني الحاكم بذاك القصر=لو يزيدون حكام البلد والخوال
وكان ربي بيرزقني بطولة عمر=والله اني لحير واسحر اهل الجمال

مخرج

مادامني مسلم وفي قلبي ايمان

عمر البحر ماشال هم السفينة

فزت بالمركز الاول ودسـت الخطـر
وخابوا اللي بدربي يعرضون الحبـال

كفو والله يا أبو عبيد وسبعة انعام
كفيت ووفيت وعسى عمرك طويل
وصح لسانك على هذه الرائعة

نـصّ غاية في الجزاله والروعه
صح لســـانك مدد بلا عــــدد
و لا هنت على هذه الشامخه ..

رووووووعـه ما شاء الله عليكـ .,
أبيآت مغرورة .,
يحق لهآ الغرور فـ كآتبهآ هو مُهندس الحرف .,
الله يعطيكـ العآفيه , و صحّ لسآنكـ .,
دمـتـ بخير .,
.
,
.

ومضه ، وإثنتان‏ .. ثلآث ، وألف‏ !

بربك ياعيد،

لاتصمت لحظه،‏

لازالت في عيني - ومضة إعجاب-

تبحث عن حرفك لـتضيء!

والله/ والله ماكتب فتنه يالغربي ،

		المشاركة الأصلية بواسطة : السلطان اقتباس
	فزت بالمركز الاول ودسـت الخطـر وخابوا اللي بدربي يعرضون الحبـال كفو والله يا أبو عبيد وسبعة انعام كفيت ووفيت وعسى عمرك طويل وصح لسانك على هذه الرائعة

صح بدنك يالسلطان

ولاهنت على مرورك اللراقي

تحياتي لك الغربي

والله ونعم فيك يا أبو عبيد

صح لسانك , وبيض الله وجهك يا ذيبان

قصيدة جميلة كجمال صاحبها ,,,

الله يعطيك العافيه

		المشاركة الأصلية بواسطة : فاقدة أبوها اقتباس
	نـصّ غاية في الجزاله والروعه صح لســـانك مدد بلا عــــدد و لا هنت على هذه الشامخه ..

صحت ابدانك يامشرفتنا

تحياتي لك الغربي

		المشاركة الأصلية بواسطة : لمسات اقتباس
	رووووووعـه ما شاء الله عليكـ ., أبيآت مغرورة ., يحق لهآ الغرور فـ كآتبهآ هو مُهندس الحرف ., الله يعطيكـ العآفيه , و صحّ لسآنكـ ., دمـتـ بخير ., . , .

الروعه مرورك يالمسات

صحت ابدانك ومشكوره على حضورك الراقي

تحياتي

من أجمل ما قرأت ىلك يا عبد

قصيدهـ جزله ورآئعه


لا هنت ،،