أحب ربعي الاد شداد

بسم الله الرحمن الرحيم
هذه قصيده قلتها في ربعي الغالين*الاد شداد*:

يــــالله يــا المعــبود رب العــبادي=يـا واحد(ن) بامره هباهيب الانواد
يا رافــع(ن) ســبع(ن) بـلــيا عـمادي=يــا واحد(ن) ترزق مياتيم الاولاد
انــتــه رجــايه وعــلـيـك اعــتـمادي=واغفر ذنوب(ن) لي كثيرات الاعداد
انــت الغــفور وانــا الجــنه مــرادي=يـا واحد(ن) لرضاه نركع وسّجاد
قــلـته وانــا ربـعـي الاد شـــدادي=ولا ني عـلى عـد المناكير وّراد
من صـلب اخـوفاحه نحاز المعادي=راع البـواضـا للعـدى سم الاكباد
سّو(ن)على اللي يركبون الشدادي=ان جاء نهار(ن) فيه تشتيت الا ذواد
عــيــنت العطيّب نــهار الـتــنادي=شـرار اله بين المــثارين صيّاد
عــليه حامــت جايعات الحـنادي=قـشر الطيور اللي مخاليبها احداد
الاد شــداد اصــقـور الــهــنادي=اهـل النضا واهل المفاخر والامجاد
ربعي هل العـليا نهار الطرادي=حــمّاية الــساقه عريـبــين الاجداد
اللي من كاس المر تسي الاعادي=حــمّاية الــتالي وفـييـن الا وعاد
وحريـبـنا ما يهتـني بالرقــادي=تـسهر عـيونه والـمخاليق رقــاّد
كم عيطموس(ن) لبسوه الحدادي=عـقب الــطرب راحت غرابيل وانكاد
خلوا مناها عـشى ذيب الحمادي=من عقب ربعي عافت الشرب و الزاد
على النقا مـا نـقتنع بالـهجادي=نروي نـهار الكون اسيوف(ن) احداد
(احب ربعي) مخضـبـيـن الهنادي=اللي فـعــايلهم مراميــس و اجــداد
ربعي هل الـطاله ربـيع الفوادي=والا نـظر عـيني نشوف ابه الابعاد
ومن لامني في حبهم ويـن غادي=عــساه في حــياته يشوف الا نكاد
قــلته وانــا ربعـي الاد شــدادي=واستغــفر الله عد مـا دن رعّــاد

بقلم/

فيصل بن زايد بن نايف بن شرار ابن مهرس
الشدادي

ارجوا ان تنال اعجابكم
ابن مهرس

تسلم يابن مهرس كفيت وفيت رائعة وجزلة ويستاهون ربعك الاد شداد
وعساك على القوة..

[all1=66CCFF] الله الله الله


بسم الله الرحمن الرحيم



لا اله الا الله محمد رسول الله

وش هالروعه وش هالقمه

بيض الله وجهك والنعم بك وبالاد شــــــداد

يستاهلون منا الشي الكثير


ما قصرت ولاهنت على هذه القصيده الراااااااااااااااااائعه


ويعطيك الله الف عافيه

تقبل فائق أحترامي لشخصك الكريم

[/all1]

عشت يا ابن مهرس

كفيت ووفيت ومدحت ربعك بيض الله وجهك

وهم يستاهلون العلوم الغانمة كلها

سأقوم بتنسيق القصيدة ونقلها لقسم المواهب

شاكرين لك حضورك ومشاركتك ومطالبينك بالمزيد

البيت يقول:
الاد شـــداد اصقور الهدادي** ا اهل النضا واهل المفاخر والامجاد

واشكر من تفاعل مع القصيده ولا احد يلومني في حب ربعي........
ابن مهرس.

ابن مهرس مشاء الله على روعة وجزالة هالقصيدة صدقني قصيدة مايقولها الا شاعر وشاعر متمكن وفيها من ريح

الشعراء القداما ولكن فيها بعض البيوت القليلة مكسورة كسر بسيط ساوضحها بالخط الاحمر وارجو ان تنظر اليها وتعدلها فلا تترك هذه الجوهرة هكذا..


انت الغفـور وانـا الجنـه مـرادي
يا واحد(ن) لرضاه نركـع وسّجـاد
قلتـه وانـا ربعـي الاد شــدادي
ولا ني علـى عـد المناكيـر وّراد

عينـت العطيّـب نهـار التـنـادي
شرار الـه بيـن المثاريـن صيّـاد



اللي من كاس المر تسـي الاعـادي

حمّايـة التالـي وفييـن الا وعـاد

صح لسانك يابن مهرس

وبيض الله وجهك انت

مدحت ربعك وهم يستاهلون

ولا احد يلومك في حب ربعك

ويعطيك العافيه

حييت يافيصل صباح وهجادي= حييت ياذخر العريبين الاجواد
حييت فن جيتك غاية مرادي= ابن الشيوخ شيوخ للا د شداد
حييت ياصقر(ن) عريض الثنادي= طيرن حرار وللصعيبات معتاد
حييت ياذيب الذياب العوادي= يابادع بيوتن جزيلات وجداد
حفيد ابن مهرس لا نادى المنادي= على حياض الموت شرار وراد

اشكر جـــــــــــــــــــــــــــــــــــــــــــــــــ ــــميع من تفاعل مع القصيده والله يعطيكم الف عافيه يا نسل القروم( الاد شداد)