احترامي للرجال !!

السلام عليكم ورحمة الله وبركاته

مسائكم جنّه

مصافحه أولى
.
.
.

.

مع احترامي للرجال اللي تشبه بـ الرجال =أحدن بها ما قد درا .. ويسلم بها من قد درا
ما دام وصلت للخشوم و لا ورا خشمي مجال =يعني ترا اللي بـ الثرا أطيب من اللي عـ الثرا !!
لا بارك الله بـ الرجال اللي ما تذرا كـ الجبال =صلفن ليا مال الزمن تلقى تحت ظله ذرا
ما هو مثل من تعتزي به قال : يا ولد الحلال !!=عقّب صبين لا نخيته قال قول و لا ترا
الاوله تلقى الشحم / و الهيل في وسط الدلال=و الثانيه ما تنثني لا يلتفت شبحك ورا
خلك كماه و لا تدون و لا تقول : الحظ مال=مثلك ليا من مال به حظه يحيلوا ابه الكرا
يا صوتي المبحوح جاوبني ابي رد السوال ؟=انا تعبت من السوال اللي فرا ضلوعي فرا
في راسي الكوكب كذا أشياء من رسم الخيال=ماني بـ قايل أغلبه لكن / هذا اللي جرا ؟!
أعباء تثقل كاهلي ما هي بـ للطارف محال=كم شال سمحان الحمل كنه على المتن اشعرا
الصبر .. بنك الاغنياء اليا بغينا الصبر مال =واليا رجعنا للحقيقه كل خلق الله افقرا !!
الروح تتيتم و انا يتيم من بعض الكمال =لله درك يا الشعر سويت حاجه لمن قرا
البارحه شكل المطر مدعاة رؤيه للجمال =ما ادري تبخر ذا البحر و الا عيوني تمطرا ؟!
لكن / يا صوت البحر أدري بـ أنك لا تزال =تشكي و انا اشكي مير لله البقى و لله البرا
وما دام وصلت للخشوم و لا ورا خشمي مجال =يعني ترا اللي بـ الثرا أطيب من اللي ع الثرا

حياك الله أخي الشاعر
عبدالرحمن
ويا هلا بك معنا في منتداك
مصافحة جزيلة من شاعر كبير ومتمكن
صح لسانك ولا هنت يا بعدي
وننتظر منك المزيد

قصبدة تحمل كل معاني الرجولة

بارك الله فيك عبد الرحمن

حياك الله أخوي عبدالرحمن
وصح لسانك واعتلى بالخير شانك
ولاهنت ع القصيدة الجزلة

رائعة أخوي مصافحتك

صح لسانك واعتلى شانك

سلمت ولا هنت

مرحبا تراحيب المطر ياعبدالرحمن

والله يحييك من ممشاك لملفاك

شاعر جزل ومتمكن

بنتظار جديدكك

اعضاء شبكة الشدادين
البقى على هذا الترحيب المُشرف و الغير مستغرب منكم
صح الله ابدانكم ، مروركم اعذب ك تواجدكم
دمتم وداً

صح لسـانك ملايين ولايسدون
ولاهنت ياعبدالرحمن
حياك الله وبياك وجعل الجنة مثوانا ومثواك

يعني ترى اللي ع الثرا أحسن من اللي ف الثرا

صدقت يابو داحم

وحياك في منتدى الشدادين

وانت شاعر جميل اعرفك بمنتدى آخر ومن نجومه ايضاً

صح لسانك ويامرحبا بك

تحياتي

البقى اخوي سائر و صح الله بدنك و انت اهلاً ب التشريف
دُمت بخير
.
.
البقى الشذى و صح الله بدنك
وافر الشكر ل تواجدك
,