بابن غالب اللي هندس القول هنداسي

اعزائي الكرام اداري واعضاء منتدى شبكة الشدادين الرسميه
اسعد الله صباحكم /ومسائكم بكل خير ردي المتواضع على قصيدة اخي شاعر الوطن
((حروف القصيده والنقط من غلاها ماس))أأمل ان تحوز على رضاكم والسلام عليكم

هلا مرحبا بالعلم والسلم والهنداس=بابن غالب اللي هندس القول هنداسي
يقول العرب ياجزل كالبن في المحماس=يورون فيك بهندسة سلك الالماسي
وانا اقول يابن العم ما للخبر مهراس=وربك يقول الليل ستار وألباسي
هلا الوافيه والواكيه ماتعرف افلاس=وهل الطيبه ياصاح ماتعرف افلاسي
بحور القوافي يابن غالب لها غطاس=وماللبحر ياكود شرواك غطاسي
لكن خل قوم الطبل دقاقة المرواس=تطبل ولافي يديها غير مرواسي
تمايل مع التطبيل ماتحتمي المتراس=هل الطبله اللي تعشق الجلد متواسي
ورضا الناس صعب وغايتآ مالها مقياس=وغلطان لو قلت اسمع الناس ياراسي
لكن الصحيح يدوم غصبآ على الحواس=وراعي الحوايس من ردى الفعل منداسي
ومهندس حروف الشعر في الراقيه نبراس=يصوغ العباره صوغ في قمة الراسي
يقود القوادي بالخيال ان بغيت اجناس=ويملك شعور الناس فالواقع اجناسي
ولد روس من قدم الزمن تكسب النوماس=لها ضمن تاريخ العرب فعل نوماسي
عسى العافيه تذكرك ياراعي الهوجاس=ودامت لك الذكرى ولا لك ولا ناسي

صح لسان ابوفهد

ويشرفني ان اكون الاول بالرد

على جزل الااسم على المسما

مبدع ورايع

والبيض فالك

وانت راعي الاوله

ياابن العم والحال واحد

وايضاحك يستق الشكر

وانت وانا والغربي

مكملين بعضنا

ودمت بصحه وخير

وتقبل ازكى التحايا

ابوتركي
اشرف مرورك الراقي
لاهنت ولاهان غاليك
تفضل
بقبول
فايق
ألأحترام

هلا الوافيه الواكيه ماتعرف افلاس
وهل الطيبه ياصاح ماتعرف افلاسي
وانا اشهد انكم هل الوافيه بدع ورد لمدارس شعر واساتذه ابدعتم وامتعتم حكم ومعاني ثمينه بمعني الكلمه والله يعطيكم الف عافيه وصح لسانك مليارات واكثر
تقبل تحياتي,,,,