ثواب بن زيد الجياشي وعبدالله بن عتقان السلمي

بسم الله الرحمن الرحيم

هذه المحاورة جرت بين الشاعرين الكبيرين ثواب بن زيد الجياشي الحارثي وعبدالله بن عتقان السلمي

محاورة قووووووووية ومن العيار الثقيل صحت السنة الشعراء

ثـــــــــواب بــــــن زيـــــــــــد

نيابه عن هجوسي عنك يانايف واخو نواف=هلا يامرحبا بضيوفنـا مليـون ترحيبـه
تهيض ياسفير سليم سر القاف جاك القاف=تهيض ياطويل العمر دام الدرب تدريبـه

عبـــداللـــــــه بــــن عـــتـقـان

والا يالعزوةاللي في اللوازم تحتمي الميقاف=عساكم في البقـا والبيـت يازينـه وياطيبـه
نبا نسري على الشعر الجميل ومدرسة صياف=على نهج العرب والضيف في حكمة معازيبه

ثــــــــواب بـــــــن زيـــــــــــد

يا ابن عتقان شفنا في الليالي شيء ماينشاف=كثير الناس ماتدري عن اللي داخل العيبـه
الك قلبٍ يحب وخابره ياصاحبي ميـلاف=وبعض الحب مالي ياطويل العمر مالي به

عبــداللـــــــه بـــــن عـتــقــان

بغيت اسري على نور القمر واطفي الكشاف=وشفت ذياب بن غانم يفّتـل روس اشانيبـه
والا يالضابط اللي لاتذم ولاعليـك خـلاف=لكنك كب مجموعي وفي مكه وفـي طيبـه

ثــــــــواب بـــــــن زيـــــــــــد

تبا تسري على القمرا ويفضح سفتي الاسعاف=كفاك الله من شـر الزمـان ومـن عواقيبـه
ترا ماكل رجالٍ تشوفـه للصعـب عسـاف=ابن عتقـان رجـالٍ يـودي العلـم ويجيبـه

عبــداللــــــه بــــــن عــتــقـان

توسط في الحكومه لين تنزل قيمة الاعـلاف=مواشينا توفت في الزمـان اللـي ماندريبـه
من اول يابن الحارث شجيعين وعرب عراف=وهالحينه جملكم قـام ياكـل فـي عراقيبـه

ثـــــــواب بــــــــن زيـــــــــــد

على ضلعان تاكل في شجرها والقلوب نظاف=حكومتنا الرشيدة كل علم الطيب تحري بـه
بن الحارث تعيّنهم بـلا مبـدا ولا مشـراف=جملهم كان جيتـه ماينقـص فـي مواجيبـه

عبــداللــــــه بــــــن عـتــقــان

والا ياحبني للرامي اللي يطرح الاهداف=عليه بالطلاق انك خطر لسليـم وعتيبـه
لو ان المجتمع كله توحد والقلوب نظاف=ماشفت علومنا تدخل مجال الشك والريبه

ثـــــــواب بــــــــن زيــــــــــد

على المجرم خطرنا كان جنبها عن المحراف=ياشين الشاعر اللي يحتـرم فكـرة هناديبـه
انا اخبرك تصلي بس لا تسعى ولاتتطـاف=توقـع لاتجـي عـدٍ مغثربـةٍ مشاريـبـه

عبــداللــــــه بــــــن عـتـقـان

تدافع ياثواب وجاتك الهجمه من الاطراف=وانا مانيب ضاحك للعرب بسنون تركيبه
تدقق في صلاة سليم وانته ماتقول انصاف=تصافح بوش الامريكي وتلبس من دواليبه

ثـــــــواب بـــــــن زيـــــــــد

عيوني يوم اعاين للمعالي ماتلـد خـلاف=وانا ماني سوات اللي يغر الدرب ويصيبه
ترى بوش المريكي ياعميلي يشبه الصراف=وعلينا مافرض ياصاحبـي والله مواجيبـه

عبــداللــــــه بــــــن عتـقـان

لو ان المرجله بالبشت ولاهزت الاكتاف=تجي حتى الهنود وبنقلادش قوة مصيبه

ولنا..عودة..إن.. شاء..الله..مع..شعراء..آخرين..
ودمتم.. بخير..

....أخــــــوحنشل الجياشه كـــــم....

الله الله ماشاء الله تبارك الله
================

إبداع ممتع وأداء مقنع
أفكار صافية ومعاني وافية
لغة فنية وهموم خفية
محاورة رفيعة بعبارات بديعة
=================

صح لسان الشاعرين ثواب وعبدالله
أحسنت الاختيار ياحنشل الجياشة
====================

كلاهما شاعران كبيران

والمحاورة طيبة جداً

وتسلم يديك يا حنشل الجياشة

		المشاركة الأصلية بواسطة : الحمداني شدادي اقتباس
	الله الله ماشاء الله تبارك الله ================ إبداع ممتع وأداء مقنع أفكار صافية ومعاني وافية لغة فنية وهموم خفية محاورة رفيعة بعبارات بديعة ================= صح لسان الشاعرين ثواب وعبدالله أحسنت الاختيار ياحنشل الجياشة ====================

أخوي ... الحمداني ... الشدادي ...

مشكور ... على ... مرورك ... العطر ...

وكلماتك ... الرائعة ....و نورتنا ...

بحضورك ...

		المشاركة الأصلية بواسطة : السلطان اقتباس
	كلاهما شاعران كبيران والمحاورة طيبة جداً وتسلم يديك يا حنشل الجياشة

عساك ... سالم ... وغانم ... يابو ...

عبد الله ... وشرفتنا ... يامديرنا ...

بمشاهدتك ... وردك ... على ... هذا ...

الموضوع ...

تسلم يدكـ آخوووي

على هـ النقل



لا عدمنا جديدكـ




آطيب التحايا

نقله رائعه وبيض الله وجهك
وصح الله لسان الشاعر ثواب والشاعر ابن عتقان

محاورة رائعة اخوي بس وين ومتى صارت

		المشاركة الأصلية بواسطة : سهم القصيد اقتباس
	محاورة رائعة اخوي بس وين ومتى صارت

والله مدري عنها وين صارت
...............

ثواب شآآآعر والله ونعم ...


بس انا اخبره شاعر نظم وجزل ماشاء الله عليه ..


لكن متى صآآر يلعب المحاورة ؟؟؟



ياليت تفيدنا وتجيب لنا محاورات غير هذي ...