لويحان شاعر الحكمة

الشاعر الكبير عبدالله بن عبدالرحمن اللويحان المتوفى عام 1312هـ أحد الشعراء المشهورين في الجزيرة العربية

البارحة ما هملج الطرف بنعاس= ما فاض من نجم عيوني تخيله
لا باس يا عيني على السهر لا باس= على وليف ما ألقى مثيله
عنا قطع شوف المواصل له ارماس= ولا في يدي من نابي الأرداف حيله
فيما مضى ياخذ جوابي من الراس= واليوم لا عاني وانا ما اعني له
العشرة اللي ما توثق على ساس= تطيح لو صارت حصون طويلة
يا ونتي منها المعاليق يباس= صبري قضى ما باقي إلا قليله
صبرت صبر صابني منه وسواس= صبر له النفس العزيزة ذليله
على وليف حال من دونه الياس= والياس طب للقلوب العليله
من يتبع المقفي مردّه بالافلاس= مثل الذي بالقيظ يدفق صميله
هذي دروب الحب جده ودرّاس= الله يمضيها يستر وجميله
موفق للخير يا ظبي الأطعاس= لا تحسب الدنيا باهلها طويله
(الصاحب ال غالي نحطه على الراس= واللي يودك لا تدور بديله)
وصلاة ربي عدّ ما هب نسناس= على نبي وضّح الله دليله

موفقٍ للخير ياظبي الاطعاس= لاتحسب الدنياء باهلها طويله
الصاحب الغالي نحطه على الراس=واللي يودك لادور بديله

الله يرحم اللويحان

هذا القصيد اللي اله طعم ماهوب قصيد الخكاريه اللي غثوا الشعر

ابن مهرس اختيارك طيب وانت اطيب

شكري لك

ماعليك زود يابو زياد ومشكور على المرور
تحياتي ,,,

صح لسان شاعرهااا

ومشكور اخوي الكريم

كل الود

مشكور اخوي عبدالله على المرور
تحياتي ,,,

صح لسان الشاعر ولاهنت يا ابن العم على النقل

مشكورأبن مهرس2008 ونورت صفحتي ياولد العم
تحياتي ,,,

قصيدة من قصائد الزمن الجميل

الله يرحم الشاعر عبدالله اللويحان

وتسلم اخوي ابن مهرس2008

على الإختيار المتميز

بيض الله وجهك يا ابن مهرس911

والله يرحم اللويحان وعزالله هذا قصيد العرب الزين

عز الله إنه الشعر اللي يبرد القلب ويرطب الكبد

شعر الحكمة والنصائح وتجارب الكبار

اختيار طيب يا ابن مهرس الله يسلمك ويبارك فيك