الشيخ سلطان بن فهيد الشدادي

بسم الله الرحمن الرحيم

السلام عليكم ورحمة الله وبركاته

هذه القصيده موجهه إلى خالي الشيخ سلطان بن فهيد بن فراج الشدادي

ولي فيها طلب بسيط

وابو حماد من رجال القبيله واعلامها الذين لهم مواقف لاتنسى

مع الجميع
.
.

.
.

ياهاجسي مادام شاعرك بيطار=هل القوافي كل ابوها جزيله..
غير الجزاله ياهل الطيب ما اختار=وكنز القناعه مارضيت ابديله..
شاعر والي في صدر الايام تذكار=واضمد جروح القلوب العليله..
تهطل بيوتي كنها وبل الامطار=اللي تهلهل من صدوق المخيله..
سلام ياراع الوفاء نسل الاحرار=سلام يارجلٍ يفيد الجميله..
رجلٍ رقى بالطيب في كل مسبار=مايبدي الا النايفات الطويله..
هذاه ابو حماد في سر واجهار=سلطان يابن فهيد مافيك حيله..
زبن الدخيل ومكرم الضيف والجار=قرم وشجيع ويصنع المستحيله..
ياطى على جور الليالي والاخطار=واليا مشى فالدرب مثل قبيله..
انا اشهد انه من طويلين الاعمار=اللي يحلون الصعاب المهيله..
يابو علي للعلم مارد ومصدار=والصدر ضايق والسوالف طويله..
وظروف هالدنيا بها الرجل يحتار=ويشيل بكتوفه حمولٍ ثقيله..
يابن فهيد انته من طوال الاشبار=وفعل الوفاء خابرك دايم كفيله..
هذي سنه يالقرم والنقل مادار=بذلت جهدي بس مابه حصيله..
واخذت باوراقي مع الناس مشوار=والعين شفها ساهره كل ليله..
لا قلت صار النقل يقلون ماصار=اترك طلبك وهات شيٍ بديله..
وانا ماريد الا النقل داخل الدار=دايم مطاليب النشاما قليله..
طبع القرار يطمن القلب باقرار=لكن فرحة هالليالي بخيله..
يابو علي كني على صالي النار=صبرت مير الصبر يتعب عميله..
واليوم انا ناصيك يانسل الاخيار=وانته مواقيفك تراها جليله..
ياخالي افزع واردع الوقت لو جار=وانته من اللي فالمواقف دليله..
ان جبتها يابو علي فانت بيطار=اصيل وفعولك مع الناس اصيله..
وان ماتيسر شي ياراعي الكار=تبقى شجيع ومن شيوخ القبيله..
راسي على الطاله مثل ضلع سنجار=والجود يابن فهيد وفيت كيله..
يوم الردي يالقرم يكثر فالاعذار=تكرم عنه والله منته مثيله..
تكرم عن هروج المعادي والاشرار=محشوم من هرج المنافق وقيله..
وختامها صلوا على سيد الابرار=شفيعنا اللي ماتبعنا بديله..

.
.
تحياتي

عيد بن عبيد بن سلطان الشدادي

صح لسانك يابو عبيد وبيض الله وجهك ويستاهل سلطان بن فهيد العلم الغانم

والله يوفقك ويحقق لك مرادك

الله يحقق لك مطلبك

صح لسانك وبيض الله وجهك

كفو كفو كفو
والله يا عيد
يستاهل سلطان بن فهيد كل العلوم الغانمة
وأكيد إنه من الرجال اللي عليهم العلم
ويعتبر منصى لربعه ومزبن لكل من أتاه

صح لسانك ولا هنت

الله يرزقك و يقضي حاجتك و يغنيك عن خلقه

اللهم آمين

أبيات قوية و جزلة

ما شاء الله تبارك الله

و لا هان بحر القوافي أتوقع انها بصوته ؟!

~

الأبيات نجد فيها وضوح العبارة وسهولتهاوبعدها عن التكلّف إلى جانب المعاني الإنسانية الواردة فيها

وكل بيت بمثابة القصيدة المتكاملة !

وأخيراً أغبط الشيخ سلطان على جميل قولك فيه إذ أثنيت فأجدت وأبدعت .

وأسأل الله أن يحقق أمانيك جميعها ، والآن ساعة إجابة لايرد الله فيها سائلاً مقبلاً عليه .

بارك الله فيك أخي

صح لسانك يابو سلطان

والنعم بك وبخالك وبربعك كلهم

والله يتمم لك النقل وسط ديرتك وانا أخوك

ونعم بالمادح والممدوح

مع انني ما اعرف الشيخ سلطان للاسف
لكن مايمدح الكفو الا كفو وعيد كفو

ومطالب الرجال عند الرجال عليها الدنيا من ساعتها

ولايعتذر قادر على الفعل دندون / لاصاب حق النفس روحه رهنها

صح لسانك ياعيد مليون

الله يوفقك
ويكتب لك الخير
ويحقق لك ماتتمنى
وأكيدمانصيت الإجبل

صح لسانك ياعيد
وبيض الله وجهك شاعر
واجزلت شعرك في رفيقك
سلطان بن فهيد الشدادي
فهو كفو ويقدر على تلبية طلبك.