{({عز^ نفسك})}

الزمن لا صار ضدك واحتوى درب المصايب=لا تحاول تنكسرله لا تزيد الطين طينه
للزمن حكمه غريبه تحكم بدرب الصعايب=وياكثر من ضيع الفرصه وهي فرصه ثمينه
عز نفسك في زمانك لا ..تقول الحظ خايب=وسوق عمرك للمعالي وأكسرالنفس الحزينه
والطريق اللي تشوفه يرسم للدنيا عجايب=مد يدك في طريقه لين ما تمسك يمينه
والرفيق أن طال وقته لا تحاتي وكل غايب=حجته دايم معاه ولا تقول فلان وينه
ولا تكابر بالمصيبه لا حكوا بأغلى الحبايب=قول غالي وكل غالي تكرم لعينه مدينه
والبلا وأكبر مصيبه لا صدو عنك الحبايب=وتصبح الدنيا ظلام وتصبح اللحظه لعينه
وقتها لا عاد ينفع لا عتاب ولا طلايب=والزمن والحظ الاقشر ألعنه وألعن سنينه

مشكور يابو مسلط

على النقل والاختيار الرائع

وصح لسان الشاعر

تحياتي لك الغربي

ابو مسلط

يعطيك العافيه ولاهنت على الاختيار المتميز وجميله ورائعه

ابو مسلط
يعطيك العافيه ولاهنت
على النقل والاختيار الرائع