باع المزرعه عشان عيونها..

السلام عليكم

محمد بن صقر البرقي الشهراني ذهب حاجا وفي الطـريق خـاوا انـاس من اهل الوادي ورأى معهم فتاة جميله فأسرت قلبه ولما عادوا عاد معهم وخطبها ووافق أهلها على ذلك ثم رجع الى أهله وكان لها ابن عم حاجرها ( محيرها ) ولما علم بذلك عزم على الزواج منها
وجاء المرسول الى البرقي بان زواجها على ابن عمها بعد أسبوع فلم يجد راحله توصله الى خطيبته ....
وليس أمامه سوى مزرعته المسماه (السهيليه) فباعها مقابل ذلول توصله إلى خطيبته وفعلا ذهب واخذها قبل دخول ابن عمها بها
ويشرح تفاصيل قصته بهذه القصيدة التي تبين ما يفعل العشق بصاحبه وانه قد يتنازل عن الكثير من اجل عشيقته

محمـد البرقـي تهيـض بـونّـه = في مسجد الحمّه مداهيـل الاجـواد
صليت لي فـرضٍ وخليـت سنّـه = شفقٍ على هراج مركـوز الانهـاد
الحـال ونـات العـشـي كملـنَـه = والجوف تومي به خفيفات الانـواد
لي صاحب وادي الدواسـر مغنّـه = في ديـرة فيهـا نفانيـف وبـراد
من حدّر الـوادي لقـا فيـه جنـه =ومن سنّد الوادي لقا فيه الاجـواد
الله علم عن صاحبي ويـش ظنـه =لا يحسب ان الحب يمحـاه الابعـاد
لابـد عجـلات الركايـب يجـنـه =في ساعة والناس في النوم هجـاد
الحـق والمفـرود مـا ياصلـنـه = كود حرةٍ يبـري تعبهـا التجـلاد
وجدي عليهم وجـد مـن هملنـه = عيرات الانضـا لا شـراب ولازاد
او وجـد سرحـانٍ ليـا حيّـزنّـه = سحم الضرايا واصبح الصبح ماصاد
او وجد مـن خلـي بحدبـا مجنـه = لاجـــاه زوار ولاجـــاه رواد
علـى وليـف كـن بـراق سنّـه = شهلول برقٍ خِيلـت عقـب رعـاد
قلبي عليهم يقـرع اقـراع شنّـه = يلعب بها الركبـي مـع كـل وراد
شبهـت خلّـي غرسـة مستكنـه = او بكـرة عفـرا مقـاديـم الاذواد
ما انساه كود الخيل تنسى الاعنـه = والحضر والبدوان ينسون الاعيـاد
ريحه زبـاد مـن سويقـه مغنـه = تلفي به الحجاج من سـوق بغـداد
ازميّمه فـي عالـي الخشـم كنّـه = يشدي زهر حوذانة غـب الارثـاد
شبه الغزال اللي التواصيـف منّـه = خذيتها غصب علـى كـل حسـاد
خذيتها فـي الليـل يـوم احجبنـه = فوق الذلول اللي زهت خرج وشداد
يـوم القيـان السـود قـد قرننـه = شقر عكاريشه على الصـدر وراد
وزبنت به ربعـي حـداد الاسنـه = جمع البروق اللي على الهوش وراد

تحياااااااتي

اختي

المستحيلة

قصة روعة في التضحية لاجل من يحب

شبهـت خلّـي غرسـة مستكـنـه - او بكـرة عفـرا مقـاديـم الاذواد

ما انساه كود الخيل تنسـى الاعنـه - والحضر والبدوان ينسون الاعيـاد


العاشق دائما عنده استعداد بان يضحي بكل مايملك فداء لمن يعشق

والبرقي اّثر التضحية باغلى مايملك

للفوز بعشقه

مشكوره و سلمت يمينك

تحياتي

مشكوره يالمستحيله على القصه

والقصيده الجميله الله يعافيك

وننتظر جديدك تحيتي لك

متفائل ياربي حيه ابو بندر في صفحاتي .. والله انك صادق

سلمت عبدالله حياك يالذيب

هذا أقل مايعمل المعشوق لعشيقته

وسمعنا عن تضحيات من أجل هذا العشق

تعتبر دروس ومواعظ يستفاد منها

فكلمة الحب تجبر الشخص على عمل المستحيل

من أجل إسعاد وتلبية طلب من يحب

قصة جميلة أختي المستحيلة والله يعطيك العافيه

الله يعافيك يالبرنس ويعافينا جميعا من الحب وغرابيله

	هذا والحب ومايسوي ويسوي أكثر من كذا تسلمين ياأستاذه المستحيله موضوع وقصيده جميله بكل معانيها

الله يعطيك العافية يالمستحيلة

ومن الحب ما قتل وجندل وبهذل

الله علم عن صاحبي ويـش ظنـه =لا يحسب ان الحب يمحـاه الابعـاد
لابـد عجـلات الركايـب يجـنـه =في ساعة والناس في النوم هجـاد

ماهي كثيره اذا كانت تستاهل .... وقد وضع روحه فوق كفه بعد بيع المزرعــــه

شبه الغزال اللي التواصيـف منّـه=خذيتها غصب علـى كـل حسـاد

على كذا لو يكملها بالذلول ماهي خساره ....


المستحيلة

يعطيك العافيه وتقبلي

صادق تحياتي