..:.. مرحباً بك في شبكة الشدادين الرسمية ، ضيفنا الكريم يسعدنا دعوتك للانضمام والمشاركة معنا .. اضغط هنا لتسجيل عضوية جديدة ..:..


العودة   شبكة الشدادين الرسمية > المنتديات الأدبية > منتدى القصص والحكايات
  [ 1 ]
قديم 06 Aug 2019, 12:58 AM
عضوة متميزة

بريق الألماس غير متصل

تاريخ التسجيل : Jul 2019
رقم العضوية : 77703
الإقامة : saudi arabia
الهواية : برامج الحاسب و تصاميم مواقع فرونت بيج
المشاركات : 467
معدل التقييم : 25
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
قصه منقولة من أم كادت ابنتها تكون ضحية عصابة



القصه بلسان الأم تقول.
قصتي والله على ماأقوله شهيد ✋أنا متزوجه وعندي بنات وأطفال.
، أكبرهم البنت بأول كليه والثانيه طالبه بسنه 2 ثانوي( هي المقصوده) ، بمنطقة القصيم تحديداً بعنيزه ، ربيت عيالي مثل كل الإمهات على الخوف من الله والصلاة وأنهم مايخبون علي شي وعلمتهم طريق الحرام وشلون يبتعدون عنه وعن رفقاء السوء ، لكن (إنك لا تهدي من أحببت ولكن الله يهدي من يشاء وهو أعلم بالمهتدين)
كنا بأحد المهرجانات اللي يقام بكل ديره أخذت عيالي نبي نحضرونستانس كان فيه محلات اللي يبيعون ويشرون الناس منهم الأسر المنتجه، قالت لي بنتي اللي بالثانوي بروح أجيب لي شي أكله وأنا بالعاده ماخلي وحده تروح لحالها بس هذي كان محلها قريب من مكان جلوسنا وأقدر أشوف بنتي قدامي اللي صار ، إنه شفت بنتي تجلس مع وحده مثل عمري قريب من طاولاتنا وتسولف معها قلت اكيد هذي وحده من معلماتها أو إدارياتها لأنه لو كانت من أقاربنا بتجي تسلم علي وشفتها وهي تصب لها القهوه ، سبحان الله ماإرتحت لها لإنه لو وحده من المعلمات أو الإداريات بتجي تسلم على أم البنت ، المهم شوي قمت بروح لهم إلا تقوم المره وتخلي زمزمية القهوه حقتها وقفت أنا بمكاني يوم شفتها راحت وجاتني بنتي وسألتها منهي هذي ؟ قالت مااعرفها ! ، قلت وشلون ماتعرفينها وجالسه معها ؟! وانا معلمه عيالي ومربيتهم انهم مايجلسون أو يسولفون أو يروحون مع أحد غريب أبداً أبداً ، قالت لي هي إنشبت لي تقولي إلا تجين تتقهوين معي (أنا وحيده واللي معي صديقاتي ماجو وإلا تجلسين معي تتقهوين )وأكسرت خاطري وجلست معها شوي وقامت تقول بروح شوي وأجي وقمت عنها ، هاوشت بنتي وقلت لا عمرك تجلسين مع أي كان إلا أنا أو أبوك معك ، وتسكر الموضوع .
بعدها بأسبوعين مدري وش اللي ألهمني إني أخذ جوال بنتي هذي ، أنا أعرف الأرقام السريه للإجهزه كلها ومتى مابغيت أخذهن ، دخلت على سناب بنتي إلا أشوف وحده ترسل لها ( هاه تكفين تعالي والله اخليك تنبسطين وهي تعارف إذا ماعجبك الوضع رجعتك لبيتكم) أنا إنهبلت قمت وناديت بنتي وأنا أرجف حسيت الوضع مصيبه ، وريتها المحادثه اجلست تبكي وتصايح وتقولي والله يايمه انه مالي علاقه باللي يصير بس هي ناشبه لي ، قلت علميني السالفه كلها قامت قالت إن المره اللي شفتها بالمهرجان وجلست معها أخذت سنابي وكانت اسبوع كامل تسولف معي وتصور كل شي وتطالبني اصور لها بيتنا وغرفتي ووجهي بس انا ارفض مدري شلون أقنعتني أصور جزء من وجهي صوره وحده بس .
وبعدها قالت لي خلينا نطلع لكافي جديد له فتره مفتوح وانها تبي تعرفني على صديقاتها وانه بيجون معهم2 من الشباب شافوا صورتي وخقوا علي وإنهبلوا وإلا يبون يتعرفون علي وأنا أقول لها مااقدر أطلع من غير أمي وأبوي وهي تقول قولي لأمك إنك بتروحين للسوق وإنك بتروحين لدورة المياه أخذك وتطلعين معي للكافي فنجال قهوه 10 دقائق بالكثير وراجعين وهي اللي بتتكفل بالفاتوره واشوف الشباب اللي يعجبني فيهم واحد اصير له حبيبه وصديقه ، وانه معها ثنتين من صديقاتها ( عربيه كانه سوريه أو مصريه ووحده سمراء صغيره شوي شعرها بوي )
انا جتني أم الركب ماقدرت أوقف على رجولي ، اللي أسمعه صحيح والا خيال ، بعد ماصاحت بنتي وصحت معها كان عندي خيارين ياإما إني أتصل عليها وسفل فيها بس صورة بنتي واسمها وعنوانها تعرفه ، أو اتواصل مع الهيئه وأخلي بنتي تطلع ويمسكونهم كلهم بس انا خفت على بنتي تتشوه سمعتها أو ينتقمون منها ، قررت أعلم ابوها لانه السالفه كبيره هذي وحده مهمتها تسوي علاقات بين الشباب والبنات بمعنى ( جـ........)قرر ابوها يبلغ واحد من ربعه يشتغل بالشرطه ونشوف وش يقول لنا ، المصيبه أول شي قاله أنتم مو أول الناس اللي تبلغ عنهم وعندنا خبر بكل شي يسوونه هذول قروب حريم اعمارهن 48-50-53 سنه ، للاسف بعضهن مدرسات ومديرة بنك مهمتهم يضبطون الجلسات هذي ويتصيدون بنات المتوسط والثانوي بحكم انهم مراهقات ومندفعات ، وإذا ضبطت بين شاب وفتاة يأخذون فلوس على القذاره اللي يسوونها ، بس حنا تاركينهم لانه نبي الناس اللي وراهم ، نبي نصيدهم بس للأسف الأهالي اذا عرضنا عليهم الشي هذا يخافون على سمعة بناتهم مع إننا نعطيهم الضمانات الكامله كل شي بيكون سري بس يرفضون ، وطريق الحرام مايدوم وبإذن الله يطيحون بشر أعمالهم اللي مايخافون ربهم ، زوجي رفض يقدم شكوى وطلعنا سويت بلوك وحضر وقفلت سناب بنتي وفرمت جهازها وسويت سناب جديد ، لكن بقلبي اللي صار اللي يجرون على بنات المسلمين ، هذول فقدوا شرفهم علشان كذا يبون بنات المسلمين مثلهن أفقدوا حيائهن ، هذول إنعدم الوازع الديني نسأل الله السلامه ، كتبت لكم اللي صار بالضبط من حقكم علي كمسلمين تعرفون باللي قاعد يصير بالمهرجانات والمولات ، لا تتركون بناتكم المراهقات يروحون لحالهن أبداً ، فتشوا أجهزتهم قدامهم ومن وراهم تراهم أمانه برقبتكم ليوم الدين ( كلكم راعٍ وكلكم مسؤول عن رعيته) ، أستودعوهم الله بكل وقت ، وأدعوا لهم بالهدايه والصلاح وإن الله يبعد عنهم رفقاء وأصحاب السوء .
كتبت لكم سالفة بنتي مابي غيري يطيح باللي بغت تطيح فيه بنتي خذوا العبره وأنشروه ، شرف بنات وشباب المسلمين أمانه بقربتكم ، علموا الناس تراها بذمتكم ليوم الدين ، بالأيام الفضيله هذي وبالعشر الأولى من ذي الحجه أدعوا الله وألحوا بالدعاء على أهل الفساد والمعصيه إن الله يرينا فيهم عجائب قدرته أجلاً غير آجل ، وإن الله يرد كيدهم في نحورهم ، وإن الله يسلط عليهم من لايخافك فيهم ولا يرحمهم ، شرف بنات وشباب المسلمين بين أيديكم أرسلوا هالرساله لكل قروباتكم ، وخلوها إبراء للذمه عنكم وعن عيالكم ولا تكونون من ( إن الناس إذا رأوا المنكر فلم يغيروه؛ أوشك أن يعمهم الله بعقابه ) وكونوا من ( من رأى منكم منكرًا فليغيره بيده، فإن لم يستطع فبلسانه، فإن لم يستطع فبقلبه وذلك أضعف الإيمان )


توقيع : بريق الألماس
Foz
سبحانك اللهم وبحمدك

رد مع اقتباس
قديم 06 Aug 2019, 10:39 AM [ 2 ]
عضو مبدع


تاريخ التسجيل : Apr 2016
رقم العضوية : 75083
الإقامة : saudi arabia
الهواية : علم الفلك
مواضيع : 8
الردود : 370
مجموع المشاركات : 378
معدل التقييم : 293الحالمة is a jewel in the roughالحالمة is a jewel in the roughالحالمة is a jewel in the rough

الحالمة غير متصل


رد: قصه منقوله من أم كادت إبنتها تكون ضحية عصابه.


"

الله المستعان
ناس باعوا ضمايرهم لدرهم والدينار
ويكأنهم خالدون مخلدون بهذه الدنيا
الراحله..!

..
قصه يدمي لها القلب قبل العين
مااقول الا الحرص ثم الحرص
الدنيا صايره تخوف
وحتى لو نسوي خير نخاف
نلاقي عكسه!

...
بريق الألماس
شكرآ لك للقصه الهادفه
تسلم الانامل
تقديري
..


توقيع : الحالمة
''
لاتحاول أن تقلد غيرك لتصبح نسخة مكررة عنهم،
كن على الآخرين مختلفا وضع بصمتك الخاصة.
....

ممتنه لكم إداره الشدادين.
..
الأعلى رد مع اقتباس
قديم 06 Aug 2019, 02:51 PM [ 3 ]
عضوة متميزة


تاريخ التسجيل : Jul 2019
رقم العضوية : 77703
الإقامة : saudi arabia
الهواية : برامج الحاسب و تصاميم مواقع فرونت بيج
مواضيع : 132
الردود : 335
مجموع المشاركات : 467
معدل التقييم : 25بريق الألماس is on a distinguished road

بريق الألماس غير متصل


رد: قصه منقوله من أم كادت إبنتها تكون ضحية عصابه.


حياك الله أرحبي نورتي متصفحي بمرورك الكريم وأسعد الله أوقاتكم بكل خير.

الأعلى رد مع اقتباس
قديم 06 Aug 2019, 04:06 PM [ 4 ]
مؤسس شبكة الشدادين


تاريخ التسجيل : Jan 2005
رقم العضوية : 1
الإقامة : saudi arabia
الهواية : رياضة + كمبيوتر وبس
مواضيع : 1729
الردود : 87696
مجموع المشاركات : 89,425
معدل التقييم : 4981السلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond repute

السلطان غير متصل


مـجـمـوع الأوسـمـة : 8
فعالية ضوء عدسة

فعالية طلباتك أوامر

شكر وتقدير

فعالية مجموعات المنتدى

يوميات الأعضاء

التميز في دورة الفوتوشوب

شكر وتقدير

أجمل خط 1434 هـ


رد: قصه منقولة من أم كادت ابنتها تكون ضحية عصابة


حمانا الله وحماكم وجميع المسلمين
من كل ذي أذى وصاحب شر
وبارك فيك يا بريق الألماس وحفظك


توقيع : السلطان




الأعلى رد مع اقتباس
قديم 06 Aug 2019, 04:16 PM [ 5 ]
عضوة متميزة


تاريخ التسجيل : Jul 2019
رقم العضوية : 77703
الإقامة : saudi arabia
الهواية : برامج الحاسب و تصاميم مواقع فرونت بيج
مواضيع : 132
الردود : 335
مجموع المشاركات : 467
معدل التقييم : 25بريق الألماس is on a distinguished road

بريق الألماس غير متصل


رد: قصه منقولة من أم كادت ابنتها تكون ضحية عصابة


امين يارب ونورت متصفحي يا السلطان بمرورك الكريم.

الأعلى رد مع اقتباس
إضافة رد
الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

07:49 AM
Powered by vBulletin® developed by Tar3q.com

RSS For Network AlShdadeen official