يا الغربي الشعر في هذا الزمن غابي !!!

السلام عليكم ورحمة الله وبركاته



كيف حالكم ان شاءالله بخير


امابعد قصيدهـ من قصايدي المتواضعه ..

يا الغربي الشعر في هذا الزمن غابي =والناس متــغـيــره للشـعــر نظرتهــآ
جمعتنـــآ لين صرنا ربع وأقرابي=في وجهــة للشـعـر عليــت رايتهــآ

أبسألك عن مخاوى بعض الأصحابي=مــا تـنــحــرج هالآوادم من حقارتهـــآ

الخوه اللي تحاول تكسر أطنابي=وش لــي بخوة هل الهــدم وحماقتهــآ

اللي إذا أقفيت عنها فيك تغتـــآبي=واللي ليا جيتـــها تــظهر صداقتهـــآ

لا حدهم وقتهم صاروا لـك أحبابي=وإن زانت أوضاعهــم بانــت خيانتها

والمشكــله لا نصوك ودقوا البـآبي=ما تبـــتعد لــين تاخـذ منــك غـآيتهـآ

يا رب وقتـي عليه كشر أنيابي=وأنيابه اليوم ماني حمل كشرتهــآ
يا الله عبـدك ضعيف وجاك توابي =إغفر لروح ٍ ذنوب الوقــت عنتها

يا ليــت حظي معي يا صاحبي طابي=وأنسى هموم الـــزمن وتلين قسوتهــآ

لا تحسـب إني سعيد ولو ضحـك نـآبي=أضحك وروحي عذاب البــعد موتـــــهآ

ما يبهج الخاطر إلا شوفة أحبابي=اللي على الطيب تفخر في صداقتهــآ

تظهر معــك لو رجاك بهالزمن خابي=تفــتــٌـل أشنــآبها وتــبــيــن نخوتـــهـآ

من بـعــدهم مالي إلا الحبر وكتابي=الرفــقــه اللـــي تنومســـني رفاقتهـــآ

صكيت عن خوة أهل المصلحه بابي=للي مع الوقــت تـــثمـر معـــك خوتهـــآ

صح لسانك ياعمر بن دويس قصيدة في غاية الروووعه
كل الشكر لك وننتظر حظور شاعرنا الغربي

صح لسانك يابن دويس وبيض الله وجهك

لا اخفيك اني متوقف عن الكتابه وعن النشر

في جميع المنتديات ومعاهد نفسي بعدم التراجع

طوال هذه الاشهر

ولكن سترى ردي في الائميل

تحياتي لك الغربي