جريت بالونه وهزيت راسي

يا مل قلبي عن وليفه طوى اليـاس=فاخـت مواجهتـه صبـاح ومماسـي
ما عاد له زول نشوفـه مـع النـاس=ولا سمع بصوته مع جميع الحساسـي
مـنـولٍ ويــاه ممـشـا ومـجـلاس=واليوم في قبـر رسومـه رواسـي
يا محترف للرزق مع كـل منطـاس=الى غفل خطـو الرقـود الهداسـي
الله يبيحـه عنـده العـرف بقيـاس=مال الردى والطيب عنده تواسـي
يضحك لصدقانـه ويضحـك للنجـاس=واللي بقلبه مـا لحـق لـه قياسـي
ليته يذكر حـي لـو عنـد حبـاس=لو هو بديره ما بهـا عـرف ناسـي
لو كان حبسه مـدة تاخـذا رمـاس=ذكره على الدنيا ولا قطـع ياسـي
اما نزوره فـوق عجـلات الارمـاس=والا يجـي بعـد انطـلاق الحباسـي
والا يا ليتـه مـدة بالمـرض داس=اجلس انـا وايـاه وابـرد حناسـي
لكن جاه المـوت قطـاع الأنفـاس=كسـرة عصاتـنٍ حطبهـا يبـاسـي
لا شك قلبي صايبـه حـب الافـلاس=لا شايـف زولـه ولا عنـه نـاسـي
اقوم واقعد مثل ملجـوج الاضـراس=واضحك وانا في خاطري كسر باسي
لاشفت غرضانـه ولـو كـان دراس=جريـت بالونـه وهزيـت راســي

الشاعر صقر النصافي

صح إلسان الشاعر صقر

ولا هنت وسلمت يمينك على نقلها يا أبو زياد ..

مشكور على القصيد
كلها حزن ورثاء يعطيك العافيه
على النقل
تحياتي

صح لسان شاعرها وسلمت يمينك على نقلها
دمت بود

بيض الله وجهك يابن قاعد والله يعطيك العافية

أنا أحفظ هذي القصيدة من زمان لكن فيه أبيات ما كنت أعرفها

لكن الله يكثر من أمثالك

الله يرحم النصافي

ويطول في عمرك يابنـــــــــدر

مشكور على الحضور

صح لسانه شاعر مبدع وراااائع

أشكرك اخي على هالاختيار المميز

كل الود

العفو ياهدى

والله يسلمك


خالص حترامي وتقديري

شكراً يانور الهدى على الحضور

والله يعافيك

		المشاركة الأصلية بواسطة : فيصل بن زايد اقتباس
	بيض الله وجهك يابن قاعد والله يعطيك العافية أنا أحفظ هذي القصيدة من زمان لكن فيه أبيات ما كنت أعرفها لكن الله يكثر من أمثالك

يامرحبابك يابو زايد

وجهك ابيض يالنشمي

والك خالص تقديري وحترامي